133. மன்னராலும் கரையிடமுடியாத……

 

 

மன்னராலும் கரையிடமுடியாத……

 

மனம் நெகிழ்ந்த போதும்,
மனம் மகிழ்ந்த போதும்,
மனம் குலைந்த போதும்,
மனம் அனாதரவான போதும்,
மனம் கனத்த போதும்
மணித் துளியாகத் துளிர்க்கும்.
மனம் பின்னர் இலேசாகும்.
மாய மந்திரமானதும் கண்ணீர்.

வல்லின மனதையும் கரைக்கும்.
நல்லின மனதையும் சாய்க்கும்.
விழியின் கரையுடைத்து, சமயத்தில்
வழியும் வெண்படலம் உருகி
வழியும் உயர் பனித்துளி.
விழிச்சிப்பி விரிந்து கணத்தில்
வழியும் முத்துகள் கண்ணீர்.

கண்களில் பளபளக்கும் அபிசேகக்
கனகதுளி, வெந்நீர் திரையிட்டால்
மன்னராலும் கரையிட முடியாது.
தேசியச் சாரல் கண்ணீர். – சமயத்தில்
தந்திர உபாயக் கருவி.
தூசி விழுந்தாலும் இது ஓர்
ஆசி பெற்ற பொது நீர்
அரிய உயிரை அரிக்கும் நீர்.

உப்புக் கரிக்கும் கண்ணீர்.
உழைப்பாளி, பணக்காரன், ஏழை
இந்து, கிறிஸ்து, இஸ்லாம்
கிறுக்கன் மேதையென எண்ணாதது.
சம்பந்தன் கண்ணீருக்குப் பாலமுதை
சர்வேசுவரி ஊட்டினாள்.
வானத்துக் கண்ணீர் மழையில்
வளமாகிறது பூவுலகு.

வேப்பமரத்துக் கண்ணீர்
அப்புதலுக்கு ஒரு பிசின்.
இறப்பர் மரத்துக் கண்ணீரில்
இராச்சியப் பொருளாதாரம் உயர்வு.
மனிதக் கண்ணீரின் சாதனையன்றி
மரத்துக் கண்ணீரும் உயர்வுதான்.
கண்ணீர் வடிக்கும் துன்பத்தால்
கட்டுடலே தளர்கிறான் மனிதன்.

 

பா ஆக்கம் வேதா. இலங்காதிலகம். 
ஓகுஸ், டென்மார்க்.
19-10-2006.

( ரி.ஆர்.ரி தமிழ் அலை, ரி.ஆர்.ரி தமிழ் ஒலி, இலண்டன் தமிழ் வானொலிகளில் என்னால் வாசிக்கப்பட்டது.
வார்ப்பு இணையத் தளத்திலும் வெளியானது.)

http://www.vaarppu.com/view/587/

 

 

                            

4 பின்னூட்டங்கள் (+add yours?)

  1. தமிழ்க்கிறுக்கன் நடாசிவா
    நவ் 30, 2010 @ 00:52:57

    மரத்துக் கண்ணீரின் மதிப்பு
    மனிதக் கண்ணீரின் விழிப்பு !!
    நன்று சகோதரி,

    மறுமொழி

  2. Kowsy
    டிசம்பர் 07, 2010 @ 07:04:29

    கண்ணீருக்குள் இத்தனை இருக்கிறதா?

    வேப்பமரத்துக் கண்ணீர்
    அப்புதலுக்கு ஒரு பிசின்.
    இறப்பர் மரத்துக் கண்ணீரில்
    இராச்சியப் பொருளாதாரம் உயர்வு.

    ஆழமாகச் சிந்தித்த வரிகள் வாழ்த்துக்கள்.

    மறுமொழி

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out /  மாற்று )

Google photo

You are commenting using your Google account. Log Out /  மாற்று )

Twitter picture

You are commenting using your Twitter account. Log Out /  மாற்று )

Facebook photo

You are commenting using your Facebook account. Log Out /  மாற்று )

Connecting to %s

%d bloggers like this: