199. காலமயில். (பா மாலிகை (கதம்பம்)

 

 

காலமயில்.

திருப்தி வந்து தொடும் வரை
திருமேனி அமைதியடையாது.
நிறைவு தானே பொன்சங்கிலி
குறை களைந்து வரவேணும்.

குளிக்கையில் கண்ணீர் வடிந்தால்
எளிதல்ல இனம் காணல்.
வழி எதுவென வாழ்க்கையில்
விழிகளுக்குத் தெரிவதில்லை.

வருடங்கள் போனாலே புது
திருப்பமும் தோன்றிடும் – முழு
திருப்தியைக் காண்பதே மனித
விருப்பமும் நிறைவுமாகும்.

குழப்பம், குறுக்கு வழிகள்
தழும்பி, தடக்கி, தள்ளாடும்.
கொழுகொம்பாம் நம்பிக்கையால்
முழு முயற்சி வெற்றி தரும்.

அன்பெனும் முல்லைக்கொடி
அகம்(வீடு) நிறைந்து படர்ந்தால்
உலகம் தன் கையிலெனும்
களிப்பு, நிறைவு உருவாகும்.

காலம் பூனையாய் பதுங்கி
சாலம் காட்டி ஏமாற்றினாலும்
மீளொரு காலம் வரும்
நீலமயிலாய்த் தோகை விரிக்கும்.

பா ஆக்கம் வேதா. இலங்காதிலகம்.
ஓகுஸ், டென்மார்க்.
8-7-2011.