200. தூது. (பா மாலிகை (கதம்பம்)

 

 

தூது.

 

தூய அன்புத் துணையோடு
நேயமாய் இணைக்கும் மாய இணைப்பு.
தூது!…அன்பு தூவுமிணைப்பு.
தூரத்தில் தொலைபேசியாலும் இணைப்பு.

கண்களால், கடிதத்தால், தோழியால்
இன்மொழி, ஓலை, சாடையால்,
பண்களால் அனுப்பும் தூதுகள்.
எண்ணிக்கை இல்லாப் பாதைகள்.

அன்னம் நள மகாராஜனுக்கு!
அழகிய புறாவும் தூதாச்சு!
இன்றைய காதல் இவைகளைமிஞ்சி
இணையத்தைத் தூதாகிறது…விஞ்சி.

கண்ணும் கண்ணும் நோக்காது
மின்னஞ்சலில் விரல் நுனியது
எண்ணங்களுக்கு இணை சேர்க்கிறது
இன்பக் காதலின் இன்றைய தூது.

 

பா ஆக்கம் வேதா. இலங்காதிலகம்.
ஓகுஸ், டெனமார்க்.
16-6- 1999.

(ரி.ஆர்.ரி தமிழ் அலை வானொலி,  ரி.ஆர்.ரி தமிழ் ஒலி, இலண்டன் தமிழ் வானொலிகளிலும் என்னால் வாசிக்கப்பட்டது.)

 

 

                  

 

.

 

 

14. நட்பும் நடிப்பும்.

 

 

நட்பும் நடிப்பும்.

 

மூத்தவர்களை மதிப்பதென்பதும், நல்ல நாட்கள், பெருநாட்களில் வயதுக்கு மூத்தோரிடம் ஆசீர்வாதம் வேண்டுதல் என்பதும், பழைய கலாச்சாரம். புதிய உலகம் வேறு மாதிரியானது.

என்ன கூறுகிறேன் என்று ஆச்சரியப் படுகிறீர்களா!….?…..

அந்த இரண்டு குடும்ப நண்பர்கள் திருமண வெள்ளி விழாக்களுக்கு, சீதா வீட்டிற்கு அழைப்பு வரவில்லை. நகரத்தில் வாழ்க்கை அனுபவமும், வயதிலும்  மூத்த தம்பதிகளே சீதாவும் ராமனும்.  அழைப்பு வராததால் மனது சிறிது கசங்கியது போல உணர்வு கொண்டனர் சீதாவும் ராமனும்.

பின்பு கேள்விப்பட்டனர்…. அவை பிள்ளைகளின் ஏற்பாட்டில் நடந்த ஆச்சரியக் கொண்டாட்டங்கள்  என்று. அதிலும் ஒரு குடும்பத்திலேயே, பிள்ளைகள் குடும்பத்தை அழைத்தும், பெற்றவர் குடும்பத்தை அழைக்காமலும் என்று தவறுகள் நடந்துள்ளது என்றும் அறிந்தனர்.

இதில் ஒரு விழாவிற்கு ஒரு குழுவினரின் வேண்டுகோளின் படி சீதா வாழ்த்துப்பாவும் எழுதிக் கொடுத்துள்ளாள், அது வேறு விடயம்.

இந்த இரண்டு குடும்பத்து இளைய பிள்ளைகளுடன் சீதா மிக அன்பாகப் பழகுவாள். முகநூலில் கூட அவர்களுடன் தொடர்பு கொண்டுள்ளாள். அப்படி இருந்தும் இப்படி நடந்துள்ளது. இதை சிறிது மனவருத்தத்துடன் சீதா என்னிடம் கூறினாள்.

இப்படி நடந்ததின் தவறு யாருடையது?

பெற்றவரின் கொண்டாட்டத்தை ஆச்சரியமாக நடத்துவது சரி. ஆனால்…… பெற்றவரின் மனதுக்குப் பிடித்த மாதிரித் தானே விழாவை நடத்த வேண்டும்!…….

இங்கு பெற்றவர்கள் தமது உறவுகள், நண்பரது பெறுமதிகளை பிள்ளைகளுடன் நாளாவட்டத்தில் கலந்து பேச வேண்டும். உறவின் பெறுமதி, தராதரம் அனைத்தும் பிள்ளைகளுக்கு எடுத்துக் கூறப்பட வேண்டும். அப்போது தான் பெற்றோர் பழகும் முறை, உறவின் தரம் என்பவைகளைப் பிள்ளைகள் அறிவார்கள். இப்படிப் பேசாவிடில் பிள்ளைகள் தமது நட்பு வட்டத்தைத் தானே,  தாம் ஒழுங்கு பண்ணும் விழாக்களுக்கு அழைப்பார்கள்!…..

விழாவிற்கு வந்தவர்களை ஒளி நாடாவில் பார்த்த போது, இவ்வளவு தூரம் நாம் முக்கிய மற்றவர்களாகி விட்டோமே என்று சீதா மனம் சிணுங்கிளாள்.

” இதென்னப்பா!.. பெடியள் தங்களோடு ஒத்த  கூட்டத்திற்குத் தானே  அழைப்பு அனுப்புவார்கள்! ” என்று ராமன் சீதா மனசைத் தேற்றினார்.

”எல்லாம் பெற்றவர்கள் தவறு”…… என்றாள் சீதா.
”பெற்றோரைக் குறை கூறாதீர். பிள்ளைகள் செய்வதற்கு பெற்றவர் என்ன செய்வார்?”……  என்றார் ராமன்.

”சரியப்பா இந்தக் கதையை விடுங்கள்”…. என்று கதையின் தலைப்பை மாற்றினோம் நாங்கள். 

இனி இந்த இரண்டு குடும்பத்துப் பிள்ளைகளும் சீதாவைப் பார்த்து ”ஹாய்! அன்ரி!”….. என்பார்கள். எல்லாம் மறந்து சிரித்தபடி ”ஹாய்!…. ” என்று சீதா எப்படிப் பேசுவாள் சொல்லுங்கோ!……

இது ஒரு சிறு சம்பவமானாலும் காத்திரமான தாக்கமுடைய ஒரு சம்பவம். பிள்ளைகள் பெற்றொரின்  உறவின் நெருடல் இங்கு தெளிவாகப்  பிரதிபலிக்கிறது. 

இச் சம்பவம்  மற்றைய பெற்றோருக்கு ஏதாவது கூறினால் அது நன்மையே!

நட்பு நடிப்பா!…. நடிப்பு நட்பா!….

 

ஆக்கம் வேதா. இலங்காதிலகம்.
ஓகுஸ், டென்மார்க்.
10-7-2011.

In Anthimaalai  web site –   http://anthimaalai.blogspot.com/2011/07/blog-post_9411.html

 

                  

199. காலமயில். (பா மாலிகை (கதம்பம்)

 

 

காலமயில்.

திருப்தி வந்து தொடும் வரை
திருமேனி அமைதியடையாது.
நிறைவு தானே பொன்சங்கிலி
குறை களைந்து வரவேணும்.

குளிக்கையில் கண்ணீர் வடிந்தால்
எளிதல்ல இனம் காணல்.
வழி எதுவென வாழ்க்கையில்
விழிகளுக்குத் தெரிவதில்லை.

ருடங்கள் போனாலே புது
திருப்பமும் தோன்றிடும் – முழு
திருப்தியைக் காண்பதே மனித
விருப்பமும் நிறைவுமாகும்.

குழப்பம், குறுக்கு வழிகள்
தழும்பி, தடக்கி, தள்ளாடும்.
கொழுகொம்பாம் நம்பிக்கையால்
முழு முயற்சி வெற்றி தரும்.

ன்பெனும் முல்லைக்கொடி
அகம்(வீடு) நிறைந்து படர்ந்தால்
உலகம் தன் கையிலெனும்
களிப்பு, நிறைவு உருவாகும்.

காம் பூனையாய் பதுங்கி
சாலம் காட்டி ஏமாற்றினாலும்
மீளொரு காலம் வரும்
நீலமயிலாய்த் தோகை விரிக்கும்.

பா ஆக்கம் வேதா. இலங்காதிலகம்.
ஓகுஸ், டென்மார்க்.
8-7-2011.

 

                         
 

வேதாவின் மொழிகள். 13.

  

 

முனைப்பு, முயற்சி, ஊக்கம் எனும் மகாசக்திகளுக்கு முன் இலவசம், இரப்பு எனும் வார்த்தைகள் அர்த்தமற்றதாகிறது. கேலிக்குரியதாகிறது. கஷ்டப் படுங்கள் பலன் பெறுங்கள்.

யோதிபர்கள் பேருந்தில் நிற்கிறார்களே என்று கருணை காட்டி இங்கே அமருங்கள் என்று இருக்கையைக்  கொடுத்தால், நன்றியைக் கூறி, கொடுக்கும் இருக்கையை தன்னம்பிக்கையுடன் நிராகரிக்கிறார்களே, அந்த தன்னம்பிக்கை மனிதனாகப் பிறந்த எல்லோருக்கும் வேண்டும்.

18-8-2004.
ண்ணம்:- 3 கருத்துகள் அடைப்புக் குறியுள்
ழு வண்ணம் (நிறம்) நிறை வானவில் வனப்பு.
எண்ணற்ற வண்ணம்(சிறப்பு) கொள் மனிதம் சிறப்பு.
கவிதையில் வண்ணம் (சந்தப் பாட்டு – பாவின் ஓசை) பெரும் சிறப்பு.
புதிய தலைமுறையினருக்கு மனித வண்ணம் (சாதி) வெறுப்பு.

அந்தி.   2-8-2004.
ந்தியில் சந்தி மதகில் குந்தி வம்பு
சிந்துதல் வாலிப இன்பம்.

ந்தி சந்தியில் செந்தில் குமரனை,
தொந்தி அப்பனை வந்தித்தல் அமைதி.

1-9-2004.
டு, ஓடு, இன்பத்தை நாடு. தமிழோடும் கூடு. இதை நாடுவதால் பீடு இல்லை. இதைச் சூடுவதால் பெறும் பெருமைக்கு உலகில் ஈடு இல்லை.
பகலும் இரவும் உங்கள் குழந்தையுடன் தமிழோடு ஈடுபடுங்கள். என்றுமே நீங்கள் வருத்தப் பட மாட்டீர்கள்.

20-1-2004.
மிஞ்சிய பணத்தால் பலரிங்கு பிறரை
வஞ்சித்து வாழ்வதும் ஒரு வாழ்வா?
கஞ்சி குடித்தாலும் வஞ்சியோடிணைந்து
நீதிக்கு அஞ்சி வாழ்வது சிறப்பு.

ட்டுக்கதையின்றி சிறுகதையாய், பெருங்கதையாய், உன் கதை, சுவாரசியக் கதையாக அமைய நல்ல விதை போடு! நல்ல வினை செய்து சுய வாழ்வை நல்ல கதையாக்கலாம்.

18-1-2004.
ரை கடந்த ஆசையால் மனிதம் கரைந்து போகும் நிலை உருவாகிடாது. ஆசைக்குக் கரை கட்டுதல் உலகக் கடலில் கரையேறும் வழியாகும்.

ருக்கு மட்டையால் கருப்பட்டி வெட்டலாம். கருங்காலியை, கருங்கல்லை வெட்டலாம் என்று கருவம் கொள்ளலாமோ? அறிவான மூளை வாள் போன்றது. ஆனால் கருவியும், கருத்தும், கரத்தோடு கலந்துறவாடினால் கருமம் வெற்றி பெறும் என்பார்கள்.

திரிகோண நண்பர்களின் திரிசமம் திரிபுபட்டது. சந்தேக நீர் பட்டு நட்பு திரிகையிலிட்டதாய் ஆகியது. புரிந்துணர்வு நெய்யிலிடும் நட்புத் திரியே என்றும் சுடர் விடும்.

 

க்கம் வேதா. இலங்காதிலகம்.
ஓகுஸ், டென்மார்க்.

up loaded-  8-7-2011.

  

 

                          

 

 

 

 

 

13. அம்மம்மா! கொடுமை! ( பா மாலிகை (பெண்மை)

 

 

அம்மம்மா! கொடுமை!

 

டி தடுக்கும்! தூக்கி எடு!
பாலைக் கொடு! படுக்க வை!
பணிக்கிறான் மணவாளன் படு வேகமாக.
பத்து நிமிடமும் பாவைக்கு ஓய்வில்லை.

துமையெனும் பாவை குழந்தையுடன்
பணிகிறாளவன் அதிகாரக் கட்டளைக்கு.
பட்டப் படிப்பாம், நாகரீகக் கனவானாம்!
நசுக்ககிறானவள் சுயத்தை, அடிமையாக!

வெளிநாட்டு மொழி பயில விடாது
இழிவாக இடைவெளியற்ற கர்ப்பம்!
பழி இது!  ஒரு வகைச் சிறை!
துளியும் உதவியற்ற குழந்தை வளர்ப்பு!

ன்ன கொடுமையிது! நவ உலகில்!
இன்னும் மாக்களாகப் பல மனிதர்!
இதில் பெண் அடங்க வேணுமாம்!
இப்படி அடிமையாகவா! கொடுமை! கொடுமை!

ப்படியான கொடுமையாளனை ஒரு பெண்
எட்டிக்காயாகத் தானே ஒதுக்கித் தள்ளுவாள்!
வெட்டிடும் விவாகரத்து அதிசயமயல்ல! இவனை
கட்டியடிப்பதா! அன்றி அடித்துக் கட்டுவதா!

 

பா ஆக்கம் வேதா. இலங்காதிலகம்.
ஓகுஸ், டென்மார்க்.
5-7-2011.

( ஐய்யோ! 3வது கர்ப்பமா! அந்த இளம் தம்பதி நிலை கண்டு துடித்த மனது எழுதியது இதை. இதைக் கொஞ்சம் கேட்கிறீர்களா என்று கணவருக்கு வாசித்துக் காட்டினேன். எனது முதல் விமர்சகர் அவர்தான். ”ஓ! அவனுக்கு முதல்மனைவியிடம் என்ன அனுபவம் கிடைத்ததோ!” என்றார். ” என்ன! பாதி வீடு, பிள்ளையோடு விவாகரத்து, பிள்ளைக்குப் பணத்துடன் அவ போய் விட்டா. இவன் குடித்துக் குடித்து நிறை வெறியோடு என்ன பண்ணினானோ! அவள் செய்ததற்கு இது பாவம் என்ன செய்யும்!” என்றேன் பதிலுக்கு நான். இது 2வது மனைவி. நடக்கும் ஒரு பிள்ளை, கையில், ஒன்று, வயிற்றில் ஒன்று. நிற்க முடியாது இவள் சோர்ந்து சோர்ந்து சாய்கிறாள். நான் திகைத்து விட்டேன். ”அவளைப் போல இவ போகக் கூடாது என்று ஓய்வின்றிக் கர்ப்பமாக்குகிறான் போல” என்றேன்.)

 

                     

 

வாழ்வியற் குறள்+தாழிசை 8. (பொறாமை)

வாழ்வியற் குறட்டாழிசை.  8

பொறாமை.

பிறரின் உயர்வால் பெருமையுறும் மனம்
கறளெனும் பொறாமை அற்றது.

பொறாமை துறவாமை பெருங் கேடு
அறவே அதையழித்தல் மேம்பாடு.

வீழ்த்தும் பொறாமையால் சிறப்பழிவது எம்
வாழ்வமைச்சு எனும் அறம்.

ண்பற்ற மனதில் ஆற்றாமை, தாளாமை,
ஏற்காமை பொறாமை ஆகிறது.

ண்புடை மனம் பொறாமை தரும்
மைகளை அறிவால் வெல்கிறது.

பொறுமையெனும் அருமையான குளிர் சாரல்
பொறாமைத் தீயை அணைக்கும்.

தையோ எப்படியோ வெல்வதிலும் உனை
வதைக்கும் பொறாமையை வெல்!

மாறாத நட்பை மனதில் பேணினால்
பொறாமைப் புகை புகையாது.

பொறாமை மானம் வெட்கம், ரோசம்
பார்க்காது பல்லை இழிக்கும்.

ங்காரம், ஆவேச, அழுக்கு நெய்யில்
ஓங்காரமாய் எரிவது பொறாமை.

ங்கும் மனம், தாங்காத மனம்
வீங்கிச் சாய்ந்திடும் பொறாமையில்.

வரிகள் வேதா. இலங்காதிலகம்.
ஓகுஸ், டென்மார்க்.
3-7-2011.

In Anthimaali web site:-    http://anthimaalai.blogspot.com/2011/08/8.html

   

         
 

தாய்லாந்துப் பயணம். இறுதி அங்கம் 21.

எனது பயண அனுபவங்களில் மூன்றாவது பயணம்

தாய்லாந்துப் பயணம். இறுதி அங்கம்  21.

தாய்லாந்தில் மிகப் பெரிய விற்பனை நிலையமான Big C  க்குப் போய் மிக்ஸி வாங்கும் போது

 

ஒரு இளம் பையன் நின்றிருந்தான். அவன் சீனாவில் செய்த பொருள் நல்லதல்ல. மலேசியாவில் செய்தது தான் நல்லது வாங்குங்கள் என்று ஆலோசனை கூறினான். நாம் மலேசியாவில் செய்ததையே வாங்கினோம். அங்கும் எமது வாங்கும் பொருட்களின் பட்டியலில் வேறு இடங்களில் அகப்படாத சில பொருட்களை வாங்க முடிந்ததும் மகிழ்ச்சியாகவே இருந்தது. Big C யில் பொருட்களை வாங்கியதும்,

நேராக எமது காகோ ஏஜென்சிக் கடைக்கு வந்தோம்.

இப்போது நாம் வாங்கிய எமது பொருட்களைக் கடல் வழிப் பொதியாகக் கட்டும் இறுதி வேலையைச் செய்யக் கேட்டோம். பொருட்களின் பற்றுச் சீட்டுகள் எல்லா இடத்திலும் இரண்டு பிரதிகள் வாங்கி வைத்திருந்தோம். ஒன்றைக் கட்டும் பொதியுடனும் ஒன்றை எம்முடனும் வைத்துக் கொண்டு நாம் பார்த்துக் கொண்டிருக்கவே அனைத்தையும் பெரிய அட்டைப் பெட்டிகளில் கட்டி ஒட்டினார்கள். மறுபடி பொலிதீன் உரப் பைகளால் சுற்றிக் கட்டி, அடுக்கினார்கள்.

 

எல்லாம் எழுதி பணத்தையும் கட்டினோம். ஆமாம் முதலே கூறியிருந்தனர் காசாகவே தர வேண்டும், வங்கி மூலமோ, காசோலையோ வேண்டாம் என்று. நாமும் தயாராகவே இருந்தோம். அவர்களுக்குப் பயணமும் கூறிவிட்டு. வாடிவீட்டு வாசலில் நின்ற வாடகைக் காரை மாலை 8.00 மணிக்கு சுவர்ணபூமி விமான நிலையத்திற்குப் போகப் பேசி வைத்து விட்டு அறைக்கு வந்தோம்.

  

இரவு 11.55க்கு ஒஸ்ரியா வீயென்னாவிற்கு விமானம்.

வாடிவீட்டில் எப்போதும் நாம் வர கதவு திறந்து சேவை புரிந்தவர்கள், அறை துப்பரவாக்கி படுக்கைத் துணிகள் மாற்றிய பெண்கள் என்று சிலருக்கு அன்பளிப்புப் பணங்கள் கொடுத்தோம்.

இரவு 8.00 மணிக்கு ராக்சி ஏறினோம் 9.00 மணிக்கு சுவர்ணபூமியில் இறங்கினோம். சில சுவர்ணபூமி விமான நிலையப் படங்களை நீங்கள் பார்க்க வேண்டும். பாற்கடலைப் பரந்தாமன் கடைகிறாரோ என்று எண்ணும் படி இவை இருந்தது. அதன் கருத்து, ஏன், என்பவை எமக்குப் புரியவில்லை. பாருங்கள்.  ஆச்சரியத்தில் போய் இறங்கியதும் நான் விரும்பி எடுத்த படங்கள்.

பயணம் சுலபமாக முடிந்தது.

சனிக்கிழமை நமது வீடு டென்மார்க் வந்து சேர்ந்தோம்.

பயணத்தில் இங்கிருந்து போகும் போது யன்னலூடாக இமாலயாப் பனி மலைக்காட்சியைப் பார்த்தது மறக்க முடியாதது. நான் பார்க்க, சுற்றி இருந்தவர்கள் அனைவரும் ஆவலாக அதைப் பார்த்தது மறக்க முடியாதது. நான் பார்த்துக் காட்டியதால் பலர் அக்காட்சியை ரசித்ததும் மறக்க முடியாதது. இன்னும் சில விமான நிலையப் படங்களையும் பாருங்கள். So beautiful.

    

இந்தப் பயண அனுபவத்தை உங்களுடன் நான் பகிர்ந்ததில் மிகவும் மகிழ்கிறேன்.

கவிதை எழுதுவது எப்படி எனக்கு மிகவும் பிடித்தமானதோ அப்படியே, இரண்டாவதாகப் பயண அனுபவம் எழுதுவதிலும் மகிழ்வடைகிறேன். இந்த சந்தர்ப்பம் உருவான இலண்டன் தமிழ் வானொலிக்கும், கருத்துகள் தந்த நேயர்களுக்கும் என் மனமார்ந்த நன்றியைத் தெரிவிக்கிறேன்.

இறுதியாக தாய்லாந்தின் தாய்லாந்து மொழிப் பெயரை உங்களுக்கு நான் கூற விரும்புகிறேன். தயவு செய்து பொறுமையாக நான் 2 மைல் நீளமான பெயரைக் கூறும் வரை ப்ளீஸ்! கேளுங்கள். எனக்கும் இது புரியவில்லை. ஏன் இப்படி இவ்வளவு நீளப் பெயர் என்று மொழி பெயர்ப்பாளரைக் கேட்டேன். அவருடன் அன்று ஒரு தாய்லாந்துப் பெண்ணும் வந்திருந்தார். சிரிக்கிறர்கள்.

முதல் தடவை இதைக் கூறும் போது எழுதி வைத்தேன். இரண்டாம் தடவை தாய்லாந்து மொழி பெயர்ப்பாளன் நிக், ” வேதா! தாய்லாந்துப் பெயரைக் கூறுகிறாயா?” என்று கேட்டார். மறுபடி நான் அதைக் கூறி அவர்களை அசத்தினேன். எழுதியதைப் பார்த்துத் தான் கூறினேன். இதோ கேளுங்கள்.இது தான் அந்தப் பெயர்.
Grunteb /city of angels)

Mahanakon Armon Tathna Kosin Mahindra Ayothiya Mahadilok Popnoprat Rajathany purirum yadomratchnywet Mahachadan amoniman akuathan chasith saka vishnu gampasit

—மகானக்கோன் ஆர்மோன் ரத்னா கோசின் மகின்டிறா அயோத்தியா மகாடிலொக் பொப்னோப்றாற் ராஐதானி புறிறும் யதோம்றட்சினிவெற் மகாசடன் அமோனிமான் அக்குஆதன் சாசித் சகா விஸ்ணு கம்பாசிற்.——— இது தான் அந்தப் பெயர்.

நான் என் கணவருக்குக் கூறினேன், ‘ ‘தாய்லாந்துப் பயணக் கதை முடிகிறதப்பா”  என்று.  ”ஓகோ! தாய்லாந்தின் தாய்லாந்து மொழிப் பெயர் கூறிவிட்டாயா?”     என்றார் இறுதியில் கட்டாயம் கூறுவேன் என்றேன். இதோ கூறிவிட்டேன்.

சரி நேயர்களே! ஆண்டவன் சித்தம் இருந்தால் மறுபடியொரு பயணக் கதையில் சந்திப்போம்.

நன்றியுடன் வணக்கம்.
வேதா. இலங்காதிலகம். 
ஓகுஸ், டென்மார்க்.
25-3-2009.

In Anthimaalai.web site :-   http://anthimaalai.blogspot.com/2011/10/21.html

 

                      

 

 
 

Next Newer Entries