3. தொலைத்தவை எத்தனையோ.

தொலைந்தவை எத்தனையோ!

பகுதி. 3

கூப்பிடு தூரத்தில் தான் எனது தந்தையின் தாய் தந்தையர், கண்ணாடியப்பா – ஆச்சி, என் மாமிமார்  சித்தப்பா பெரியப்பாவை வாழ்ந்தோம்.

மாமிமார் (கடந்த முறை பகுதி 2ல் படங்கள் போட்டிருந்தேன்.) சங்கீதம் படித்தனர். சங்கீதப் பரீட்சையெல்லாம் எழுதினார்கள். பரீட்சை பற்றி கிறேட் வன், ரூ (grade one two) என்று அவர்கள் பேசியது என் காதில் விழுந்துள்ளது. நான் சிறு பிள்ளை (5, 6 வயதிருக்கும்.) அதன் விவரங்கள் புரியவில்லை.

இவர்கள் அரசகுமாரிகள் போலத்தான் வாழ்ந்தார்கள்

சாம்பசிவம் வாத்தியார் என்பவர் சனிக்கிழமைகளில் சைக்கிளில் வீட்டிற்கு வந்து சஙகீதம் சொல்லித் தருவார். என்ன வேலையிருந்தாலும், அம்மா கூப்பிட்டாலும் கேட்காமல் சனிக்கிழமையானால் மாமி வீட்டிற்கு ஓடி விடுவேன். ஒரே வீட்டையே ஆச்சி வீடு, அப்பு வீடு, மாமி வீடு என்று நினைத்த நேரம் நினைத்த மாதிரி பேசுவோம்,

வாத்தியார் வர மாமிமார் வெளி விறாந்தையில் உயரமான திண்ணையில் பாய் கொண்டு வந்து விரிப்பார்கள். பாயின் ஒரு நுனியில் வாத்தியார் இருப்பார். மறு நுனியில் இரண்டு மாமிமாரும் சப்பாணி கொட்டி இருப்பினம். மாமியின் ஆர்மோனியப் பெட்டியுடன் தான் வகுப்பு நடக்கும். நான் மிகச் சிறு பிள்ளை,  ஒரு ஓரமாகச் சப்பாணி கொட்டி முழுப்பாடமும் இமை வெட்டாது கேட்டு ரசிப்பேன்.

(google photo)

வெள்ளிக் கிழமை இருட்டிய மாலை நேரங்களில் ”வா! பேபி! (baby) தேவாரம் படிப்போம்!” என்று மாமி வீட்டில் வந்து தன் வீட்டிற்குக் கூட்டிப் போவா. மாமி ஆர்மோனியம் வாசிக்க நாமிருவரும் மாமியோடு பாடுவோம். சிலவேளைகளில் என் தம்பி, தங்கைகளும் என்னோடு வருவார்கள். மாமி எழுந்து போக நாங்களும் ஆர்மோனியம் வாசிப்போம். இப்படியே என் உடம்பில் இசை ஊறியது.
நாவலர் பாடசாலையிலும் மங்களேஸ்வரி ஆசிரியர் சங்கீத ஆசிரியையாக இருந்தார். அங்கு படித்தவை மிக பயனள்ளவை மறக்க முடியாதவை.

நான் 5ம் வகுப்பில் (9 வயது) ஸ்கொலர்சிப் சோதனையில் சித்தியடைந்த போது (தந்தையார் என்ன வேலை என்றால் எப்போதுமே அப்பா கமக்காரன் என்றே போடுவார். (ஆட்கள் தான் வயல் செய்வது.) எங்களையும் போடச் சொல்லுவார். அதனால் எனக்கு ஸ்கொலர்சிப் பரீட்சை எழுத முடிந்தது. ஏனப்பா இப்படி செய்கிறீர்கள் என்று அப்பாவோடு வாதாடியது ஒரு புறமான கதை. தான் ஒரு கமக்காரன் என்று கூறுவதை அவர் பெருமையாகக் கருதினார்.)

10வயதில் ஸரான்லிக் கல்லுரியில் விடுதியில் இருந்து படித்தேன்.

எல்லாப் பாடங்களுடன் சங்கீதம், நடனமும் பாடங்களாக இருந்தது.
நடனத்திற்கு பிரபல நடன ஆசிரியர் கொக்குவில் சுப்பையா ஆசிரியர். சங்கீத ஆசிரியர் பெயர் நினைவில் இல்லை (சுப்பிரமணியமோ..என்னமோ). நடனம் கும்பலோடு கோவிந்தாவாக பழக்குவார். பாடசாலையில் விழாக்களின் போது பிரபலங்களுக்கு பயிற்சிகளே பெரும்பாலும் நடக்கும். நாங்கள் அமர்ந்து பார்த்து ரசிப்போம்.

சங்கீதமும் தவணைப் பரீட்சை நடக்கும்.

இப்படி ஒரு தடவை பரீட்சையின் போது எல்லோரும் தனித்தனியாகப் பாடினோம். புள்ளிகள் வழங்கினார்கள். எனது முறை வந்த போது

” எழுந்தாளே பூங்கோதை,

தீயிலிருந்து எழுந்தாளே சீதை…” எனும் கீர்த்தனம் பாடினேன்.

எனக்கே கூடிய புள்ளி கிடைத்தது. நான் நன்கு பாடியது, கூடிய புள்ளி எடுத்தது சங்கீத, நடன வாத்திமாருக்கு ஒரே ஆச்சரியம்! இந்தப் பாடலை அவர்கள் சொல்லித் தரவும் இல்லை. பின்பு கேட்டார்கள் ” எங்கு வேதா இந்தப் பாடலைப் பழகினீர்?” என்று.
அத்தனையும் என் மாமிமார் வகுப்பில் கேட்டது என்று கூறினேன்.

இசையில் எனக்கு இவ்வளவு ஆர்வம் வந்ததற்கு இந்தச் சிறு வயது அனுபவமும் ஒரு காரணமுமாகும்.

இந்திய இசை விழாக்களிற்கு எனது ஒரு சித்தப்பா திருமணம் புரியும் வரை வருடந் தோறும் செல்வார். வந்து கதை கதையாகக் கூறுவார். இந்தச் சித்தப்பா நாவலர் பாடசாலையில் பயிற்றப் பட்ட ஆசிரியராகிப் பின் பாடசாலை அதிபரும் ஆகி ஓய்வு பெற்றார்.

சுவாமிநாதர் கனகசபை ஆகிய இவரை படத்தில் காண்கிறீர்கள்.

73_big-1

இன்று கனடாவில் வசித்தார் – காலமாகிவிட்டார்.
எனது அப்பாவும் சித்தப்பா கனகசபையும் தமது காணிகளைக் கொடுத்து கோப்பாய் பொலிஸ் நிலையக் கட்டிடம் கட்டி சேர் ஜோன் கொத்தலாவலை வந்து திறந்த படம் இது.( இது தனிக் கதை).

பெரிய மாமி காலமாகிவிட்டார். சின்ன மாமி சுகயீகமாகி கனடாவில் வசிக்கிறார் .

அந்த இனிய காலங்கள் என் வாழ்விற்கு இனிப்பூட்டிய காலம்.
என் வளர்ச்சிக்கு வேலியான காலம்.
பாசம், நேசமான இனித் திரும்பி வராத காலம்.
அப்படியே காலமும் நாமும் இருந்திருக்கக் கூடதோ என்று ஏங்கும் காலம்.
இவை தொலைத்த காலங்கள் தானே!

அது ஒரு நிலாக் காலம்!
அது ஒரு கனாக் காலம்!
புது தேன் சிந்திய காலம்!

ஆக்கம் வேதா. இலங்காதிலகம்.
ஓகுஸ், டென்மார்க்.
7-12-2011

In Anthimaalai web site:-      http://anthimaalai.blogspot.com/2011/12/3.html

                            

215. தாலாட்டு.(பாமாலிகை (கதம்பம்)

தாலாட்டு.

(புலம் பெயர் வாழ்வில் அன்னையர் தாலாட்டு என்றவாறு….)

தங்கக் குழந்தை தொட்டிலிலே
தலை சாய்த்துக் கண்ணயர
தாலாட்டு ஒரு சீராட்டு.
தாய் மடி இணைவில் அமைதியுற
தளிர்ச் செல்வத்தை வசமாக்கத்
தானாகப் பாடுவது தாலாட்டு.

இன்பத்தில் மனிதக் குரலுயரும்,
இணையும் வார்த்தைகள் சந்தமாகும்,
இராகம் ஒன்றும் இழையோடும்.
இரத்தினச் சிற்பக் குழந்தையோ
இழைந்து வசப்படும் தாலாட்டில்
இசையில் வசப்படாதார் யாருளர்!

தாயோடு கேட்டறிந்த தாலாட்டை
வாயாரப் பாடினோம் ஆராரோ.
சாயாத தளமாகத் தினமிங்கு
ஓயாது பூக்கிறது நவஇசைகள்.
வரமாகுமொரு குழந்தைக்காய் நாம்
தரமாகப் பாடலாம் தாலாட்டாய்.

மோதிவரும் நவீன அலைகளால்
ஆதி எழுதுகோலிறகு இங்கு
ஆச்சரியக் கணனியாகியது போல்
அருமைத் தாலாட்டும் அருகியிங்கு
அற்புதக் கதம்ப இசைகளாகிறது.
கற்பனை பெருகிய இசைப்பாட்டாகிறது.

 

பா ஆக்கம் வேதா. இலங்காதிலகம்.
ஓகுஸ், டென்மார்க்.
14-11-2006.
(ரி.ஆர்.ரி தமிழ் அலை வானொலியில் ஒலிபரப்பாகியது.)

In  Anthimaalai web site:_    http://anthimaalai.blogspot.com/2011/12/blog-post_4655.html

*

நிலாமுற்றம் 24-5-2016 கவிதை
தாலாட்டு

(ஆராதனம் – சிந்தித்து, உவகை செய்து.
ஆராமை – பேரன்பு.)

ஆராட்டு ஓராட்டு தாலாட்டு
ஆராதனம் செய்து மழலையை
ஆராமை காட்டி நித்திரைக்கு
ஆற்றுப்படுத்தும் இசை வகை.

நாட்டார் பாடல் வகை
தொட்டிலில் ஆட்டிப் பாடிக்
காட்டும் அன்பை நாவினாலோசை
கூட்டிப் பாடுமிசை இன்பம்.

நிறைவு, குலப் பெருமை,
நினைவுகள் கூறிப் பாடி
குறையும் கூறி ஆராரோ
ஆரிரரோ இணைத்துப் பாடல்.

இசையின் இராகத்தில் குழந்தை
இலயித்துக் கண் வளரும்.
அசையும் தூளியில் மயங்கி
அயர்ந்து நித்தி;ரை கொள்ளும்.

பா ஆக்கம் பா வானதி
வேதா. இலங்காதிலகம்.
டென்மார்க்
24-5-2016.

*

Samme heading another poem..

https://kovaikkavi.wordpress.com/2010/12/12/179-%E0%AE%85%E0%AE%B0%E0%AF%81%E0%AE%95%E0%AF%81%E0%AE%AE%E0%AF%8D-%E0%AE%A4%E0%AE%BE%E0%AE%B2%E0%AE%BE%E0%AE%9F%E0%AF%8D%E0%AE%9F%E0%AF%81/

*

  

                        
 

வாழ்வியற் குறட்டாழிசை. 19.

வாழ்வியற் குறட்டாழிசை. 19.

 

ஒழுக்கம்.

 

ழுக்கமுடையோர் மேல் சாதி. வாழ்வில்
ஒழுக்கமற்றோர் கீழ் சாதி.

து, புகை, பொய், களவு
மாது தீய ஒழுக்கத்துள்ளாகும்.

ழுக்கவாளன் வழுக்கும் அழுக்கு விலக்கி
இழுக்கின்றி நிதானமாய் நடப்பான்.

ழுக்கமுடையோன் இதயம் நாளும் துளி
அழுக்கின்றி நிம்மதியாக வாழ்கிறது.

ண்ணாடியில் நடப்பது போன்றது ஒழுக்கமான
பண்புடைய நல்லவன் வாழ்வு.

ல்லவனைக் கெட்டவன் ஆக்கவும் உலகம்
வல்லமையாய்ப் பாடு படுகிறது.

ழுக்கம், நூல்கள், மரபு, சூழலால்
விழுப்பமாய்(சிறப்பாக) காக்கப் படுகிறது.

ழுக்கம் வாழ்வு தரும். ஊழலுலகத்தில்
ஒழுக்கயீனமே வாழ்வு தருகிறது.

த்தம அறிவிருந்தும் ஒழுக்க மிழப்பவன்
உத்தமர்களால் கீழ் நோக்கப் படுகிறான்.

வீரியமான ஒழுக்க சீலனிடம் மலர்வது
தைரியப்பூ, உண்மைப் பூ.

ழுக்கத்தை ஆள்பவன் வார்த்தை வங்கியிலும்
இழுக்கற்ற பேச்சை எதிர் பார்க்கலாம்.

ழுக்கமெனும் உரைகல்லில் மனிதப் பண்பு
அப்பழுக்கற்ற சந்தனம் ஆகிறது.

 
க்கம் வேதா. இலங்காதிலகம்.
ஓகுஸ், டென்மார்க்.
2-12-2011.

  

 

                              

                              

 

 

Next Newer Entries