19. சந்த மொழியில் தினம்….

murugan5

சந்த மொழியில் தினம்….

 

தந்தைக்குத் தமிழ்  உரைத்த முருகா

சிந்தைக்கு மகிழ்வு தர வருக!

முந்தைப் பழைய தமிழ் உயர

எந்தனுக்கும் தமிழ் செழிப்பு தருக!   (தந்தைக்கு)

 

வந்த இடத்து மொழி சிறப்பு.

சொந்த மொழி மறத்தல் நகைப்பு.

கெந்தும் தமிழ் நிலையால் தவிப்பு

உந்தன் அருள் தனையே நிரப்பு.   ( தந்தைக்கு)

 

சந்த மொழியில் தினம் உன்னை

சிந்து பாடித் தொழ என்னை

சுந்தரத் தமிழ் கடலில் நீந்த

செந்தமிழ் முருகா நீ அருள்வாய்!.   (தந்தைக்கு)

 

 

பா ஆக்கம் வேதா. இலங்காதிலகம்.

ஓகுஸ், டென்மார்க்.

2-11-2005.

 

end1

Advertisements

43. காதலர் மகிழ்வூஞ்சல்.

காதலர் மகிழ்வூஞ்சல்.

சோலையிலே மனச் சாலையிலே

சிலைபோலொருவர் நிலைத்திடல்

வலையிட்டவரைச் சிறை செய்தல்

கலையது காதல் மலர்வதால்.

சுந்தர மார்பில் சாய்ந்தும்

மந்திர மொழி தோய்ந்தும்

இந்திர ஆழியில் நீந்தியும்

அந்தரவுலகில் ஆடிப் பாடுவார்.

(காதலர்தினக் கவிதை.)

 

valentinepoem

32. மரபுப் பாமணி கிரிகாசனுக்கு வாழ்த்து.

823386_511467628892010_1829287175_o

மரபுப் பாமணி கிரிகாசனுக்கு வாழ்த்து.

 

 

பரிசுகள், பதக்கங்கள், சான்றிதழ்கள்

அரிசு அல்ல, அரிய ஏற்பு.

உரித்து உனக்குன் உரவு தமிழால்.

வரித்திடட்டும் உன் மாதிரியைப் பலர்.

 

 

கரித்திடும் வரிகள் எழுதுவோரும் சிறிது

கரிசனையாயுன் வரிகள் வாசிக்கட்டும்.

தரிப்புடன் தவறாது தம்மை மாற்றட்டும்.

விரிக்கட்டும் நற் தமிழ் – சிறகுகளை.

 

 

உன் கவிதைத் தொகுப்புகள் கவர்ந்தது

என்னை.  என் வலையில் உள்ள

வாழ்வியற் குறட்டாழிசை, வே. ஆத்திசூடி

வேதாவின் மொழிகளென தொகுக்க ஆசை.

 

 

தூண்டுதல் ஆகிறது பிறரிற்கு எழுத்துலகில்

தூவப்படுகையில் இவைகள். முயற்சியுள்ளம்

தூருதல் ஆவதில்லை வாழ்வில் என்றும்.

தூவுகிறேனின்ப வாழ்த்து கவிஞர் கிரிகாசனிற்கு.

 

 

பார்க்கின்சன் நோயில் அவதியுறும் இவர்

கோர்க்கின்ற தமிழ் வரிகள் பிறர்

பார்க்கின்ற வகையில் அமைந்தது சிறப்பு.

வார்க்கட்டும் இறையருள் இவர் நலத்திற்காய்.

 

 

பா ஆக்கம் வேதா. இலங்காதிலகம்.

ஓகுஸ், டென்மார்க்.

21-2-2013.

 

 

(அரிசு –வேம்பு./  உரவு – வலிமை. /தூருதல்- அடைபடுதல்.

தரிப்பு – பொறுமை. / கரித்தல் – எரித்தல், உறுத்தல், வெறுத்தல்)

 

 

இவரின் ஐந்து தொகுப்புகள் இருக்கும் இணைப்புஇதோ….http://www.tamilvimbam.com/kalki2.html

 

 

baloonz

 

 

48. நீருளி கொண்டு…(பாமாலிகை (இயற்கை)

556879_304973169592513_1324975807_n

நீருளி கொண்டு…

லைக்குன்றில் நீருளி கொண்டு

விலையின்றிக் கவியோயாது செதுக்குகிறாய்!

கற்பாறையில் கவின் கவியெழுதும்

அற்புத நீரூற்றேயுன் அழகால்

இத்தரையில் ஆழக்குழி பறிக்கும்

ஆற்றலென்ன, பாயும் வேகத்தில்!

அற்றமும் ஆக்கமுமொரு சேரும்

உற்சவத் திருமூர்க்கம் நீயன்றோ!

அவிழ்த்துக் கொட்டியுதறும் வயிரமணிகளோ!

கவிழ்த்துக் கொட்டிய நீர்பாலோ!

உய்ய்….யென்றுலகில் கண்ணாடி நீர்

பெய்யுமோசையிசை பயங்கர ஓங்காரம்!

மெய்யே! நீத்தாண்டவம் தான்!

செய்யும் நீர்தவமே தான்!

மெய்சிலிர்க்கும் அழகிய நர்த்தனமே!

உய்தலுலகம் உன் தவப்பலனே!

(அற்றம் – அழிவு.   உற்சவ – ஆசைப்பெருக்கம்)

பா ஆக்கம் வேதா. இலங்காதிலகம்.

ஓகுஸ், டென்மார்க்.

18-2-2013.

barbluea

44. கவிதை பாருங்கள்(photo,poem)

 

 

elupai

உலுக்காமலே காலத்தில்
அலுக்காத வெண்மையில்
சிலுசிலுப்பாய் நிலத்தில்
பிலுக்கி போல்
இலுப்பைப்பூ உதிர்ந்து
கொலுவிருக்கும் அழகது
சலிப்பின்றிக் காண்பது.

(பிலுக்கி – பகட்டுக்காரி)

Beautiful-Blue-Rose-iPhone-4-Wallpaper[1]

ரமிட்ட ரோசாப் பதியனின்

வரமான மலர்கள் போல

தரமான உறவிணையுமென்ற

உரமான எண்ணம் தவறாகும்.

ல்ல வளர்ப்பாளனே பண்பாளன்

சொல்லும் தரமாய் வாழுவான்.

தில்லுமுல்லு உலகிலும் ஒரு

தொல்லையற்ற உறவாகுவான்.

வேதா. இலங்காதிலகம்.
ஓகுஸ்,  டென்மார்க்.
16-2-2013.

295055xwh4xs0dkx

42. காதல் முழக்கம்…..

-------

கால் முக்ம்…..

***

காதல் முழக்கம் காணுமொரு நாள்!

காதல் சங்கமம் தேடுமொரு நாள்!

அடடா இன்பம்! அதுவே சங்கமம்!

அடடா காதல்! அதுவே சரணம்!

***

பரவும் கண்கள் தேடும் இன்பம.

விரல்கள் பத்தும் உணரும் இன்பம.

வரவாய் செலவாய் வழங்கும் இன்பம்.

உரமாய் உயர்த்தும் காதல் இன்பம்.

***

மலையாய் நெஞ்சில் உயர நிற்கும்

விலையாய் மறுபடி அன்பே கேட்கும்.

அலையும் கண்கள் தரிசனம் கேட்கும்.

கலையாய் வாழ்க காதல் காலத்திலும்.

***

காதல் போர்!  காதல் ஏர்!

காதல் நீர்! காதல் கார்!

காதல் செழிப்பு! காதல் விழிப்பு!

காதல் துளிர்ப்பு! காதல் களிப்பு!

***

காதல் நிலம்! காதல் கலம்!

காதல் மறை! காதல் நறை!

காதல் கலகமின்றிக் கொண்டாடும்

காதலர்தினக்  காதல் வாழ்க!

***

 

பா ஆக்கம் வேதா. இலங்காதிலகம்.

ஓகுஸ், டென்மார்க்.

13-2-2013.

2686814t0wzzlw0rl

 

 

31. பா மாலிகை (வாழ்த்துப்பா, ) திலகவதி வைரவிழா.

அறுபது அகவை நிறைவு.
நறுமண ஆறு தசாப்தம்.
உறுதுணையாக ஐந்து பிள்ளைகள்.
இறுமாப்புடன் ஒன்பது பேரப்பிள்ளைகள்.
திலகவதி தர்மலிங்கத்தின் நாளிது.
அலங்கரிக்கிறார் சுமங்கலியாயின்று.
இலட்சணங்கள் பல நிறைந்தவர்.
இறைபக்தி துதிப் பாடலில் சிறந்தவர்.

12 x 18 - B copy

 

இன்னுமொரு வாழ்த்து.

 

 

திலகவதி வைரவிழா.

 

 

 

புங்கை நகரிலுதித்த பாசமான

புதல்வி செல்லமாய் ” மணி.”

வைரமுத்து நாகம்மாவின் மகளுக்கு

வைரவிழா! திலகவதி தர்மலிங்கத்திற்கு!

ஒன்பது உடன் பிறப்புகளுடன்

ஒளிர்ந்த நான்காவது பெண்ணாவார்.

ஒருங்கிணைந்து உறவாடும் அன்பானவர்.

ஓடியாடி உதவும் முயற்சியாளர்.

 

 

பண்ணோடு பதிகம் பாடி

பதக்கம் பெற்றார் சைவத் தமிழ்

பேரவையால். கூட்டுப் பிரார்த்தனையில்

பங்கெடுக்கும் பேரார்வப் பக்தை.

ஐந்து பிள்ளைகளிற்குத் தாய்.

ஓன்பது பேரப் பிள்ளைகளின் பாட்டி.

திருவாளர் தர்மலிங்கத்தின் துணைவி.

எங்களின் விளையாட்டுத் தோழி.

 

 

தோட்டக் கலையில் வல்லவர்.

நாடடுவார் பூக்கன்றுகளும். கரம்

பட்டிடாத நிலமுமில்லை. சமையலில்

கெட்டிக்காரி. பலரையும் சமாளிப்பார்.

அம்மா! சிரிக்க வைத்துச் சிரிப்பார்.

சும்மா விருக்காத சுறுசுறுப்பாளர்.

இன்பதுன்பங்களில் பங்கெடுக்கும் திலகமக்காவிற்கு

அறுபதாவது பிறந்தநாள் வாழ்த்து.

வாழிய பல்லாண்டு!…

 

 

பா ஆக்கம் வேதா. இலங்காதிலகம்.
ஓகுஸ், டென்மார்க்.
11-2-2013.

 

 

 

humming-bird

Previous Older Entries