345. இரு கவிதைகள்.

1966790_884242294949364_3374662482516700321_n

படத்திற்கு வரிகள்.

பதின்மூன்று வயது தான் எனக்கு என்றாலும்

பதுமை சகுந்தலை வேடமிட்ட ஒப்பனை!

பதின்ம வயதானாலும் வதனத்தில் குழந்தைமை

பச்சையாய்த் தெரிகிறதாம்! மாதிரிப் படமிது.

 

 அன்னத்திற்குப் பதில் கொக்கு, ஒரு

அழகுப் படத்திற்கு இன்று சம்மதித்தேன்.

அலங்காரமும் ஆடையும் பருவப் பெண்ணாக

அங்கீகாரம் தந்தாலும் நடிப்பதற்குப் பொருத்தமில்லையாம்.

 

 பா ஆக்கம் 

பா வானதி வேதா. இலங்காதிலகம்.

டென்மார்க்.

24-11-2014

1506624_1497427530531476_3799184469750421009_n

காத்திருப்பு…

இங்கு தான் சந்தித்தோம்

இங்கு தான் பிரிந்தோம்.

எங்கும் போகாத வாழ்வு.

என் மகனுக்காய் இன்று.

 

தன் வாரவிடுமுறைக்கு வருகிறான்.

அன்பாகச் சகோதரருடன் உறவாட.

எங்கு என்ன தடையோ!

பேருந்தைக் காணோம்! காத்திருப்பு!

 

பா ஆக்கம்

பா வானதி வேதா. இலங்காதிலகம்.

டென்மார்க்.

25-11-2014

 

line3

59. பசுமை நறுமணம் புல்தரை (புல்வெளி)

537395_345583298890802_1972166156_nபுல்வெளியை பணக்காரர்கள் யந்திரங்கள் வைத்து வெட்டி அழகாக்குவார்கள்.அதையே இங்கு புதுக்குதல் என்று குறிப்பிட்டுள்ளேன்.

 ”  சர் ஜகதீஷ் சந்திர போஸ் அறிவியல் மேதை தாவரங்களுக்கும் உயிர் உண்டு அவை மனிதர்களைப் போலவே உணவு உண்டு செரிப்பதுடன் இரவில் உறங்கி காலையில் விழிக்கின்றன. தாவரங்களுக்கும் பிறப்பும் இறப்பும் உண்டு. நம்மைப்போலவே மகிழ்ச்சி துன்பம் போன்ற உணர்ச்சிகளும் உண்டு என்ற கருத்தை  நூல்களில் கூறி உள்ளார்.

அறிவியல் ஆராய்ச்சி போஸைப் பாராட்டி ‘சர்’ பட்டம் வழங்கி சிறப்பித்தது….”   இதை முகநூலில் சகோதரி முருகுவல்லியின் ஆக்கத்தில் வாசித்தேன். அதனால் புல்லையும் உயிர் என்ற ரீதியில் எழுதியுள்ளேன்.

பசுமை நறுமணம் புல்தரை (புல்வெளி)

(நடத்துங்கள்! பட்டிமன்றம்!)

ச்சைக் கம்பளம், பாயென்று
இச்சையாய் பாவிணைப்பார் பாவலர்.
பாலரும் வயோதிபரும் புரள்வார்
பச்சைப் பசும்தரைப் பசுமையில்.
பார்த்துக் கொண்டிருக்கப் பசுமையீர்க்கும்!
சோர்வு தொலையும் மனநோய்க்கு.
கீர்த்தனம் புல்லின் பனித்துளி.
தனித்துளி புல்லின் கிரீடம்.

மிதித்தால் நசுங்கிச் சாதல்.
எதிர்க்கத் தெரியாத சாது.
எதிர்க்க விரும்பாத அகிம்சைவாதி.
புதுக்குதலாய்ப் (அலங்கரித்தல்) பேணுவார் பணக்காரர்.
சூரியக்கதிர் சூறாவளி மழையும்
தூவென்று ஒதுக்காத தூயமனதில்
சூரியக்கதிர் அளவாய் விழுந்தால்
சூனியமாகாது சூரனாய் எழுவார்.

சூறாவளிக்கும் பயந்து ஓடாத
சூதுவாதற்ற மௌனி புற்தரையார்.
தலைசாயோம் என்பவர்களிற்கு அதுவே
விலையாகும் இவர்களின் தரிசனம்.
பூக்களிடையில் புற்கள் கோலமாகும்.
பூமாதேவியின் பச்சை ரோமங்களா!
பூமாதேவியின் அழகுக் கூந்தலின்
பூணாரமா! (அணிகலன்) நடத்துங்கள்! பட்டிமன்றம்!

பா ஆக்கம்
பா வானதி வேதா. இலங்காதிலகம்.
டென்மார்க்.
23-11-2014

Nyt billede

344. எட்டும்வரை எட்டு!

set and reach goal concept

எட்டும்வரை எட்டு!

ட்டுத் தொகை நூல்கள்
எட்டுத் தர எட்டாய்
எண்பத்து நான்கு கலைகள்
கொட்டித் தந்தனர் முன்னோர்.
எட்டு! மேலெட்டு! உனக்கும்
பொட்டு வைத்ததாய் நற்பெயரைத்
தொட்டிட எட்டும் வரையெட்டு!
நட்டிடு ஒரு நற்பேயரை!

ட்டு விடுதல் ஒரு
பட்டு நோக்கமானால் அதை
விட்டு விடாதே பிடி!
தட்டுவோர் தடுப்போரை விலக்கி
கொட்டு உன் நோக்கத்தை!
கிட்டுதலை விட்டிடாது ஊடுருவி
வட்டமிடும் மீனின் வல்லமையாய்
எட்டு மலையுச்சியை! சாதனையை!

பா ஆக்கம்
பா வானதி வேதா. இலங்காதிலகம்.
21-11-2014

purple line  one

87. தகவற் பரிமாற்றம்+இடைவெளியற்ற தொடர்பாடல்.

10616007_10153985337363647_5290647414907120377_nmgg

வாசமிகு அறிவுத் தென்றல் புரிந்துணர்வு
வார்த்தைகளால் உயிர் பெறும் கூட்டுறவு
தகவற் பரிமாற்றம் கூட்டுறவின் அங்கம்.
தகுந்த பரிமாற்றம் கூட்டுறவின் முதுகுநாண்.
முயற்சித்திரி அறிவு நெய்யில் மனதில்
குத்துவிளக்கேற்றும் தகவற் பரிமாற்றம்.

155241_449194825118577_1443104295_nii

 

 

straight line

4. குழந்தைத் தூக்கம்….

smiling_newborn_baby_girl_tenafly_newborn_photographer-ll

குழந்தைகள் நிம்மதியாகத் தூங்கும் போது அமைதியாக அருகிலிருந்து பார்த்து ரசித்த காட்சி கவிதையாக..
நமது இரண்டாவது பேரன் சோழா தூங்கும் போது நான் ரசித்தது.
திடீரென தூக்கத்தில் அழுவினம். நான் கூறுவேன்
உன்னைக் கிணற்றில் போட்டு விடுவேன் என்று தேவதை மிரட்டுகிறாளோ என்று.
வீட்டில் சிரிப்பார்கள்…மருமகள் விழுந்து விழுந்து சிரிப்பா..
அந்த மாதிரி வீரிட்டுக் கத்துவார்கள்.
அது போலச் சிரிப்பதும் அற்புதம் தான்.

அவர்கள் உணர்வுகள், நரம்புகளின் தொழிற்பாடில் கண்சிமிட்டுவது ஒவ்வொரு கண்ணாக மாறி மாறிச் செய்வதும் சிரிப்பும் ஒவ்வொரு பக்கமாகச் விரிப்பதும் அழகு தான்.
இதோ ரசியுங்கள் என்னைப் போல…
படம் கூகிள் படம்.

குழந்தைத் தூக்கம்….

னவெனும் மாயா உலகில்
தினமும் பாதி நாளில்
மனமாரத் துயின்று உலவுகிறேன்.
எனது நித்திரை யுலகின்
கனவுத் தேவதையே வருவாய்!
உனதும் எனதுமான உலகிது
கண்சிமிட்டும் விண்மீன் பூங்காவில்
எண்ணிக் கொண்டு உலாவுவோம்!

ண்சிமிட்டி விளையாடுவோம்! என்னருகாய்
சின்ன தேவதையே வா!
முதலொரு கண்சிமிட்டு! அப்படியே
மாறி மறு கண்சிமிட்டுவோம்!
ம்….இனிப் போதும்!
சிரிப்புகள்; சிந்துவோம்!…. வா!
சிரிப்போம்!… சத்தமிடாமல் சிரிப்போம்!
ம்ம்….போதும்!…போதும்!

பூந்தோட்டம் போவோமா!..வா!…
கடற்கரை செல்வோமா!…ஏய்!
என்னைத் தனியே விட்டு
எங்கே போகிறாய்! ஏன்
என்னை அழ வைக்கிறாய்!
உன் விளையாட்டு இதுதானா!
நான் உன்னோடு கோபம்!
போ! ஓடிப்போ!….அம்மா!……(அழுகை)

பா ஆக்கம்
பா வானதி வேதா. இலங்காதிலகம்.
டென்மார்க்.
15-11-2014

t85402-blue-spk-half-20p

343. எண்ணக் குமிழிகள்….

402745_291656827565812_100001644914484_808628_387984486_npp

எண்ணக் குமிழிகள்….

ன்றாடம் எழுதி எழுதி
அவசர வரிகளாய் அமைப்பது
அழகு(அறிவு)க் கவிதை யென்கிறாய்!
அகப்படும் வார்த்தைகளை வரிசையாக
அடுக்கியடுக்கிப் பகிரங்கப் படுத்தல்
அகநகைக் கிடமான கேடு!
அற்புத வரிகள் அங்கீகாரமுடைத்து.
அகப்பணி (மனசிந்தனை) இதையினம் காட்டல்.

டும் கானமயில் கண்டு
அசையும் வான்கோழி யாகாது
அங்கவீனமற்ற மொழி ஆளுமை
அச்சாணியாதல் அதி அவசியம்!
அறிவீன மழித்துப் புலமையுயர
அறிவு புடமிடுதல், அகவிருள் (அறியாமை)
அழித்தல், அகவாயில் (மனம்) திறத்தல்
அவசியம்! அறிவு விண்ணப்பம்.

ருத்தமுடை வரிகளுள் உள்ளிறங்கல்
அதிர்வுகள் அனுராகம் (விழைதல்) எழுப்பும்.
அன்னணம் (அவ்விதம்) ஆர்வம், ஆவல்
அனலாயத்;, தென்றலாய்த்; தூண்டப்படும்!
அடுத்த கவிதைக் குமிழெழுப்பும்!
அபத்தம் (தவறு) கூறவியலா நிலை
அவலம்! அறிவித்தால் அபவாதம்! (பழிச் சொல்)
அபூர்வ வரிகளிற்காகச் செயற்படலாம்!

பா ஆக்கம்
பா வானதி வேதா. இலங்காதிலகம்.
டென்மார்க்.
11-11-2014.

493789nfy8xzi1n4

58. அருவி

800px-Iguazu_Décembre_2007_-_Panorama_7

 அருவி

அரு – ஒர் உருவம் அற்றது.
வி – மிகுதி, மாறுபாடு, அழகு.
அருவி –ஒர் உருவமற்ற அழகு.
கருவி இது சிறந்த இயற்கைக்கு.
மருவி மலையால் வீழ்தல் வசீகரம்.
திருவினையாற் பெறலாம் ஆரோக்கியச் சுவாசம்.
வெருவும் இதன் ஆர்ப்பரிப்பும் வீழ்தலும்.
நருவிசாகவும் ஆர்ப்பரிப்பாகவும் பல சொரூபங்கள்.

(திருவினை – நல்வினை. வெருவும் – அச்சம். நருவிசாக –நாகரீகமாக)

அருவியாய் விழும் அன்புப் பேச்சு
சுருதியாய் இதயத்துள் நுழைவது நீச்சு.
பெருமை உற்பத்தி மின்சாரம் ஆச்சு.
செருகும் கற்பனை, ஏறும் கவிமூச்சு.
அருவி நீளம் பாயும் வீராங்கனை – வீரன்.
தருக்குடை அருவி அகப்பட்டது சுருட்டும்.
நிருத்தமுடை நீர் மூலிகைகள் கழுவியாடும்
தரும் ஆனந்தக் குளிப்பு உடலாரோக்கியம்.

(நீச்சு – நீந்தல். செருகும் – சிக்கும். நிருத்தமிடும் – நடனம்)

உன்னத இயற்கையின் கவிதை அருவி.
கண்ணாடிப் பளிங்கு நீர்ப் பாலருவி.
எண்ணற்றோர் எழுதிப் பாடி ஆடுகிறார்.
என்ன ராகம்! தாளம்! வசப்படுத்துகிறாய்!.
உன் தரிசனம் மயங்குகிறேனெனை மறக்கிறேன்.
சின்னக் குழந்தை மலையூற்றுக் காடாடிப்
பென்னம்பெரிய பேரருவியாகிப் பின்
என்ன மாதிரிக் கடலில் சங்கமம்.

பா ஆக்கம்
பா வானதி வேதா. இலங்காதிலகம்.
டென்மார்க்.
11-11-2014.

T 11-11-2014

imagesCAX5K52V

85 வாழ்க்கை ஓரு கேக்.

1497644_711501292222838_685332466_n-ll-corr

வாழ்க்கை ஓரு கேக்.

எந்த நேரமும் சண்டை.
கணவனை வேலைக்காரனாய் விரட்டுதல் வாயடித்தல்….
– அன்பை மனதிலிருந்து எரித்து விட்டது போல.

ஒரு தாய் எத்தனை கனவுகளுடன் தன் பிள்ளையை வளர்த்திருப்பாள்.
எங்கோ இருந்து திருமணம் என்ற பெயரில் ஒருத்தி வந்து பிள்ளையின் வாழ்வைச் சின்னாபின்னப் படுத்துவது முறையா?

இதே கேள்வியை நீங்கள் என்னைக் கேட்கலாம் பெண் சார்பாக.
இப்போது நான் கண்ட ஒன்றைப் பற்றியே பேச்சு.
பயங்கரப் பெண் பற்றி…ஒரு துருக்கி மனுசியைக் கண்ட தாக்கம்..

மிக நன்றாக வளர்க்கப் பட்ட ஒரு ஆண் மகன் படும் பாடு.
இதைப் பார்த்து எழுதிய வரிகள் இவை. வாழ்வு கேக் பற்றி.

ஒரே ஒரு தீர்வு தான் உண்டு:-
சுயநம்பிக்கையுடைய சிறந்த பிள்ளைகளாக, முடிவுகளைத் தானே எடுக்கும் தீரராக உங்கள் பிள்ளைகளை வளருங்கள்.

திருமணம் என்ற பெயரில் துணையாக வரும் எந்த இராட்சசனோ- இராட்சசியோ அவர்கள் வாழ்வைப் பாழாக்காது வாழட்டும்.

பெற்றவர்களும் தங்கள் பிள்ளை நிலை கண்டு கலங்காது வாழட்டும்.

வேதா. இலங்காதிலகம்.
டென்மார்க்.
8-11-2014

tiffany-co-browse-tiffany-engagement-rings-australia

342. உறக்கம்

553470_397835983588509_1359575696_n

உறக்கம்

ஆழ்வினை (முயற்சி) நிறைந்து தேனீயாய் ஆடியோடி
நாள் முழுதும் உழைத்த உடல்
தேள் கழலும் உடலுபாதையால் சோர்ந்திடும்
மீளத் தெம்பு தருதல் உறக்கம்.

உறங்கியெழும் உற்சாகம் மறுநாளின் வினையூக்கி.
இறங்கிய நிலவொளியில் இசைக் குளிப்பு
நறவமருந்திய வண்டுச் சுறுசுறுப்பு இணைப்பு
கறங்கும் (சுழலும்) சிறு மழலை இதழ்ச்சிரிப்பு

மனவமைதியின் ஆளுமையே நிறை தூக்கம்
கனமற்ற சாரல் உடல் நனைக்கும்,
இனமான நீரோடை கால் தழுவுமுணர்வே
அனந்த வீரியம் நிறைக்குமாழ்ந்த தூக்கம்.

பிறை நிலவாம் அன்பின் ஈரமுத்தம்
அறை கூவாத மனம் இறைமை.
குறையற்ற கொடுப்பனவு அன்பு மழை
நிறைந்த தூக்கம் இறை ஆசீர்வாதம்.

(நறவம் – தேன்    அனந்த – அளவற்ற.)

பா ஆக்கம்
பா வானதி வேதா. இலங்காதிலகம்.
டென்மார்க்.
5-11-2014.

borddd

341. மகாபாரதம்.

629_mahabharat-wallpaper-5ll

மகாபாரதம்.

மகாபாரதம் இராமாயணம் இருபெரும் இதிகாசங்கள்.
வியாசம் (விரித்தல்), மிக நீண்டதான பாரதம்.
மகாசக்தியாம் இந்துசமயப் பிரதான நூலொன்று.
தகாத சூதாட்டக் கொடுமை விவரணம்.
தவறுக்குத் தண்டனை உறுதி – தேவையென்றும்
தருமம் வெல்லுமெனும் நீண்ட காவியம்.
குருவம்சப் பங்காளிகள் நிலவுரிமைப் போர்.
குருவம்ச அத்தினாபுர ஆட்சிப் பிணக்கம்.

வியாசமுனிவர் சொல்ல விநாயகர் எழுதியது.
வில்லிபுத்தூரார் (வைஷ்ணவர்) தமிழ் இலக்கியமாக்கியது.
வியாசர் விருந்து உரைநடை இராஜகோபாலாச்சாரியாரது.
வியப்பு! கதைக்குள் கதை கூறுமமைப்புடையது.
சகோதரர் பாண்டு, திருதராட்டினன் பிள்ளைகள்
இடையிலான போர் மையக் காப்பியம்.
அருச்சனனைப் போருக்கிணங்க வைக்கும் உபதேசமே
உலகமகா கீதோபதேசமானது இக் காவியத்திலே.

வேதத்தின் தத்துவங்கள், கருத்துகள் விளக்க
வேதங்கள் நான்கெனும் தேவமொழியைத் தெளிவாக
வேதவியாசர் ரிக், யசுர், சாமம்
அதர்வணமாகத் தெளிவாகச் செப்பனிட்டார் நமக்காக.
இவைகளின் பொருள் விளங்க மகாபாரதத்தை
இயற்றினாராம். ஐந்தாம் வேதமெனவுமிதைக் கூறுவர்.
ஆன்மா திரௌபதையாக, ஐந்து புலன்களை
ஆன்மா மணந்து வாழுமுருவகக் கதையென்பார்.

ஒரு இலட்சத்து இருபதாயிரம் சுலோகங்களாலானது.
பதினெட்டு இலட்சம் சொற்கள் அமைந்தது.
எழுபத்தி நாலாயிரம் பாடலடிகள் நிறைந்தது.
கௌரவர் பாண்டவர் பிணக்கு குருசேத்திரப்போரானது.
தர்மம் நீதி நேர்மையென்று கூறிக்கூறி
சர்வமும் சூழ்ச்சிக்குள் சூழ்ச்சியாய் மகாபாரதம்.
வர்மம் (வன்மம்) பழிக்குப்பழியே இங்குணர்ந்தேன்.
மர்மமான போர்க் கவசங்கள் தந்திரங்கள்.

பா ஆக்கம்
பா வானதி வேதா. இலங்காதிலகம்.
டென்மார்க்.
7-11-2014

10737791_771888509544924_1380567544_o