362. மரணம் – நாகமணி நினைவுகள்

MH900434389

மரணம்

கரணம் தப்பினும் 

மரணம் வரும்.

திரணம் (புல்) தடுக்கினும்

மரணம் வரலாம்.

பரணம் (கவசம்) வரணம் (மதில்)

மரணம் தடுக்காது.

குரணமும் (முயற்சி) வெல்லாது.

இரணம் தரும் 

—மரணம் வலி….

கிரணம் (கதிர்) வீசும்

உரணத்துள் (முகில்) புகும்

புரணம் (நிறைவு) மரணம்.

மரணம் ஆறுதல்

சரணமொரு வகையில்.

விரணம்(பகைமை) வெல்லும்.

தரணம் (பூமி) தாங்காது

மரணம் இன்றேல்.

 

 

பா ஆக்கம் 

பா வானதி வேதா. இலங்காதிலகம்.

டென்மார்க்.

23-2-2015.

நாகமணி நினைவுகள்

அனுபவங்கள் திணற ஆசை கரைய

அன்பால் எருவான உறவு மரம்.

சுவாசம் இறுகக் கண்ணீரில் கரையும்.

அவகாசம் தராது அங்கங்கள் சோரும்.

உபவாசம் என்று உணர்வுகள் தேயும்.

நாட்கள் நல்லது செய்யும்! அதுவரை

நாகமணி நினைவுகள் நாகதாளியாய் வதைக்க

நாழிகைகள் தள்ளி நிம்மதியில் குளித்தெழலாம்.!   

(நாகமணி நினைவுகள் – நாகரத்தின நினைவுகள்.)

பா ஆக்கம் 

பா வானதி வேதா. இலங்காதிலகம்.

டென்மார்க்.

25-2-2015.

Deepam-Border-Kolam-3

17. தங்கைக்கு இறுதி அஞ்சலிமாலை

KLcdMzrT4-22

என் உடல் நலம் கருதி நீண்ட பயணத்தாலான

உன் இறுதிக் கிரியைகளில் மனதார

இங்கிருந்து கலக்கிறேன். இலங்கை கொழும்பில்

நாளை (22-2-2015)அக்கினியோடு சங்கமமாகிறது உன்னுடல்.

இரவும் பகலும், நாளும் பொழுதும் என்னோடு நீயம்மா!

(அன்பின் இருப்பிடம் பண்பின் உறைவிடம்.

கோப்பாய் நகுலேஸ்வரர் சுவாமிநாதரின்
நான்காவது மகள்.
கொழும்பு சரவணபவன். சுப்பிரமணியத்தின் அன்பு மனைவி.
4 புத்திரச் செல்வங்களும் 5 பேரக் குழந்தைகளுடன் வாழ்ந்த
சௌபாக்கியவதி. சின்ன மாமா சொல்லுவார் ராஐசுலோசனா என்று…)

unnamed

10645017_728439903878023_3880273020971776344_n

92. கவிதை. 1 – கவிதை. 2 (கவனம் கொள் பூதங்கள் + எழுதுகோல் உளியால்)

இயற்கையை இயற்கையாய் ரசித்தலும் கவிதை.

unnamed (2)

unnamed-kk

 

 

 

Divider-Red-3

16. அஞசலிப் பாமாலைகள்

எங்கள் பாட்டி திருமதி பூரணம் சண்முகநாதன் (இளைப்பாறிய ஆசிரியர் நல்லூர் மங்கையற்கரசி வித்தியாசாலை- கிளிநொச்சி மகா வித்யாலயம்.) பாட்டியின் இறுதி அஞசலிப் பாமாலைகள்
(என்னால் எழுதப்பட்டது.)

poor

p00rnam  anusha

Scan-eye closed

52. பயன் ஈயும் காதல்

893239_382534188545770_1636332049_o

பயன் ஈயும் காதல்

உயிரை உய்விக்கும் உன்னதம் காதல்

பயிராகி வாழ்வில் பயனீயும் காதல்.

செயிக்கும் தாரக மந்திரம் காதல்!

ஒயிலாகி வாழ்விற்குப் பலம் தரும் காதல்.

காமதேவனுக்கு யாகமோ காதலர் நாள்!

காமன் திருவிழாவோ காதலர் நாள்!

காமன் முதுகேறும் காதலர் வாள்

காமம் நிறைந்தால் புனிதமழிக்கும் தேள்!

 

காதல் களவாடும் இளமைக் காலம்

காதல் நதியின் இன்பப் பாலம்!

காமன் மலர்ச் சாரல் தூவல்

காதற் கலையின் சித்திரக் கோலம்!

காதல் தீ பனியாகிக் கொட்டும்

காதல் பட்டம் கண்களால் வானெட்டும்.

காதல் மாளிகை வார்த்தைகள் கட்டும்.

காதல் கவிதைகள் மழையாகப் பொழியட்டும்!

எல்லோருக்கும் இனிய காதலர் நாள் வாழ்த்துகள்.

பா ஆக்கம்

பா வானதி வேதா. இலங்காதிலகம்.

டென்மார்க்.1

3-2-2015.

3356826ujko9qbny6

51. அன்பின் எல்லைகள்

Unavngivet

அன்பின் எல்லைகள்

(அன்பின் எல்லைகள் இரண்டாகத்தானே இருக்கும்!
விரும்புதலும் வெறுத்தலும்.
இதற்குள் பல அடங்குகிறது.
அலட்சியப் படுத்தி உதாசீனப் படுத்தும் அன்பும்
அன்புக்காக உயிர் கொடுக்கும் அன்பும்.
இதையே கூற வருகிறேன்.)

பச்சைக்கிளி அவன் விருப்பத்தை
அச்சையாய் (வேதவாக்காய்) அன்பினால் செய்கிறாள்.
இச்சைப்படும் அவள் விருப்பங்கள்
கொச்சையாய் (இழிவு), நிராகரிப்பு, ஏற்பில்லை.
கெச்சை (பெருமித) நடையில் நழுவுகிறான்.
பச்சைப் புண்ணாகும் இதயம்.
சச்சை(ஆராய்ச்சி) செய்தால் இவன்
பச்சை(அநாகரிக) ஆண் மகனே.

மின்மினிகள் காதல் வெளிச்சமிடும்
நான் எல்லைகள் விடுபட்டும்
அன்பு எல்லைகள் பரந்தவன்.
அன்பே உனக்காய் என்றும்
தன்னைப் பெண்ணுக்காய் மாற்றும்
இன்பச் செல்ல மொழியாளன்.
அன்பின் மேலாண்மை கொண்டவனும்
தன்னலமற்றவனும் உலகில் உள்ளான்.

பா ஆக்கம்
பா வானதி வேதா. இலங்காதிலகம்.
டென்மார்க்.
12-2-2015.

butterfly- 3

6. யார் குரலிது!.

cho11-2014 070

யார் குரலிது!

இனிக்கும் நான்குமாத மழலை மொட்டுறவு
இந்திரவில் (வானவில்) ஒரு பூலோக சொர்க்கம்!
இவ்வுலக பந்தத்தால் இறுக்கமாய் உருவாகும்
இணையற்ற புனித நேசப் பிணைப்பு!
அமிர்தத் தாய்ப்பால் சுவைக்கிறான் எம்
அரிய இரண்டாம் பேரன் சோழன்.
சுதந்திரமாய்ச் சுவைத்த வேளை நான்
சுகம் விசாரிக்க உள் நுழைந்தேன்.

என் குரலோசை கேட்டதும் யாரிது!
என்னம்மா அப்பா தவிர்ந்த குரலிது!
எங்கிருந்து வருகிறது! ஆவல்! ஆர்வம்!
பரபரப்பு சுட்டிப்பயல் ஞானக் குழந்தைக்கு!
பால் குடிப்பதை உடன் நிறுத்தினான்.
பக்கமெல்லாம் தலை திருப்பித் தேடினான்.
பார்த்திட முன்னின்றேன் ‘ஹாய்!’ கூறி.
பரவசமாய்ச் சிரித்தென் கரத்துள் வந்தான்.

குழந்தை மழலைப் பிதற்றல் பூவாளிக்
குளிப்பாட்டல், குளிர்கழிச் (ஐஸ்கிறீம்) சுவையமுதம்!
மந்திரப் பழம், இந்திரப் பழம்
சந்திரப் பழமான விநோத இன்பம்!
சடுதியாய் எழுந்தென் குரல் தேடிய
சோழன் வந்துவந்து போனானென் மனதில்!
நாள் முழுதுமவன் லீலா விநோதத்தை
நானுமிவரும் சொல்லிச்சொல்லிக் களித்தோம்! அற்புதம்!

பா ஆக்கம்
பா வானதி வேதா. இலங்காதிலகம்.
டென்மார்க்.
1-2-2015.

baby-items

Previous Older Entries