419. வறுமை மனம்.

11221702_10206984813515990_2044734494621021146_n

 

வறுமை மனம்.

 

இறவா விடாமுயற்சியின் வெற்றிப் பலம்
திறமையுடன் திகழ்தல் இறை வரம்.
திறனற்று சேம்பலில் பயனற்று உலவும்
திடசித்த மானுடமும் கலந்த உலகம்.
திறன் அறிந்தும் உழைப்பை இருட்டடிக்கும்
திரையிட்டு மறைக்கும் விற்பன்ன மனிதமும்
திலங்கும் உலகிது! பூச்செண்டு பட்டாடைக்கும்
தியங்கும் (புத்தி மயங்கும்) அற்ப மானுட உலகம்.
***
 
தன்னாட்சிக்குச் சூழ்ச்சித் திறன் உபயோகம்.
அன்றும், இன்றும், என்றும் பயனாக்கம்.
தன் கூட்டம், பந்தங்கள் புகழும்
மின்னொளிர விரிக்கும் சிறு மதியாளர்.
வறுமை மனம் சுய பிரலாபத்தில்
மறுகும், குறுகும்! பொறாமை வட்டத்தில்
பிறர் திறம் தரம் குறைக்கும்.
திறமை போற்ற பதுங்கும் திணறும்.
***
உலகப் பிரச்சனைகள் தராசில் விழும்
உள்ளகப் பிரச்சனைகள் தராசிற்கு விலகும்
நீதி முள்ளை ஒடித்து விடும்
அநீதி மனமுடை அரங்க மனிதம்.
வெள்ளை ஆடையும் கொள்ளைப் பேச்சும்
வெள்ளையடிக்க வேண்டிய ஒரு மனம்
வைரவர் வாகன வால் வளைவை
கை கொண்டும் நீட்ட முடியாதன்றோ!
***
பா ஆக்கம்
பா வானதி வேதா. இலங்காதிலகம்.
டென்மார்க்.
22-11-2015.
Zakat-GivingAlms

வறுமை 

உணவின்மை, பணமின்மை, 
அறிவின்மை, பொருளின்மை 
பாதுகாப்பின்மையெனும் பல 
இன்மைத் தோப்பு வறுமை. 
மொழி வறுமை, இனவறுமையால் 
இடம் பெயர்ந்து அல்லலுறுகிறோம். 
துன்பம, தரித்திரம், கதியற்ற 
தன்மைகளின் கொடுமை வறுமை. 

***

பாதுகாப்பின்மை இன்றி 
ஏதுமற்ற தமிழர் நிலை. 
யாதும் இழந்து எம் 
முதுகு கூனிய நிலை. 
பணமின்மை பரிதாபமாய்க் 
குணம் மாற்றும். அறிவு 
மணமும் காற்றோடேகும். 
பணமற்றவன் பிணமென்பார். 

***

அறிவின்மை நெறியற்ற, 
குறிதப்பிய, வாழ்வுப் 
பொறியில் வீழ்த்த 
பறிக்கும் குழி. 
உணவின்மை கொடிது. 
உணர்வைப் பறித்து 
மானம் மரியாதையையும் 
தானமாக்கும் வயிற்றுக்காய். 

***

பொறுமை இங்கு 
வெறுமையைக் கூட்டும். 
வறுமையின் எதிர்ப் பயணம் 
சுறுசுறுப்பான மானுடவினை. 
வறுமைச் சிறையுடைக்க 
வெறிச்சோடிய வாழ்வைக் 
குறிவைத்து முறி!. 
எடு! விடாமுயற்சியை! 

***

heart-line

6 பின்னூட்டங்கள் (+add yours?)

  1. karanthaijayakumar
    Dec 26, 2015 @ 02:34:00

    அருமை

    மறுமொழி

  2. தேவகோட்டை கில்லர்ஜி அபுதாபி
    Dec 26, 2015 @ 07:40:28

    கவிதை அழகு சகோ

    மறுமொழி

  3. Mrs.Mano Saminathan
    Dec 26, 2015 @ 12:50:41

    அழகிய கவிதை!

    மறுமொழி

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s

%d bloggers like this: