3. 20வது கவியரங்கம்

13308548_1026729390751866_3646123214274022000_o

நிலாமுற்றம் 28-5-2016. 20வது கவியரங்கம் எனது (வேதா. இலங்காதிலகம்.) 3வது எத்தனம்.

ஆசைகள்.
தமிழே!
அழியாத தமிழே! வணக்கம்
அவனியின் புகழே வணக்கம்!
விழியே! என் மொழியே!
பொழிந்து உன்னை அனைவருக்கும்
விருந்தாக்கி மகிழ அணைவாய்!
பொருந்த நெஞ்சினிலே வருவாய்!
அருந்த, கவியரங்கம் சிறக்க
அருள்வாய்! வணங்குகிறேன் பணிவாக.
தலைமையே!
கவியரங்கத் தலைவரே வணக்கம்!
புவியெங்கும் புகழ் மணக்க
கவிஞர்கள் கூடி பாக்களீந்து
புகழ் மணக்க வாழ்த்துகளுடன் வணக்கம்.
சபையோரே!
சங்கமித்த சபையோரே வணக்கம்
தங்கத் தமிழ் சிறக்க
தாங்கும் தமிழார்வம் என்றும்
ஓங்க வளர்ப்போரே வணக்கம்.
ஆசைகள் அளவற்றது.
பேராசை, நிராசையோடு
துணைத் தலைப்பு ஆசைகளில்
என்னாசை எடுப்பது இங்கு
மண்ணாசை
மண்ணை அழைந்து மகிழ்வது
மண்ணுக்குள் கரங்கள் ஒழிப்பது
அண்ணாந்து வாயினுள் போடுவது
தண்ணீரில் குழைத்து அனுபவிப்பது
***
உருவங்கள் சட்டி பானையது
அருமையாய் செய்து மகிழ்ந்தது
பருவத்து மழலை மண்ணாசை.
அருகிருந்து கோலமிட்டதும் மண்ணாசை.
***
நாட்டுக்கு நாடு அரசர்
கோடு போட்டு யுத்தமிட்டார்.
காடேகினார் ராமர் மண்ணாசையே
உடன்பிறப்புகளும் மோதுகிறார் மண்ணாசையே.
***
ஊன்றி நிற்கிறோம் மண்ணில்.
உணவு தருவதும் மண்ணே!
மடியாகி, மெத்தையாகிக் கல்லறையாகிற
மகாபாரத மூலமும் மண்ணே!
***
எம்மைத் தாங்கும் மண்ணை
செம்மையாய் வாழவிடும் மண்ணை
அளவோடு நேசிப்போம் ஆதரிப்போம்.
உளமார மகத்துவம் உணர்வோம்!
***
மண்ணாசை அளவோடு கொண்டு மாண்புறுவோம் என்று கூறி வாய்ப்புத் தந்த நிலாமுற்றத்திற்கு நன்றி. வணக்கம்.
செவிமடுத்த, வாசித்த சபையோருக்கும், நடுவர்கள், நிர்வாகத்தினருக்கும் மனமார்ந்த நன்றி.
***
வேதா. இலங்காதிலகம்.
டென்மார்க்.
28-5-2016
puthu

62. என் காதல் கவிதையும் நீயும்.

Vedha6

22-6-2011   உருவாகி  வந்தது. (வெளியானது)

 

 

 

bordertrans-kk

76. பூமி தினம்….சித்திரை 22.

12108210_963859023674549_6243759633574699469_n

பூமி தினம்….சித்திரை 22.

***

பொட்டல் வெளியிலொரு பசுமை கண்
கட்டும் பச்சை! அழகோ அழகு!
அட்ட திக்கும் பச்சை எழுப்புவோம்.
இட்டமுடன் மழை . பூமி காப்போம்.
***
பூமித்தோலின் உரோமங்கள் என்றனர் பசுந்துளிர்கள்.
பூத்து தரணியைக் காக்கும் எழில்கள்.
பூமாதேவியென போற்றும் பொறை மகள்
பூசனை செய்வோம்! பச்சை வளர்ப்போம்!
***
பூவுலகம் என்னும் நிலவுலகம் எம்மை
பூவாகக் காப்பது வெள்ளிடை மலை
பூரணி, பூதிகம், பூதலம், பூ
பூகண்டமென தொகை பெயர்கள் பூவன்னாவிலும்.
***
பூஞ்சணம் பிடிக்காத பசுமைப் போர்வை
பூங்கோயிலாக்கும் உலகை சந்தேகம் இல்லை.
பூசகனாவோம் பூஞ்சை நிலம் ஆக்காது.
பூஞ்சோலயென மண்ணைக் காப்போம் நாம்.
***
பா ஆக்கம் பா வானதி
வேதா. இலங்காதிலகம்.
டென்மார்க்.
22-4-2016
***
Image may contain: tree, plant, outdoor and nature
*
lines-multi-color-483451

43. எனது வாழ்த்து.

எனது வாழ்த்து.

 

அன்புத் தோழி கௌசியின் நூல் வெளியீடு ஜெர்மனி டோட்முண்ட் ல்

13350369_490603024469740_6819693997459104789_o

vaalthu

12562500_1219526144741432_1257002207_o

13246366_1310472728980106_3142014268138561649_o

kowsyikku wish

 

stock-vector-set-of-ornamental-floral-rule-lines-underlines-31318351-d

38. எனது உரை-(தமிழுக்கு மகுடம்) 9-4-2016

 

 

எனது உரை-(தமிழுக்கு மகுடம்) 9-4-2016

சபையோர் அனைவருக்கும் இனிய வணக்கம்.
தமிழுக்கு மகுடம் சூட்டிக் கொண்டாடும் ஓகுஸ் தமிழர் ஒன்றியத்தின் 7ம் ஆண்டுத் தடம் மிகச் சிறப்பாகப் பதியட்டும். தம் திறமைகளை வெளிப்படுத்தும் அனைத்துத் திறமைசாலிகளிற்கும் மனம் நிறைந்த வாழ்த்துகள்.
இதை உருவாக்கிச் செயல்படுத்தும் ஓகுஸ் தமிழர் ஒன்றியத்திற்கும் இனிய வாழ்த்துகள். ஒருவர் திறமை கண்டு வாழ்த்தும் போது அதைத் தட்டிக் கொடுக்கும் போது மறு பக்கம் திரும்பிப் பார்க்காது எதிரிகள் போல எண்ணாது வாழ்த்துங்கள் மகிழ்வாக ஏற்றுக் கொள்ளுங்கள். உங்களுக்கு இல்லாவிடிலும் உங்கள் பிள்ளைகளையோ பேரப் பிள்ளைகளையோ வாழ்த்தும் நேரமும்- காலமும் வரும் என்று எண்ணுங்கள். தமிழ் எனும் கல்வி கற்றவர்களிற்கும் சென்ற விடமெல்லாம் சிறப்பு உண்டாகும் என்பதற்கும் இந்த விழா ஒரு எடுத்துக்காட்டு தான்.
இதை முன்னெடுக்கும் இளைஞர் குழாம் சீருடை அணிந்தோர் குழுவிற்கும் இதில் ஒரு பெண்மணியும் இணைந்துள்ளார். இவர்கள் அனைவருக்கும் இவ்விழா நடத்துவதால் ஏதும் இலாபம் இல்லையாயினும் வரும் காலச்சந்ததியை உயர்த்தும் நல்லெண்ணம் இவர்களிற்கு உண்டு. இன்று மகுடம் சூட்டப் படுவோர் போன்று நாளையும் வேறு பலர் மகுடம் ஏந்துவார்கள் என்பது உண்மை. இதற்கு நீங்கள் செய்ய வேண்டியது இந்தக் குழுவினருக்கு விழா நடத்தும் சேவை ஓடர்கள் எடுத்துக் கொடுப்பது தான். சங்கத்திற்கு மாத சந்தா வருடச்சந்தா கேட்கவில்லையல்லவா? கோபித்துக் கொண்டு அவர்களைப் புறம் தள்ளாது அணையுங்கள்.
தமிழின் திறமை, தமிழின் நன்மையால் தமிழால் ஒன்று கூடியுள்ளோம் இங்கு. தமிழுக்கு விழா என்பதால் தமிழ் பற்றியே சிறிது கூறிச் செல்லலாம் என்று எண்ணி வந்துள்ளேன்.
திராவிட மொழிக் குடும்பத்து முதன்மையான மொழி எமது தாய் மொழி தமிழ். திராவிட மொழிக் கூட்டத்தில் 26 மொழிகள் உள்ளன. இதில் நாம் பெருமைப்படக் கூடியதாக அத்தனைக்கும் மூல மொழி – ஆதி மொழி தமிழ். இதை விட 35 சிறு மொழிக் கூட்டங்கள் உள்ளன அதற்கும் தமிழ் மொழியே மூலமானது.
மதுரைத் தமிழ், கொங்குத் தமிழ், நெல்லைத் தமிழ், இலங்கையில் யாழ்ப்பாணத் தமிழ் மட்டக்களப்புத் தமிழ் என்று பல வேறுபாடுகள் உண்டு. மேலும் தமிழிலிருந்து நேரடியாகப் பிரிந்து மலையாளம் என்றும் பல வகைகள் உண்டு.
தமிழின் காலங்கள் என்று அதை மூன்று காலங்களாக ஆய்வாளர்கள் பிரித்துள்ளனர்.
கி.மு 300 – லிருந்து 700 வரையுள்ள இடைப் பட்ட காலம் பழந்தமிழ் காலம் என்றும்
700லிருந்து 1600 காலம் வரையானது இடைக்காலத் தமிழ் என்றும்
1600 முதல் இன்று வரை நவீன தமிழ்காலம் என்றும் அடங்குகிறது.
கி.மு ஓராம் நூற்றாண்டிலிருந்து தமிழ் என்ற பெயர் எமது மொழிக்குப் பெயராக இடப்பட்டுப் பயனுக்கு வந்தது என்று செய்திகள் உலாவுகிறது. தமிழ் என்ற சொல் எப்படி வந்தது என்று பல கருத்துகள் உள்ளது. திராவிட சமஸ்கிருதச் சொல் மாறுபட்டுத் தமிழானது – தமிழ் என்ற சொல் தான் மாறுபட்டுத் திராவிட என்று ஆனது என்றும் கூறுகிறார்கள். த்ரவிட, திரமிட தரமிளா என்று மாறித் தமிள தமிழ் என்று ஆனது என்றும் இதை அப்படியே தலைகீழாக மாற்றியும் கூறுகிறார்கள்.
சௌத்து வருத்து என்பவர் தம் – மிழ் என்று பிரித்துக் காட்டித் தனது மொழி என்ற பொருள் வரும் என்கிறார். காமெல் சுவெலிபில் என்ற செக் மொழியாளர் தம் – இழ் தன்னிலிருந்து மலர்ந்து வரும் ஒலி என்று பெயர் தர வல்லது என்கிறார். இப்படிப் பல வித முடிவற்ற ஆய்வுகள் உள்ளது.
இது தவிர தமிழை செம்மொழி என்றும் அங்கீகரித்தனர். 3000 ஆயிரம் ஆண்டுக்கு முன்னர் தமிழில் கிடைத்த ஒரே ஒரு மூல நூலான தொல்காப்பியத்தில் இந்த செம்மொழி என்ற சொல் இடம் பெற்றுள்ளதாம்.
இந்த செம்மொழி அந்தஸ்து என்ற சீரிய மொழி, சிறப்பு மொழி உலகில் பல மொழிகளிற்கு ஏற்கெனவே உள்ளது. உதாரணங்களாக சுமேரிய மொழி, ஆதி எகிப்து மொழி, ஆதி பாபிலோன் மொழி, கீப்றூ, சீன மொழி, கிரேக்க மொழி, சமஸ்கிருதம், லத்தீன், மண்டாயிக், சிரியா, ஆர்மீனியன், பேர்சியன் என்று பல.
செம்மொழி என்பது இன்னும் பல கருத்துடையது. சிறப்பு மொழி மிகப்பாரம்பரியானது, பழைமை இலக்கியங்கள் கொண்ட மொழியாக இருக்க வேண்டும். சுயம் இருக்க வேண்டும். வேறொரு பாரம்பரியத்தின் மொழி நிழல் அதில் படிந்திருக்கக் கூடாது. அப்படிப் பட்ட மொழியே செம்மொழி. இப்படிப்பட்ட திறமைகள் உள்ளதாலேயே தமிழ் செம்மொழியாக்கப் பட்டது. ஆனால் இது மிகக் கால தாமதமாகவே தமிழுக்குக் கிடைத்தது என்கிறார்கள்.
தமிழ் என்றால் இனிமை, எளிமை தொன்மையென பலவாகும்.
பல நாடுகளில் சிங்கப்பூர், மலேசியா, மொறீசியஸ், தென்னாபிரிக்கா, கயானா, பிஜி, ட்ரினிடாட் போன்ற நாடுகளில் தமிழ் இருந்தாலும் அவர்கள் அதைப் பேசுவதில்லை. ஆதலால் அங்கு இது அழிந்து படுகிறது. நாம் தமிழ் பேசுவோம்…அதை அழிக்காது பேணுவோம்.
வீட்டில் நாம் தமிழ் பேசுவதால் பிள்ளைகள் பல தொகையான தமிழ் சொற்களை தானாகவே பயில்கிறார்கள். அவைகளை வைத்து அவர்கள் மேலும் முன்னேற முடியும். இதனால் பேச்சுத் திறன் வளருகிறது. சொற்களஞ்சியம் அகராதி ஒன்று தம்முள்ளே கட்டப் படுகிறது, வளருகிறது. ஆடல், பாடல், நடிப்பு, வர்ணப் படங்கள் என்பன பிள்ளைகளின் ஆர்வத்தைத் தூண்டி தமிழைக் கற்க உதவுகிறது. பல் திறமை கொண்ட ஆசிரியர்களின் திறமை கெட்டித்தனம் இங்கு தேவைப் படுகிறது.
தமிழ் வீட்டில் பேசுவது மட்டுமல்லாது தமது தாய் நாட்டுத் தொடர்பு, தமிழ் சூழல் மிக அவசியம். இதற்கு உதாரணமாக எமது பேரன் ஒன்றரை வயதில் மலேசியா சென்று 3 கிழமை நின்று வந்தார். இங்கு கதிரையைப் பார்த்து நாற்காலி என்று கூறினார். அவரது அம்மா வழிப் பாட்டன் நாற்காலி என்று தான் பேசுவார் இதைப் பேரன் தன்னுள் தானாகவே உள் வாங்கிக் கொண்டார், எடுத்துக் கொண்டார். தமிழ் சூழல், தமிழ் நாடு முக்கியம் என்பதற்கு இதை ஒரு உதாரணமாக எடுத்துக் கொள்ளலாம்.
இதுதவிர பல மொழிகள் படித்தால் பிள்ளைகள் உருப்பட மாட்டார்கள் என்று சில பெற்றோர் தமது பிள்ளைகளின் பாதையில் தடை போடுவதும் உண்டு. இவை சரியல்ல பிள்ளைகள் சகல மொழிகளையும் அதற்கேற்றபடி கையாளுவார்கள். இதற்கும் எமது 4 வயதுப் பேரனை உதாரணம் கூறுகிறேன். தமிழ் ஆங்கிலம் டெனிஸ் மூன்றும் சமமாகப் பேசுவார். அடுத்து..
.
நாம் முழுக்க முழுக்க நமது பழைய இதிகாச புராண இராமாயணக் கதைகள் மூலம் வளர்த்தெடுக்கப்பட்டவர்கள். அவைகள் இன்றும் தேவையானவை சிறந்தவை என்று கூறுபவர்கள். இவை தமிழ் கல்வியில் தொடர வேண்டும்.
இறுதியாக ஆதிப் பழைய நூல் தொல்காப்பியம் இதுவே இன்று இலக்கணங்களை விளக்கும் நூலாக உள்ளது. தமிழில் எழதப் பட்ட காவியமாக சிலப்பதிகாரம் உள்ளது. இது கி.பி 200 – 300 காலப்பகுதியைக் கொண்டது. ஆத்திசூடி 1000 ஆண்டுகளிற்கு முன்னரும் திருக்குறள் சுமார் 2000 ஆண்டுகளிற்கு முன்னரும் இயற்றப் பட்டது.
தமிழ் பற்றி இங்கு சிறிதளவு பார்த்தோம். தமிழ் பற்றிப் பார்ப்பதை முடிக்கவே முடியாது. தோண்டத் தோண்ட திரண்டு கொண்டே வரும்.
(இஸ்ரேலில் உள்ள கிறிஸ்தவ தேவாலயத்தில் எழுதப்படடிருக்கும் தமிழ் மொழி)
இஸ்ரேல் நாட்டின் ஒலிவ மலையிலுள்ள தேவாலயத்தில் தமிழில் பொறிக்கப்பட்டுள்ளதாம் கர்த்தருடைய ஜெபம்.
இதில் இடம்பெற்ற ஒரே ஆசிய மொழி தமிழ் மொழி மட்டுமே .)சமீபத்தில் இதை வாசித்தேன்.
நான் தமிழிற்குச் சிறியவள்.
ஆயினும் தமிழ்மொழி என்ற தலைப்பில் 46 கவிதைகள் எனது இணையத் தளத்தில் பதிந்துள்ளேன். முழுவதும் நானே எழுதியவை. விரும்பினால் சென்று வாசிக்க முடியும்.
மேலும் தொடருவோம். பொறுமையாக இருந்து செவி மடுத்த அனைவருக்கும் இனிய நன்றிகள்.——————
silence

2. 19வது கவியரங்கம்.

 

 

19வது கவியரங்கம்.

நிலாமுற்றம் 19வது கவியரங்கம்.
எனது (வேதா. இலங்காதிலகம் டென்மார்க்.) இரண்டாவது முயற்சி.
(நாயகர் – அரசர். நடலம் – செருக்கு)
நாயகர் போற்றி வளர்த்த தமிழ்
நானிலம் போற்றும் தமிழே வணக்கம.;;
நடாது என்னுள் விளைந்த தமிழ்
நங்கூரமிட்டு நந்தனம் அமைத்த தமிழ்
நடலமின்றி நர்த்தனமாடி யான் விரிக்கிறேன்
நடைபாவாடை. நயமுடனெனது கவியரங்க
சமர்ப்பணம் நிறைவேற அருள்வாய்.
தமிழே வணக்கம்.
நன்மார்க்கம் நிறைவேற ஒன்று கூடி
நற்குணங்கள் நற் தகுதிகளுடைய நடுவரே (நடுவர்களே)
அங்கத்தவர்களே! நயமான நல் வணக்கம்.
நளினமாகக் கவியரங்கம் சிறக்கட்டும். நல் வாழ்த்துகள்.
சங்கம் வளர்த்த தமிழை வளர்க்க
இங்கும் ஆவலாய் கூடிய சபையோரே!
மங்காத நற்கருத்தக்களை உள் வாங்கப்
பொங்கும் ஆவலுடன் காத்திருக்கும் சபையோரே
உங்களிற்கு நல் வணக்கம்.
இங்க நான் எடுத்துக் கொண்ட துணைத்தலைப்பு.
பணம்
பணச்செங்கோல் உலகைப் பலமாய் ஆளுது
குணச்செங்கோலை அது புரட்டிப் போடுது.
எணம்(மதிப்பு) உடைய கடதாசி ராசாவிது.
கணம்! மனிதத்தின் கண்களை மறைக்கிறது.
கணன்(கள்ளன்), கணிகை, பக்திமானும் தேடுவது
கணத்தில் உயர்வு புகழ் தருகிறது.
சணத்திலெட்டினால் பூஜ்ஜியமும் இராச்சியம் ஆளுகிறது.
கணக்கு விட்ட பலரைக் கவிழ்த்தது.
தன்னலம் நிறைத்துத் தரம் சாய்க்கிறது.
என்னலமும் நிறைந்தவனையும் பித்தலாட்டம் ஆட்டுகிறது.
பென்னம் பெரிய அதிகார முதலாளியிது.
அன்பமுதம், தொடுமுணர்வின் இதம் தராதது.
மனம் மகிழ்ந்து பூவாய் சிரிக்கும்
தனம் இந்தப் பணச் சரித்திரம்.
கனமாக இது இல்லையெனிலும் தரித்திரம்.
தினமும் தேவை நிகழ்த்தும் சூத்திரம்.
பணம் மட்டும் எதுவும் செய்திடாது.
பணம் இல்லாவிடில் எதுவும் ஆகாது.
பணம் – மனிதக்குணம் மாற்றும் உரைகல்.
கடின உழைப்பாளி உழைத்துப் பெறுவான்.
பணம் பற்றிய வரிகள் முற்றும்.
என் வரிகளையிங்கு எடுத்துரைக்க வாய்ப்பு நல்கிய நிலாமுற்ற நிர்வாகத்திற்கு நன்றிகள்.
நடுவர்கள், சபையோர் அனைவருக்கும் மனமார்ந்த நன்றிகள். கவியரங்கக் கவிஞர்கள் வந்தவர்கள் வரப்போகிறவர்களிற்கும் இனிய வாழ்த்துகள்.
வேதா. இலங்காதிலகம்
டென்மார்க்.
21-5-2016.

puthu