463. Farewell 2016

fireworks-1

FAREWELL   2016

யாருக்குத் திருமணம்! பிரியாவிடைக் கோலமோ!
மரகதம், இரத்தினம், முத்து, கோமேதகம்
வைரம்,வெள்ளி தங்கக் கலவையாய்
கருநீல வானில் கண்களில் தூவி
இந்திர ஜாலம் காட்டும் இரவு
இரண்டாயிரத்துப் பதினாறு இறுதி இரவு.
***
கீழ் மூலையில் செவ் வைரம்
மேல் மூலையில் பச்சை மரகதம்
தலைக்கு மேல தங்கத் தூள்
வலையான முத்துகள் அழகான கலவை
மலைத்திட ஒரு மாலை செய்தால்
கலை பொங்கும் 2017 கனிந்திடுமே!
***
Vetha Langathilakam Denmark 20.56pm———31-12-2016
happy-new-year-2017-purple-background_23-2147530221
2017
பண்டிகை நாட்கள் அனைவருக்கும்
இண்டிடுக்கு சந்துகளிலும் இன்பம்
கொண்டிருத்தல் ஆறுதல் ஆரோக்கியம்.
உண்டி உடையுடன் மகிழ்வும்
ஒண்டியற்ற உல்லாச அனுபமும்
கண்டிடல் தென்றலெனும் கொடுப்பனவு.
வண்டினமாய் ரீங்காரித்து நந்தவனத்தில்
சண்டித்தனமின்றித் தேனருந்தி மயங்கி
மண்டியிடாது நிமிர்ந்து முரண்களை
முண்டியடித்துத் தள்ளி வெற்றித்
தண்டிகையில் வாழ்வு பயணித்து
துண்டில் தோப்பாக இசைக்கட்டும்.

நொண்டிச் சாக்கு போக்கின்றி
வண்டில் வண்டிலாகப் பரிசின்றியும்
வெண்டிரை (கடல்) அலையான மகிழ்வுடன்
பண்டிகை களை கட்டியது.
அண்டியோருடனும் மகிழ்ந்து கூடி
கண்டிருப்போம் புதிய ஆண்டினை.

* துண்டில் – மூங்கில்

Vetha.Langathilakam  Denmark  31-12-2016
885940_415392761946867_6721516744376096952_o-a

462. காட்டு வாழை வந்தால் வீட்டு வாழ்வு போகும்.

15740962_1277587198988798_3870404592181174211_n

காட்டு வாழை வந்தால் வீட்டு வாழ்வு போகும்.

***

எது எது எங்கிருக்க வேண்டுமோ
அது அது அங்கிருப்பது சிறப்பு.
துளசிச் செடிக்கு வீட்டு மாடமானால்
வளர்வதில் பயன் பாழே காட்டிலானால்.

***

தீயோர் நட்பைத் தீயெனக் கண்டு
தீண்டாது விலகித் தீயெனத் தாண்டு.
தீரமான அறிவாளரைத் தீராந்தியாகக் கொண்டு
தீவினையற்றோரை தினம் மகிழ்ந்து தீண்டு.

***

சின்னத்தன மனிதர் நட்பில் சிரிப்புத்
தேன் ஊற்றி தேள்கள் போடுவார்
குன்றென உயராதவர் குறுஞ் சுவராவார்
அன்னவரும் காட்டு வாழை மனிதர்களே.

***

நதியினையணையும் கூழாங் கல்லாக அன்பை
சதிபதியாகக் கொண்டு மனிதநேயம் போர்த்திய
மதியுடையோரைத் தேடி நல்ல உறவுக்காய்
துதிக்கிறேன் மனதில் துன்பமற்ற வாழ்வுக்காய்.

***

ஈர முகிலின் குளிர் தூவானமாய்
பாரமற்ற நேச மனவுறவு இணையும்
சாரமுடை வாழ்வின் துணையை நாடும்
நேரம் என்றும் இணைவது அதிட்டம்.

***

உறவின் மகத்துவம் புரியாது கையிணைக்கும்
உறவால் உறவு வண்ணங்கள் மங்கலாகும்.
இறக்கை ஒடுங்கி நிலைமை சிறையாகும்.
இறப்பற்ற நேசம் நீவுதலே இன்பம்.

***

பூச்சொரியும் மனம் கருகாது மதுரசமாய்
பூந்துளிர்கள் சிந்த பூரிக்கும் மனமுடையோரை
பூணாரமாய் (அணிகலனாய்) நட்பு செய் நன்மையுறும்.
பூதல வாழ்வும் மேன்மையுற்று மகிழ்வாய்

***

உயர்வு தாழ்வு நன்மை தீமையுண்டு
அயர்வின்றித் திருத்தமாய் அளந்து பார்!
வியர்வை சிந்த உழைத்து உறவாடு!
துயரற்ற வீட்டு வாழ்வு சிறக்கும்!.

***

16161859-vector-set-of-3

78. ஒரு தாகம். (மரம் பற்றியும்)

இதில் முதல் பத்துப் பாடல்கள் எனது 6வது நூல்
மனக்கடல் வலம்புரிகள் – ல் பிரசுரமானது மீன் தொட்டி — வரை (கீழிருந்து பாருங்கள்)

p46h

ஒரு  தாகம்.

***

கலக்கும் உயிர் வேதனை
விலங்குகள் மனிதனின் இயல்பூக்கம்
மோகம், நீர் வேட்கை, ஆசை,
ஏக்கம், ஆர்வம், தவிப்பு
ஏதிர்பார்ப்பென ஊர்ந்து
பாடாய் படுத்துகிறது தாகங்கள்.
***
சுதந்திரதாகம் அரசியல் சூழ்ச்சியுள் சுழலுகிறது.
சுழலும் கவிதாகம் விரிகிறது.
கலை காதல் தாகம்  பாகமாய்
அலைக்கழித்து நாகமாய் மனிதன்
அலைகிறான். காகமாய் தேடித் தேடி
மோகம் அடங்காத தாகத்தில்
ஏகமாய் தேகம் குலைக்கிறான்.
***
சுயதேவைக்கு மரங்கள் அழிப்பு
தூயநீருக்கு மகா பரிதவிப்பு
பஞ்சபூத ஆதாரம் மரம்
காற்று சுத்திகரிக்கும் அரும்பணி
குளிர்காற்று பெறும் தடை
ஆகாயத் தூய்மை அழிவு மண்ணரிப்புத் தடைகள்
மரமழிப்பால் நடைபெறும் தாகங்கள்.
***
ஓசோன் படலம் செப்பனிடும் மரம்
மழைக்குக் காரணியாகிறது.
பூமி மேற்பரப்பின் காற்றின்
வெப்ப வேகத்தைத் தடுக்கும்
மரம் காத்தல் அவசியம்.
மனிதனே மறந்தான் மனிதனே கெடுத்தான்.
நீருக்கான தாகமும் உயர்கிறது.
***
Image may contain: one or more people
***
.
வேதா. இலங்காதிலகம். டென்மார்க். 11-7-2016.
(Samme katu…..)
 *
blue-border-603769

461. சூழ்ச்சி

Profile of head with jigsaw pieces missing
***
(அந்தராயம் – தீமை, துன்பம், இடையூறு.
நிந்திதம் – பரிகாசம், ஏளனம், தடை.
நிந்தனை – இகழ்ச்சி. சிலவங்கம் – மீன்முள்ளு.
இலகம் – ஊமத்தை. )
***
அந்தராயம் நிறை மனதின் கேடயம்
தந்திரம், வஞ்சகம், சதியாம் இரண்டகம்.
சுந்தரமல்ல மனிதநேயத்திற்கு ஒரு சுத்தியலாம்.
நிந்திதம் நிந்தனை தாழ்ச்சியே பலனாம்.
***
உலக வட்டத்தின் சாப அத்தியாயம்
கலகச் சரித்திரம் கருப்பாக்கும் சாயம்.
இலகம் போன்ற வேண்டாத குணம்.
சுலபமல்ல மோதும் சூழ்ச்சியின் வேகம்.
***
சூழ்நிலைக் களத்தில் மீன் பிடிக்கும்
கீழ் நிலைப் பாதகம் தலைகோதாது.
ஆழ் கீறலால் மனம் அந்தரிக்கும்
மூழ்கும் வேகம் இருண்ட காடாகும்.
***
நிலவின் குளிரல்ல துரதிட்டம், வெப்பம்
குலவும் நம்பிக்கைத் துரோக வலயம்
சிலந்தி வலையே சூழ்ச்சி அத்தியாயம்.
சிலவங்கமே சூழ்ச்சியாளர் உள்ளிருக்கும் ஊழ்வினையாவார்.
***
தாழ்வுமனப்பான்மை, கவலையால் மீள்வு கொள்ள
தாழ்ந்த மனதால் புன்னகை மறுத்து
கீழிழுத்து அன்பு மொட்டுகளைக் கொய்து
வாழ்வை ஒழிக்கும் பயங்கரம் சூழ்ச்சி.
***
ஆழ்மனப் பயப் பேரலைகளின் திமிறுதல்கள்
கீழ் விழாதெழும் இரண மன
கீழ் மக்களின் கூர் நக வேலைப்பாடுகள்
வாழ்தலின் முயல்வுகள் இரண்டகமான சூழ்ச்சியாம்.
***
Vetha Langathilakam Denmark 2o-12-2016
சூழ்ச்சி – வல்லமை (vallamai.com)

வேறு:-

சூழ்ச்சி

சூதுடைய சூழ்ச்சி சூறாவளிச் சூளை
சூனியமோ சூத்திரமோ சூரமாய்ச் சூலாகும்
சூரியகிரகணமாய்ச் சூறையாடும் சூக்குமமே சூழ்ச்சி
சூடடங்காத சூட்டுக் கோலே அது

2016

big-blue-divider

39. 2016 christmas// எல்லோருக்கும் இன்பமான நத்தார் வாழ்த்துகள்.

மகிழுந்தில் பயணித்துப் பல
மகிழும் அனுபவங்கள் தவறுகிறது.
மகிழ்ந்து பேருந்தில் சென்று
அகழ்ந்த நத்தார் அழகுகள்
நிகழ்ந்தவை குறைவு தான்.
இகழ்வு கால மாற்றத்திற்கே.

காலங்கள் பல மாற்றங்களுடன் வேகமாக நகருகிறது.
முன்பெல்லாம் நத்தார் என்றால் அலங்காரங்கள் களைகட்டி
நகரம் ஜே!… ஜே! என்று இருக்கும் வர வர இவை அனைத்தும்
குறைந்து விட்டது. 2016ல் சில சோடனைகள் நத்தாருக்காக
நான் கண்டவை. நமது நகரத்தில் ஒரு ஓடை உள்ளது
இதையும் படம் எடுத்தேன். பசுமை சம்பந்தமாக
ஏதோ நடக்கிறதோ தெரியவில்லை ஒரு கந்தோர்போல
புதுமையாகக் கட்டியுள்ளனர். பிரம்பில் அல்லது வேறு ஏதோ
குச்சிகளைப் பாவித்து இந்தக் கொட்டிலை உருவாக்கியிருந்தனர்.
அழகாக இருந்தது வித்தியாசமாக. – பாருங்கள்
அலங்காரங்கள் கூட மின்சார வெளிச்சத்தால் தான் அழகு படுத்துகிறார்கள்.
அதனால் எனது கமராவால் பகலில் அதன் அழகைத் தர முடியவில்லை.

img_00201

img_00351

img_00421

img_00271

img_00371

img_00311

img_00451

 

 

santasit-l

13.(அவுஸ்திரேலிய (கங்காரு நாட்டுப் பயணம்). (13)

அவுஸ்திரேலிய (கங்காரு நாட்டுப் ) பயணம் – 13

img_01591-jpg-pp

சிட்னி சென்டர் பாயிண்ட் கோபுரம்  1981இல்  ஆயிரம் அடி உயரத்தில் தகவல் தொடர்புக்கு எனக் கட்டப்பட்டது. 279 மீட்டர் உயரமானது. சிட்னியின் மிக உயரமான கட்டடம் இது. டெலிவிசன் ரவர்,  சிட்னி ரவர் ஐ (eye)  என்றும் பலரால் அறியப்பட்டுள்ளது. ஆண்டு தோறும் பத்து லட்சம் பயணியர் வந்து செல்கின்றனர். கோபுரத்தின் எட்டாவது மாடியில் அமைக்கப்பட்டுள்ள கண்ணாடித் தளத்திலிருந்து சிட்னி நகரின் அழகைக் கண்டு மகிழலாமாம். முதலிரு படத்திலும் தூரத்தில் காணும் சிட்னி கோபுரம்   கிட்டவாக 3வது படத்தில்

img_02111

img_03031
நகர் வலத்தில் ஓவ்வொரு வானுயர் கட்டடம் பார்த்ததும் திறந்த இரட்டைத் தட்டு பேருந்து மேற்பகுதியில் இருந்தவர்கள் அனைவரும் கட்டிடத்தையே கையுள் எடுப்பது போல பாயாத குறையாக படங்களை எடுத்துத் தள்ளினோம். ஆவல் !.ஆவலாக
அடுத்து முறே ஆறும் டார்லிங் நதியும் கலக்கும் பேசின் தான் டார்லிங் காபர். ஷம்மி சொன்னா தான் அதற்குக் கிட்டவே வேலை செய்வதாக. லோங் கோவ், குக்கில் பே என்று இருந்தது  1826வரை. தேசாதிபதி றல்ப் டார்லிங் வந்து டார்லிங் காபர் என்று பெயர் மாற்றினாராம்.
இது டார்லிங் காபர் பின்புறம். ( கூரை வளைவைக் கவனியுங்கள். பின்பும் காணுவீர்கள்)

img_02071

img_02171

தெரு வளைந்து வளைந்து அங்கேயே சுற்றியது...

img_02201

காமன்வெல்த் வங்கி இடம் காண்கிறீர்கள்

தீப்பெட்டி உருவமாகத் தெரியும் வீடுகள் காபர் கூரை வளைவு முன்புறம்

img_02231.

img_02301
மாலை 16.30 க்கே என் தங்கை மகளின் கணவருக்கு வேலை முடியும். அதன் பின்பே எங்களைக் கூட்டிப் போக வருவதாகக் பேசியிருந்தோம். அதற்கிடையில் பேருந்தில் நாம் சுற்றும் போது டார்லிங் காபர் தாண்டியதும்

அங்கேயே சுற்றிச் சுளரும் வளைவுப் பாதை பிரபல சிட்னிப் பாலம் காண்கிறீர்கள் 

img_02491

பாலத்தின் கீழே

img_02631

ஒபேரா அரங்கம் வரும் போது

img_02641

அருகில் நஷனல் பார்க். (தேசிய பூங்கா)

img_02731

இங்கு  (opara) இறங்குவோம் என்று இறங்கிச் சுற்றிப் பார்த்து படங்கள் எடுத்தோம். இது என் கணவர் ஆர்வமாகக் கூறி இறங்கிய இடம். முன்பு படங்களில் ஒப்பரா பார்க்கும் போது இதைப் பார்ப்போமா என்று எண்ணியது உண்டு. இன்று ஆசை தீர நடமாடினோம்.

சிட்னி துறைமுகம்,   வளைவுப் பாலம்,    ஓப்பரா மண்டபம் அனைத்தும் இணைந்த   இடம்.

img_03521

img_03531

Right side  opera

img_03611

img_03451

img_03671

img_03681

img_03731

img_03771
இப்போது ஓப்பரா மண்டபம், மாளிகை அல்லது ஒப்பரா அரங்கம் பற்றி சிறிது பார்ப்போம்.
ஜாக்சன் துறைமுகம் எனும் 82 வயது சிட்னி துறைமுகத்தில் பென்னிலோங் என்ற முனையில் இது அமைந்துள்ளது.   google photo

royalbotanicgardens3

img_03691
20ம் நூற்றாண்டில் கட்டப்பட்ட தனித்துவமான கட்டிடங்களில் ஒன்று. யோன் அட்சன் என்ற டென்மார்க் கட்டிடக் கலைஞர் 1957ல் வரை படம் கீறி 1959ல் அடிக்கல் நாட்டி கட்ட ஆரம்பித்த ஓப்பரா அரங்கம் 1973-10-20ல் ராணி எலிசபெத் திறந்து வைத்தார். கட்டடம் கட்டத் தேவைப்பட்ட நிதியைக் குலுக்கல் முறையில் பொதுமக்களிடமிருந்து பெற்றனர். ஆண்டுக்கு இருபது இலட்சம் பார்வையாளர்கள் வந்து செல்லும் சுற்றுலாத் தலம் இது. ஆண்டுக்கு 3000 கச்சேரிகள் நடக்கின்றதாம். ஆண்டுக்கு 7 மில்லியன் பார்வையாளர்கள் வருகின்றனராம்.  அவுஸ்திரேலியாவின் பிரபல அடையளமாக இது விளங்குகிறது.
இது ஒரு தொடர் கொங்கிறீட் குண்டு வடிவத்தில் அமைந்துள்ளதாம். 2194 கொங்கிறீட் தூண்கள், 10 இலட்சம் ஓடுகள் கூரைமேல் தாமரை மாதிரி மலர்ந்த கோலம் அல்லது சிப்பிகளால் செய்த உருவமாக உள்ளது. 2 மில்லியன் ரசிகர்களின் இசை உறைவிடமாக இருக்கிறதாம். இது ஒரு விவரணச் சிறு தொகுப்பு.

Monday ,10 Jun 2013

ஜோர்ன் உட்சன் (Jørn Utzon, ஏப்ரல் 10, 1918 – நவம்பர் 29, 2008)  ஒரு கட்டிடக்கலைஞர் ஆவார். இவர் டென்மார்க்கிலுள்ள கோப்பன்ஹேகனில் பிறந்தார். இவரது தந்தையார் ஒரு கப்பற் பொறியியலாளராவார். 1957 ஆம் ஆண்டில்  ஆஸ்திரேலியாவின் சிட்னி நகரில் சிட்னி ஒப்பேரா மாளிகையை வடிவமைப்பதற்கான போட்டியில் முதற்பரிசு பெற்றார்.

(ஓப்பராவுக்கும்   பாலத்திற்கும்   இடைப்பட்ட   துறைமுக  குடா அனைத்தும் இறுதிப்  படத்தில் காண்கிறீர்கள்.)
அடுத்த பதிவு 14ல் மிகுதியை அறிவோம்.

வேதா. இலங்காதிலகம். டென்மார்க். 11- 2016

 

cropped-sydneyharbourbridgepd

460. 2.குறுங்கவிதைகள் (6)

குறுங்கவிதைகள்

13322056_1774370329515880_7422262195651403442_n

4

முளைத்து மூன்றிலை வரவில்லை இன்னும்
முன்னேற்றம் பாருங்கள் நவீன கருவியோடு!
முப்பொழுதும் அம்மா இதுவா பார்த்தாள்!
முன்னமே விழித்திடுங்கள் குழந்தை வளர்ப்பில்.
முன் மாதிரியாய் நல்ல பெற்றோராகுங்கள்! –
1-6-2016

p-2

5.

உடன் பிறப்பு உயிர்ப் பிறப்பு
கடன் எனது கருத்தாய் கவனிப்பேன்.
நிழல் குடையில் உனை ஆட்டும்
நிலை மாற அருள் இறைவா!
வறுமையை வென்றுனக்கு வாழ்வு தருவேன்.

6-6-2016

 

6.

mm

குடம் குடத்திலேயா!……..சீ!…….போ!….
குடத்தைக் கேட்கிறாயா!….தர முடியாது!
படம் போடும் மார்க்கம் புரிகிறது.
இடம் தந்தால் மடம் பிடிப்பாய்!……
அடமேன்!…..வந்து வீட்டிலே கேள்!…..

2016

 

silence

 

8. கண்ணதாசன் சான்றிதழ் 9

13731720_1754385308159577_1169192614117112720_n

 


 மனசு செத்துக் கிடக்கிறது……
ஓ!..மன்னிக்கவும்.

***

மனசு செத்துக் கிடக்கிறது
மனமகிழ்வு பொழுது போக்கென்று
மனவிடர் தரும் தொலைக்காட்சித்
தொடர்களின் அளவற்ற அட்டகாசங்கள்.

***

விலை கொடுத்தே மனமகிழ்வைத்
தொலைப்பவர் நாம் தான்.
அலையலையான நெருக்கடி அத்தியாயங்களை
கலையென்று எப்படித்தான் யோசிப்பார்களோ!

***

‘கல்யாணம் முதல் காதல்வரை’
வந்தனா விலகி, அசோக்குடன்
வாழ்ந்தாள் மீண்டும் முதல்
கணவன் – மனைவி பிரியாவீட்டில்.

***

பிரியாவை விலக்குவாளாம், மறுபடி
அருச்சுணனோடு வாழப் போகிறாளாம்!
வாழ வழி பணமுமில்லையாம்.
வாயடைத்து வாட்டும் அநியாயம்!

***

பிரியாவின் சகோதரி அசோக்கை
வரித்தாள். அதுவே வினையானது.
வஞ்சகம்! என்னே அகோரம்!
வக்கிரப் பொண்களாண்களின் சூதாட்டம்!

***

சுகந்தம் விரும்பும் சுந்தரவுள்ளம்
சுரணை கெட, கன்றி
சுருள்கிறது மரித்து, சொல்லியேயாகணும்
சுதம்! (அழிவு) ஒ! மன்னிக்கவும்

***
உருட்டு உருட்டென்று உருட்டி
தோலாக இழுத்து இழுத்து
சரவணன் மீனாட்சி மு(ம)டிந்தது.
சடுகுடு ஆட்டம் மூன்றெப்படியோ!
***

ஆதாரத் தமிழ் உருவி
ஆங்கில அருவி ஒளிக்காட்சியில்
ஆதங்கங்கள்! செத்துக் கிடக்கிறது
பாரதமே ! ஓ! மன்னிக்கவும்

***.

வேதா. இலங்காதிலகம்.
டென்மார்க்.
22-7-2016.

 
index
 
 
 

12.(அவுஸ்திரேலிய (கங்காரு நாட்டுப் பயணம்).12

அவுஸ்திரேலிய (கங்காரு நாட்டுப் ) பயணம் – 12

பேருந்துக் கந்தோரில் பயணச் சீட்டு வாங்குமிடம் அருகில் சிட்னிக்குச் செல்லும் பேருந்தும் தயாராகி நின்றதால் காலையுணவு முடிக்க முதலே இவர் அவதிப்பட்டு 8 மணிக்கே போவோம் என்று பயணச் சீட்டை வாங்கி விட்டார். பேருந்து புறப்படப் போகிறது.

jolimont-centre

தேநீர் பேருந்தில் குடிக்க முடியாது. மேசையில் வைத்திட்டு வாகனம் ஏறியது தான். பாண் முதலே வாங்கியதால் உறையுள் இருந்தது. என்னிடம் எப்போதும் தண்ணீர் இருக்கும். சரி என்று புறப்பட்டாச்சு.
இரவு 9 மணிக்:குப் போவது என்று கூறி விட்டு இப்போது காலையில் பேருந்தைப் பார்த்ததும் இது என்ன காலைத் தேநீர் கூடக் குடிக்காமல்! என்று கோபமாக இருந்தது. அவர் இனிப்பு இன்றித் தேநீரை அப்படியே குடிப்பார்…குடித்திட்டார். எனக்கு முடியாது. பால் இனிப்பு எல்லாம் தேவை. அது தான் வாங்கிய தேநீரையும் அப்படியே வைத்திட்டு வாகனத்தில் ஏறியாச்சு...

cidny
சிட்னி பயணத்திலும் பேருந்தில் அதே முதல் வரிசை இடம், படம் பிடிக்க வசதியாக…”கிறே கவுண்ட்” எனும் பேருந்தில் வந்தோம். இப்போது ” முறாறி சாட்டர் கோச்” என்பதில் பயணமாகிறோம்.
பிறகென்ன!… நடுவில், கொண்டு வந்த பாண் சாப்பிட்டுத் தண்ணீரைக் குடித்தது தான்.
கன்பரா சிட்னிப் பாதை புல் வெளிகள் தான் ஆனாலும் கற்பாறைகளை வெட்டிய பாதைகளாக சில இடங்களில் இருந்தது.

img_01281

img_01341

img_01311

தெருவில் கறுப்புத் தார் இன்றி வெள்ளை நிறமாக சீமெந்து போல பூசி இருந்தது

1-48

ஆச்சரியமான ஆச்சரியம்!!… ஏன்!…..ஏன் ! என்று தலையுள் குடைந்தது. புரியவில்லை. இருவருமே இது பற்றிப் பேசிய படி பயணித்தோம்.
பின்னர் உறவினர் ஒருவர் வீடு போன போது மாப்பிள்ளை சொன்னார் ” உங்கள் கேள்வியை இங்கு கேளுங்கள் இவர் சரியான ஆள் என்று” தெரு வேலை சம்பந்தமான துறையில் பரிச்சயமானவர் நமட்டுச் சிரிப்புடன் சொன்ன தகவல் வெள்ளை பூச்சுப் பூசினால் 20 வருடங்களுக்கும் மேலாக பாதையைப் பாதுகாக்கத் தேவையில்லையாம், மற்றது அங்கு பனி பெய்வது மலைப் பகுதியில் தானாம். இங்கு டென்மார்க்கில் தானே பனி வந்து பாதைகளை அரித்து நாசமாக்கும் செலவும் அதிகரிக்கும்.

சிட்னி விமான நிலையத்திலும் நாம் பயணமான பேருந்து நின்றது ஆட்களை ஏற்ற. (சிட்னியில் முதலாவதாக விமான நிலையம் பார்த்தோம்)

img_01521

img_01471

img_01531
11.30க்கு சிட்னி புகையிரத நிலையத்தின் அருகில், எடி அவென்யூவில் இறங்கினோம். (எடி அவென்யூ முன்பக்கக் காட்சி. மற்றது பின் பக்கக் காட்சி))

img_01621

img_01721

img_01701

பேருந்துக் கந்தோருள் சென்று அடுத்து சிட்னியிலிருந்து பிறிஸ்பேர்ண் செல்லும் நிலைமைகளை ஆராய்ந்;தோம்.

img_01731

13 மணித்தியாலம் என்று நாம் போட்ட கணக்கு பேருந்திற்கு 18 மணித்தியாலங்கள் எடுக்கும் என்பது உற்சாகம் தருவதாக இல்லை. அது பற்றிப் பின்பு யோசிக்கலாம் என்று சிற்றியைச் சுற்ற பயணச் சீட்டு வாங்கினோம்.

img_01681

(இது புகையிரத நிலைய மேற்பகுதி)
ஆளுக்கொரு பயணப் பொதி கையிலிருந்தது. அதைப் பாதுகாத்துத் தர அங்கேயே  (டிக்கட் வாங்கிய இடத்திலேயே) இடமுண்டு. பணம் கட்டி ஒப்படைத்தோம். பேருந்தில் ஏறிச் சுற்றினோம்.

”ஸ்கை கார்டின்” ஆகாயப் பூந்தோட்டம் என உள்ளது.

img_01801

img_01791

இந்தப் படம் போலவும் வேறு மாதிரிகளிலும் உண்டு. கூகிளில் பாருங்கள். (சென்ரல் பாக் அல்லது ஸ்கை கார்டின்  australia  Sydny என்று )  மிக வியப்பாக  இருக்கும்.
பிறாமா றோட் என்று நீண்ட தூரம்

img_01841

கடற்கரை தான் சுற்றிச் சுற்றி தெரு செல்கிறது.

img_01871

img_01891

 

தெருவில் மஞ்சள் நிற கலை வேலைப்பாடு ஒன்று கண்டு படம் எடுத்தேன் மேல் பகுதி பாதி தான் தெரிந்தது.

img_02221

 

டென்மார்க் வந்து ஆராய்ந்து   முழுப்படமும்   எடுத்தேன்.  மஞ்சள் நிறத்தில் கலை உருவ வேலைப்பாட்டு நாளுக்குத் தெருவில் வைக்க செய்ததாம். மிக அழகு.

darling-harbour-yellow

Google photo

மிகுதியை அடுத்த பதிவு 13ல் காணுவோம்.

வேதா. இலங்காதிலகம்.
டென்மார்க்.
12-12 2016.

 

kangaroosunset2-gif-oo

 

 

458. சான்றோர் எவர்!

thotkum-manitham
***
வாழ்வை மனிதநேய தேசமாக்கி
தாழ்விலா நீதி ஆடையிட்டு
ஆழ்ந்த சமுதாய வீதியில்
வழி நடப்பார் சான்றோர்.
விழியாம் சமுதாய விளக்குகள்.
இழிவற்ற சான்றுடை முன்மாதிரிகள்.
***
தன்னை தன் குடும்பத்தவரை
தன் உறவினர் நண்பர்களை
முன்னேற்ற இழுத்துச் செல்பவர்
முன்மாதிரியாளரோ! தம்மை வணங்கவும்
மேன்மையுரையில் மகிழவும் பெண்மையை
பின் தள்ளுவோரும் பெருமையாளரா!
***
வேதா. இலங்காதிலகம்.
டென்மார்க்.
18-11-2016
543976_4591808510433_428401038_n
நினைவில் நீதியை ஒதுக்குவான்.
பனைத்துணை சுயநலம் பிணைக்கிறான்.
சுனைவற்ற முனிவுடை அனையன்.
வினைக்களமிவன் வாழ்வு தான்.
(பனைத்துணை – பேரளவு குறித்த சொல்
சுனைவு – சுரணை
முனிவு – முயற்சி.
அனையன் – அத்தன்மையானவன்
வினைக்களம் – போர்க்களம்)
 
blackwith-colour

Previous Older Entries