31. எனக்கும் ஒரு பரிசு

1455d-versatile-blogger

இப்படி ஒரு தகவல் வந்தது.
ஆச்சரியமடைந்தேன்.

yarlpavanan
செப் 17, 2014 @ 06:46:54 தொகு

அன்புள்ள அறிஞரே! தங்களுக்கென வலைப்பதிவர் விருது பகிரப்பட்டுள்ளது. அதனைத் தங்கள் தளத்திலும் பதிந்து உதவுமாறு விரும்புகின்றேன். கீழ்வரும் இணைப்பைச் சொடுக்கிப் பார்வையிடுக.

வலைப்பதிவர் விருது சின்னப்பொடியன் யாழ்பாவாணனுக்குமா?

http://wp.me/pTOfc-b9

இவர் பிரசுரித்த பதிவில் ஒரு பகுதியை இங்கு தருகிறேன். அதாவது அவர் எனக்கும் இவ்விருதைத் தந்துள்ளார்.
அவருக்கு மனமார்ந்த நன்றியைத் தெரிவிக்கிறேன்.
வீட்டில் நேரமற்ற நிலைமையால் மேலும் எழுத முடியவில்லை.
இதைத் தெரிவிப்பதற்காக இதைப் பதிகிறேன்.
சகோதரருக்கு மனமார்ந்த நன்றி.
வேதா. இலங்காதிலகம்.
டென்மார்க்.
18-9-2014

எனக்களித்த விருது…
தம்பி ரூபன் அவர்கள் இரு விருதுகளை என்னுடன் பகிர்ந்தார். அதில் ஒன்று தான் கீழே தரப்பட்டிருக்கிறது.

எனது விருதைக் கீழ்வரும் பதிவர்களுடன் பகிருகிறேன்…
வலைப்பதிவர்களின் தமிழ்ப்பக்கங்கள் (http://tamilsites.doomby.com/) தளத்தில் இருந்து எழுமாறாகத் தெரிவு செய்யப்பட்ட சிலருடன் பகிருகிறேன்.

http://chollukireen.wordpress.com/
http://mahalakshmivijayan.wordpress.com/
http://ramanans.wordpress.com/
https://kovaikkavi.wordpress.com/
http://www.geevanathy.com/
http://www.anbuthil.com/
http://iravinpunnagai.blogspot.com/
http://dbs1205.blogspot.in/
http://kavithaivaasal.blogspot.in/
http://vijaykavithaigal.blogspot.in/

1653344_615174351888104_825373005_n

30. பத்துக் கேள்வி பதில்கள் (தொடர் ஆக்கம்)

mine2 139

பத்துக் கேள்வி பதில்கள் (தொடர் ஆக்கம்)

1. உங்கள் 100வது பிறந்தநாளை எப்படிக் கொண்டாட விரும்புகிறீர்கள்?.

எனக்கு இவ்வளவு காலம் வாழ ஆசையில்லையே. என் வலையில் 180வது கவிதையை வாசியுங்கள். இதோ அதன் இணைப்பு. முதுமைப் பட்டயம். (இக் கேள்வியை என் கணவரிடம் கேட்டேன். பொல்லுப் பிடித்துக் கொண்டு கொண்டாடுவேன் என்றார்.) https://kovaikkavi.wordpress.com/2011/03/26/238-%e0%ae%ae%e0%af%81%e0%ae%a4%e0%af%81%e0%ae%ae%e0%af%88%e0%ae%aa%e0%af%8d-%e0%ae%aa%e0%ae%9f%e0%af%8d%e0%ae%9f%e0%ae%af%e0%ae%ae%e0%af%8d/

2. என்ன கற்றுக் கொள்ள விரும்புகிறீர்கள்?

கணனி தொழில் நுட்பம். எல்லாமே கொஞ்சம் கொஞ்சம் தான் தெரியும். தெரிந்தவைகளைக் கூட இன்னும் கற்றுக் கொள்ள ஆசை. கற்றலிற்கு ஏது எல்லை!

3. கடைசியாகச் சிரித்தது எப்போது எதற்காக?

பேரனிடம் நேற்று போயிருந்தேன். லீகோ கட்டைகளை வைத்து பாரம் தூக்கி விளையாட்டு (கிறெயின்) விளையாடினோம். ஓவ்வொரு சாமானாகக் கொழுக்கியில் மாட்டி சுற்றி விளையாடினார். நான் முழுக்க முழுக்கத் தமிழில் அவருடன் பேசுவேன். அவருக்கு வாயில் வருவதெல்லாம் டெனிஸ் தான். காரணம் பாலர் நிலையம் போகிறார். அவரது தாயார் கூடுதலாகக் கலப்பது ஆங்கிலம். இன்று விளையாடும் போது ‘ இற் கானொட் It can not- இற் கான்’ It can சொன்னார். ஓ கெட்டிக்காரனாக உள்ளாரே என்று எண்ணினேன் இதை வந்து கணவரிடம் கூறிச் சிரித்தேன். சிறிது நேரத்தால் மகள் இலண்டனிலிருந்து பேசினார். அவளிடமும் கூறிச் சிரித்தோம். மகளும் விழுந்து விழுந்து சிரித்தாள். 2 வயதுப் பேரனின் குறும்பு தான். மேலே படம் தான் அவரது கிறெயின் (பாரம் தூக்கி)

4. 24 மணிநேரம் பவர் கட் ஆனால் நீங்கள் செய்வது என்ன?

இங்கு டென்மார்க்கில் அப்படி வராதே. ஆயினும் மெழுகுதிரி எடுத்துப் பற்ற வைத்து அதையும் இன்பமாக அனுபவிக்கலாம். (ஊர் வாழ்வு நினைவுக்கு வரும்.) ஆனால் இங்கு சாப்பாடு விடயங்கள் கடினமாக இருக்கும் சமைப்பது சூடு பண்ணிச் சாப்பிடுவது எல்லாமே.

5. உங்கள் குழந்தைகளின் திருமணநாளில் அவர்களிடம் சொல்ல விரும்புவது என்ன?

எங்களுக்கே அவர்கள் புத்திமதி கூறுவார்கள். தங்களுக்கு அனைத்தும் தெரியும் எனும் சுயஆளுமை கொண்டவர்கள். நல்வாழ்த்துக் கூறுவோம். மகிழ்ந்து கொண்டாடுவோம். புகைப்படங்கள் எடுத்து வைப்போம். (என் கணவரின் பதில் சந்தோசமாக வாழுங்கள் என்பது தான். வேறு என்ன!)

6. உலகத்திலுள்ள பிரச்சனையில் உங்களால் தீர்க்க முடியுமென்றால் எந்தப் பிரச்சளையைத் தீர்க்க விரும்புகிறீர்கள்?

எமது நாடே பிரச்சனையாக உள்ளது பிறகு உலகத்தை எப்படிப் பார்ப்பது! திருத்துவது!. இருக்குமிடமன்றோ முதலில் இன்பமாக வேண்டும்!
பேசாமல் முடிந்தளவு தமிழைக் கவனித்துக் கொள்வேன். (என் கணவரின் பதில் பசி)

7. நீங்கள் யாரிடம் அட்வைஸ் கேட்பீர்கள்?

கணவரோடு பிள்ளைகளோடு பேசுவேன். நல்ல நண்பர்களிடம் பேசுவேன். எனது சகோதரர்களிடம் பேசுவேன். ( என் கணவர் கூறுவது அட்வைசைப் பொறுத்தது. நோயானால் டாக்டர். வழக்கானால் அட்வகேட் அந்த மாதிரி என்கிறார்)

8. உங்களைப் பற்றிய தவறான தகவல் பரப்பினால் என்ன செய்வீர்கள்?
உண்மை வெளியே வரும் நாளுக்காகக் காத்திருப்பேன். சந்தர்ப்பம் அமைந்தால் நைசாகவும் சூடாகவும் கேட்டிடுவேன். ( என் கணவரின் பதில் கோ ரு கெல் ( go to hell) என்று இருப்பேன்)

9. உங்கள் நண்பரின் மனைவி இறந்தால் அவரிடம் என்ன சொல்வீர்கள்?

அன்பாக அமைதியடைய வார்த்தைகள் பேசி வேண்டியபடி உதவுவேன். (இதற்கு என் கணவரின் பதில் இன்னொருத்தியைத் திருமணம் செய் என்பது.)

10. உங்கள் வீட்டில் தனியாக இருந்தால் என்ன செய்வீர்கள்?

நெடு நாட்களாகத் தள்ளிப் போட்ட வேலைகளைச் செய்வேன் (வீட்டை அழகாக்கும்).
பூக்கன்றுகளைக் கவனிப்பேன். தையல், பெயின்ரிங், புகைப்பட வேலைகளை ஒழுங்கு படுத்துவேன். (என் கணவரின் பதில் கூரையைப் பார்த்துக் கொண்டு இருப்பேன்.) வலையில் 275 -276ம் கவிதைகள் தனிமை பற்றி உண்டு. இதுவே லிங்க். 275.https://kovaikkavi.wordpress.com/2013/05/12/275-%e0%ae%a4%e0%ae%a9%e0%ae%bf%e0%ae%ae%e0%af%88%e0%ae%af%e0%af%88-%e0%ae%b0%e0%ae%9a%e0%ae%bf/
276. https://kovaikkavi.wordpress.com/2013/05/15/276-%e0%ae%a4%e0%ae%a9%e0%ae%bf%e0%ae%ae%e0%af%88/

மிக நன்றி சகோதரி கிரேஸ் இந்த அழைப்பிற்கு. அநேகமாகப் பலர் பலருக்கு அழைப்பு விட்டுள்ளனர். இந்தத் தகவல்கள் முழுமையாகத் தெரியாததால் எனக்கு யாரை அழைப்பது என்று தெரியவில்லை.

விரும்பியவர்கள் எழுதலாமே!.

சுவைதானே வாசிப்பது.

ஆக்கம் வேதா. இலங்காதிலகம்.
டென்மார்க்.
26-6-2014

11497627-vintage-dividers-and-borders-set-for-ornate-and-decoration

29. காதல் பற்றிய கேள்விகளின் பதில்கள்.

560222_555592744465255_1546753892_n

காதல் பற்றிய கேள்விகளின் பதில்கள்.

காதலர் தினம் வருவதால் இது பொருந்துமெனத் தருகிறேன். குழந்தைகளிடமிருந்து பெரியவர்களுக்கு. (From chjldren to adults) என்ற டெனிஸ் மொழிப் புத்தகத்திலிருந்து (Grethe dirckinck.Holmfeld) மொழி பெயர்த்தேன்.

காதல் பற்றிக் குழந்தைகளிடம் கேள்விகள் கேட்கப்பட்டது. டேனிஸ் பிள்ளைகள் தந்த பதில் இது.
சாதாரணமாக எமது இனக் குழந்தைகளிடம் கேள்விகள் கேட்டால் சில நேரங்களில், சில இடங்களில் பெற்றவரோ, வளர்ந்தவர்களோ பதிலையும் சொல்லிக் கொடுப்பார்கள்.

இது வித்தியாசமாகத் தெரிகிறது. நகைச் சுவையாகவும் உள்ளது. 7 – 8 வயதுப் பிள்ளைகளிடம் காதலை, காதலர்களைப் பற்றிக் கேள்விகள் கேட்கப்பட்டது. பதில்களின் சுருக்கம் இதோ!…….

1 – ஸ்ரினா (Stina) 7 வயதுச் சிறுமி:-
”..ஓய்வு நேரப் பாடசாலைக்கு வரும் மார்ட்டின் என்னைக் காலிக்கிறான் என்று எனக்கு அவதானிக்க முடிகிறது. ஏனென்றால் நான் ஸ்ரொப் (நிறுத்து) என்றதும் அவன் அதைக் கேட்டு நடக்கிறான்..” என்கிறாள்.

2.- ”..ஒருவன் காதலில் விழுந்துவிட்டால் 5 நாளுக்குப் பால் குடிக்க முடியாது…” என்கிறான் சீமொன் 8 வயதுப் பையன்.

3.– ”..ஒருவன் காதலில் விழுந்தால் அது இருதயம் இறைச்சியை முத்தமிடுவது போன்றது…” என்கிறான் 8 வயது ரொபியஸ்.

4. – ஒருவன் காதலில் விழுந்தால் அது ஒருவனுக்கு வயிற்றினுள் பிறந்தநாள் கொண்டாட்டம் போன்றது..” என்கிறாள் மிக்கேலா 8 வயது.

5.- ”.. தெருவில் நடக்கும் பொது ஒருவரையொருவர் இடிக்கும் போது ஆண் கூறுகிறான் மன்னியங்கள் என்று. அதற்குப் பெண் பரவாயில்லை என்றால் பிறகு அவர்கள் ஒரு இடத்தில் ஒன்றாகச் சேர்ந்து வாழவும் கூடும்..” என்கிறாள் 7 வயது அனா.

6 – ஒரு நாட்டுப் புறப் பண்ணையில் வாழும் 8 வயதுச் சிறுவன் சோண் (Sorn) கூறுகிறான்…” பட்டினத்து நடுப்பகுதியில் பல நங்கைகள் வாழுகின்றனர். ஒருவன் தனக்கொரு காதலை நடுப்பட்டினத்தில் கண்டு கொள்வானாயின் பண்டிகளைக் கவனித்துப் பேணி வளர்க்க அவனுக்கு விருப்பமில்லை என்பது கருத்தாகும்…” என்கிறான்.

என்ன நேயர்களே!….சில நகைச்சுவையாகவும் இவர்கள் சிந்தனைப் போக்கு வேறு மாதிரியும் உள்ளதல்லவா!

ஆக்கம் வேதா. இலங்காதிலகம்.
டென்மார்க்.
1-11-2003.

line3

28. என் கணனி அனுபவம்.

imagesCAOS1GEL

என் கணனி அனுபவம்.

 

ஆரம்பத்தில் கவிதைகளைத் தமிழில் பாமினியில் எழுதி ரி.ஆர்.ரி தமிழ்,  அலை, இலண்டன் தமிழ் வானொலிக்கு மின்னஞ்சலில் அனுப்பியபடி இருந்தேன்.
தமிழ் எழுத்துக்களை (பாமினி வேறும் தமிழ் எழுத்துகளை) எமது நகரத்து நண்பர் ஒருவர் பதிந்து தந்தார். இவருக்கு நன்றி.

கணனியில் இணையத் தளங்கள் பார்ப்பது, கவிதைகள், செய்தி வாசிப்பது என்று காலம் போனது. இதைக் கணவரும் செய்வார். 3 புத்தகங்கள் வெளியிட்டதும் கையெழுத்துப் பிரதிகளை அனுப்பித் தான்.
ஆனால் புத்தகங்களை மக்களிடம் பரப்புவதில் சிரமம் இருந்தது. இணையத்தளம் திறக்கலாம் என்று எண்ணம் உதித்தது. இளம் நண்பர்களிற்கு வந்து உதவி செய்ய நேரமே இல்லை. உதவி கேட்டால் மளமளவென செய்தனர் அதைக் காட்டித் தரும் உதவி மனமில்லை.

நானாகவே வேட்பிரஸ் – புளோக் விவரங்களை வாசித்து அறிந்து  வேட் பிரஸ்ல் புகுந்தேன். எனது மருமகள் முகப்புச் செய்வதில் முதன் முதலில் உதவினாள்.
பின்னர் சகோதரர் எழுத்தாளர், கவிஞர் வித்தியாசாகர் அதைத் தமிழாக்கி        ” வேதாவின் வலை ”..யென்று எழுதுங்கள் என்றேன் – எழுதினார்.
” தமிழ் பேசி தமிழை நேசிக்கும் தமிழாள் பக்கம் ” என்றது அவரது வசனமே.
இவருக்கு மனமார்ந்த நன்றி.

இன்னும் மேலும் உதவிகள் அவ்வப்போது நண்பர்களிடம் கேட்டு செய்தேன். கணவர் இதில் ஆர்வமில்லை.
டேனிஸ் மொழியில் கணனி அடிப்படைக் கல்வி ஒரு கிழமை எடுத்தேன். மவுஸ் பிடிப்பதே ஆரம்பத்தில் சிரமமாக இருந்தது.

தமிழ் எழுத்தை யூனிக்கோட்டிற்கு மாற்றுவதில் சுவிஸ் நண்பர் எழுத்தாளர் செய்தியாளர் கவிஞர் ஏ.ஜே.ஞானேந்திரன் வீட்டிற்கு வந்த போது ” இப்படி இருங்கள்” என்று கணனியில் உட்கார வைத்துக் கேட்டு அறிந்து கொண்டேன். எழுத்துருமாற்றியைப் பாவிக்கிறேன். இது எனக்குச் சுகமாக உள்ளது. ஏஜேஜிக்கும் மிகுந்த நன்றி.

600க்கும் மேற்பட்ட கவிதைகள் வலையில் பல தலைப்புகளில் பாமாலிகை (பாக்களின் மாலை) என்று இட்டுள்ளேன். தமிழ் மணத் தொடர்பு சிறிது காலமாகவே உள்ளது. வேறும் தமிழ்வெளி.  தமிழ் 10, இன்ட்லி, வலைப்பூக்கள் என்றும் இணைக்கிறேன்.
ஆரம்பத்தில் மேசைக் கணனியாக இருந்தது. இப்போது மடிக்கணனியாக உள்ளது. திடீரென செத்துப் போகும் மேசைக் கணனி. காரணம் வைரஸ் மெயில்களைத் திறப்பது. இவைகளைப் பார்த்துத் திறப்பது, தவிர்ப்பது என்பதும் கூடக் காலப் போக்கில்; அனுபவப் படிப்பாகப் தான் படிக்க முடிந்தது.

இவைகளை நிர்த்தாட்சணயமாக அழிக்க இப்போது நன்கு பழகியுள்ளேன்.
வலை திறந்து 3 வருடங்கள் முடிந்து விட்டது. இன்னும் பல எனது பேரனிடம் படிக்கலாம் என்று எண்ணுகிறேன்.
எக்சீலில் கணக்கு எழுதுவது, வங்கி அலுவல்கள் போன்றவை எனது கணவர் செய்வார்.
இன்னும் பல படிக்க உள்ளது. பார்ப்போம்.

சகோதரர் தமிழ் இளங்கோ இத் தொடர் பதிவை எழுதக் கேட்டதற்கு மிகுந்த நன்றி. சுவைபட எழுத முடியவில்லை.

இத் தொடர் பதிவை எழுத சகோதரி இளமதியை  http://ilayanila16.blogspot.de/அழைக்கிறேன்.
சகோதரி ஸாதிகாவை http://shadiqah.blogspot.dk/search?updated-min=2013-01-01T00:00:00%2B05:30&updated-max=2014-01-01T00:00:00%2B05:30&max-results=20 அழைக்கிறேன்..

http://hainallama.blogspot.dk/  டாக்டர் முருகானந்தம் அவர்களை அழைக்கிறேன்.

3  பேர் போதுமென்று நினைக்கிறேன்.

 

அன்புடன் வேதா. இலங்காதிலகம்.
டென்மார்க்.

 

 

Swirl divider v2

28. இது நான்காவது விருது.

 

இது நான்காவது விருது.

jaghamani

ஆவ 20, 2012 @ 12:50:21 [Edit]

Congratulations for getting Fabulous Blog Ribbon AWARD From VAI.GOPALAKRISHNAN SIR..

என்று கருத்திடல் வந்தது.
திரு வை.கோபாலகிருஷ்ணன் ஐயாவின் வலைக்குச் சென்று பார்த்தேன்.

http://gopu1949.blogspot.dk/2012/08/12th-award-of-2012.html

 

இந்தப் பரிசு எனக்குத் தந்திருந்தார்
அதற்கு நன்றிப் பதிவிட்டு திரும்பினேன் .
மறுபடியும் இந்தப் பதிவின் மூலம் எனது மகிழ்வாக நன்றியைக் கூறுகிறேன்.

இது எனக்கு 4வது பரிசு.

முதலாவதாக  முனைவர் இரா. குணசீலன் அவர்கள் தந்த சிந்னைச் சிற்பி விருது.  அதில் மிக மகிழ்வடைந்தேன். 4-8-2011.

குணா தமிழ் இணையத்தள மூலமும். 4-8-2011-

இரண்டாவதாக….திரு.வே.நடனசபாபதி லிப்ஸ்ரர் விருது தந்தார். (தினம் எளிய நடையில் கவிதையையும், புதிய தகவல்களையும் தரும் திருமதி வேதா.இலங்காதிலகம்
அவர்கள்.)

மறுபடியும் 3வதாக திருமதி இராஜேஸ்வரி லிப்ஸ்ரர் விருது தந்தார்.

அனைவருக்கும் மறுபடியும் அன்புடன் நன்றியைத் தெரிவிக்கிறேன்.

வேதா. இலங்காதிலகம்.
ஓகுஸ், டென்மார்க்.
24-8-2012.

                                         

 

27. வித்தக அடமானம்.

 

வித்தக அடமானம்.

 

ஒருவருக்கு வாய்க்கும் சுத்த வித்துவத் திறமை என்பது ஒரு அரும் பெரும் சொத்து. இதை வைத்திருப்பவர்கள் பரிசுத்தத்திற்கு உரியவர்கள்.

அரசியல், கணக்கியல், பேச்சு, மருத்துவம், ஆசிரியத்துவம், கலைகள் பலவென பல்வகைத் திறமையாளர்கள் அவற்றை உத்தமமாகப் பேண வேண்டியவர்களாகிறார்கள். இந்த உத்தமத் திறமையாளர்கள் நாற்றமெடுக்கும் வகையில் தம் அசுர குணங்கள் தலை விரித்தாட அனுமதி கொடுத்துத் தமது பெயருக்குக் களங்கம் ஏற்படுத்துகின்றனர்.

இவர்கள் சிறிதே தமது பாதையைத் திரும்பிப் பார்த்துச் சரி செய்வார்களேயானால் இவர்கள் பாதையில் கதிரொளி பல வண்ணங்களில் பிரகாசித்திட மாட்டாதோ!

இந்தியாவில் சரபோஜி மன்னர் காலத்தில் நரசய்யர் எனும் சங்கீத வித்துவான் சங்கராபரண இராகத்தைப் பாடும் பெரும் வல்லமை கொண்டவராயிருந்தார். இதனால் இவர் மன்னரால் பரிசு பெற்று ”சங்கராபரண நரசய்யர்”  என்றும் அழைக்கப் பட்டார். ஒரு தடவை இவருக்கப் பண நெருக்கடி வந்த போது, இராமபத்திர மூப்பனார் என்ற பெருநிதி படைத்த சங்கீத ரசிகரிடம் பணம் கடனாகக் கேட்டார்.

மூப்பனார் கடன் பணத்திற்கு அடமானம் கேட்டார். சங்கராபரணம் எனும் இராகமான ஆபரணம் தான் தன்னிடம் அடமானம் வைக்க உள்ளது என்றாராம்.
”பணம் திருப்பிக் கொடுக்கும் வரை சங்கராபரணத்தை எங்கும் பாடுவதில்லை” யென்று கடன் பத்திரம் எழுதப் பட்டது.

சங்கராபரணம் அடமானமானது.

அப்போது கிழக்கிந்தியக் கம்பெனியாரிடம் உயர்ந்த உத்தியோகத்திலிருந்த வாலெஸ் அப்புராயர் என்பவர் கும்பகோணத்தில் ரெட்டியார் என்ற தன் நண்பர் வீட்டுத் திருமணத்திற்குச் சென்றார்.
2-3 நாட்கள் விசேடமாக நடக்கும் செல்வந்தர் வீட்டுத் திருமணமாதலால் பல வித்துவான்களிற்கும் அழைப்பு அனுப்பப் பட்டது.

சங்கராபரணம் நரசய்யரும் அழைக்கப்பட்டிருந்தார்.

வாலெஸ் அப்புராயர் நரசய்யருடைய சங்கராபரண இசையைக் கேட்க விரும்பிப் பாடும்படி கேட்டார். அதைப்பாட இயலாது என்றார் நரசய்யர். காரணம் கேட்ட போது, நரசய்யர் விவரத்தைக் கூறினாராம்.

வாலெஸ் அப்புராயர் கடன் பணத்தையும், அதன் வட்டியையும் இராமபத்திர மூப்பனாரிடம் சேரச் செய்தார். மூப்பனார் இத்தனை நாள் சங்கராபரணத்தைத் தடை செய்ததற்கீடான பணத்தை வாலெஸ் அப்புராயரிடம் கொடுத்து நரசய்யரிடம் சேர்க்கும் படி வேண்டினாராம் இராமாத்திர மூப்பனார்.

என்னிடம் பணமாகக் கேட்காது, கடனாகக் கேட்டதாலேயே அடமானப்பத்திரம் எழுதி வாங்கினேன் என்றாராம்
நரசய்யரின் நேர்மையை நல்ல குணத்தை மெச்சினாராம்.

அடுத்த நாள் திருமண மண்டபத்தில் விடுதலை பெற்ற சங்கராபரண இராக மழை  பொழிந்து அனைவரும் மெய் மறந்தனராம். அதோடு அப்புராயரின் ஆஸ்தான வித்தவானாக நரசய்யர் ஆக்கப் பட்டாராம்.

இது அந்தக் காலம். நேர்மை, நாணயம், மதிக்கப்பட்டது.

இன்று ஒரு வித்தகன் குறிப்பிட்ட வட்டத்துள் மட்டும் இருக்க வேண்டும். குறிப்பிட்ட மேடைகளில் தான் ஏறவேண்டும் குறித்தபடி சிஞ்சிஞ்சா போட வேண்டுமென எத்தனை கண்ணுக்குத்  தெரியாத பல நூல் வேலிகள்!

அங்கீகார எல்லைகள் தான் எத்தனை!

வித்தகனுக்குச் சுதந்திர நில எல்லையே அல்லாத இந்த நிலை! வித்தகமும் இன்று அடமானப் பொருளாகி விட்டதோ என்ற எண்ணத்தைத் தோற்றுவிக்கின்றது.
 

 

ஆக்கம் வேதா. இலங்காதிலகம்.
ஓகுஸ், டென்மார்க்.
2007.
(இது முன்னைய ஒரு அனுபவம் காரணமாக –  இலண்டன் தமிழ் வானொலி இலக்கிய நேரத்திற்காக எழுதப்பட்ட ஆக்கம் – 2007ல்.)

                                         

26. உண்மையில் மூத்தவர்களிற்கு…..

உண்மையில் மூத்தவர்களிற்கு…..

மரியாதை தரப்படுகிறதா!

 

”மரியாதையைக் கொடுத்து மரியாதையை எடுக்க வேண்டும்” என ஒரு ஆங்கிலப் பழமொழி உள்ளது.

மூத்தவர் ஒரு எடுத்துக் காட்டாளராக, பண்பாளராக இருக்க வேண்டும். அவர் வார்த்தையை அமிர்தமாக கடைப் பிடிக்கலாம் என்பது இன்றைய தலைமுறையினரின் நிலைப்பாடாக இருக்கிறது.

இன்றைய தலைமுறையினர்  மேற்குலக நடைமுறையில் தலை நிமிர்ந்து நடை போடுகின்றனர். இவர்களுக்குப் போலி நடையில்லை. பொய்யில்லை உள்ளதை உள்ளபடி பேசி நடக்கின்றனர்.

நாம் மதிப்பிற்குரியவர்களாக நடந்தால் ஏற்றுக் கொள்கின்றனர்.
மூத்தவரென்றாலும் பொய்யன், பித்தலாட்டக்காரன், சமூகவிரோதி, பிறரை ஆட்டிப் படைப்பவர்களை இன்றைய தலைமுறையினர் தூக்கி எறிவார்கள்.

” மூத்தோர் சொல்வார்த்தை அமிர்தம் ” என்பதை

” பண்பாளர் வார்த்தை அமிர்தம்”

”பண்பாளராக வாழ்தல் அமிர்தம்” என்று மாற்றி நோக்கலாம் என்பது இங்கு சிறப்பாகிறது.

சுயநலம் நிறைந்து, தலைமைத்துவத்திற்காக, கதாநாயக வணக்கத்திற்காக நல்லனவற்றை மிதிக்கும் பலர் பெரியவர்களாக இருக்கும் போது மதிப்புக் கிடைப்பது மிகச் சிரமம்.

நாம் சரியாக நடந்து கொண்டால் மதிப்பைத் தானாக நாம் பெறுகிறோம். நமது பண்பிற்குப் பிறர் என்றும் தலை வணங்குவார்கள்.
மூத்தவர்கள் மூத்தவர்களாகச் சரியாக நடக்க வேண்டும்.

இன்று வயது அல்ல பிரச்சனை. பெரியவர்கள் சரியாக நடந்தால் இளையவர்கள் மதிப்புக் கொடுப்பார்கள் என்பது எனது கருத்து.

இன்னொரு வகையில் கூறினால் ஆத்துமாவிற்கு வயது இல்லை. மனித உடலிற்குத் தான் வயது. மனிதத் தன்மை – மனித நேயமே இங்கு சிறப்பாக மதிக்கப் படுகிறது.

 

ஆக்கம் வேதா. இலங்காதிலகம்.
ஓகுஸ், டென்மாhர்க்.
15-10-2004.
(இலண்டன் ரைம் வானொலிக்காக அனுபவக் குறிப்பாக எழுதி வாசிக்கப்பட்டது.)

 

                                       

25. மனம் போல வாழ்வு.

 

மனம் போல வாழ்வு.

 

” எண்ணம் போல் வாழ்வு”

” மனம் போல் வாழ்வு ”

என மொழி வழக்குகள் கூறவார்கள். ஆச்சிமார், பாட்டிமார் கூறக் கேட்டுள்ளேன். ஒரு வகையில் இதுவும் சரி தானோ என்று கேள்வி எழுப்புவது கூடாது. மிக மிகச் சரியான கூற்று இது.

மனதில் எந்த நேரமும் துன்ப நினைவில் மூழ்கும் ஒருவர், பிரச்சனையைப் பிசையும் ஒருவர், பேசும் வார்த்தையிலும், அவர் குரலிலும் பிரச்சனை, துன்ப வாடையே வீசும். அவரது மகிழ்வுக் குரல் கூட அழுகுரலாகப் பிரதிபலிக்கும். அவர் பார்வையில் சோகம் வழியும்.

மனிதனைச் சுற்றிச் சக்தி வட்டம், ஒரு ஒளி வட்டம் இருக்கு மென்பார்கள். இதன்படி சோகமானவர், பிரச்சனையாளர் தன் நினைவு அலைப் பிரதிபலிப்பைப் பிறருக்கும் அனுப்புகிறார்.  இதை அவர் நினைத்துப் பார்ப்பதே இல்லையோ என்று எண்ணத் தோன்றுகிறது.

உதாரணமாக –   காலையில் முதன் முதலாக ஒருவரைக் காணும் போது அவர் மலர்ந்த முகமாக இருந்தால் நாமும் மகிழ்கிறோம். அவர் உம்மென்று முகத்தைத் தூக்கிக் கொண்டு போனால் பார்க்கும் எமக்கும் ஏதோ போன்று இருக்குமல்லவா!

பிறரின் மகிழ்வலை தீவிர சக்தியுடைய அதிர்வுகள் கொண்டிருந்தால், எதிரே இருப்பவரின் சோகம் கரைந்து போய், மனநிலை மாற்றமடைந்து வேறு பரிணாமம் அடைகிறது.

கண்ணிரும் சிரிப்பும், பிரச்சனையும் நாமே நமக்கு உருவாக்குவது தான்.

இந்தத் துன்பங்களிற்கு நாமே துன்பம் உண்டாக்கி விரட்ட வேண்டும் அல்லவா?

எமது மனம் பிரச்சனையை  உள் வாங்கும் தன்மைப் படியே வெளியே பிரதிபலிக்கின்றது. சோகத்தில் நீந்துபவனுக்குச் சோகம் ஒரு பொருட்டல்ல. அதனுள்ளே ஊறி ஊறி அதுவாகவே அவன் ஆகிறான்.

இதை விட்டு மகிழ்வுலகிற்கு வந்து பாருங்கள்! மகிழ்வால் உடலில் அதிக சக்தி பெருகுகிறது. 300 தசைகள் இயக்கமடைகிறதால் அதிக நன்மை பெருகுகிறது. கண்ணிரால் உடலில் அதிக சக்தி விரயமாகிறது என்பவை விஞ்ஞான உண்மை.

உங்கள் சோகத்தை வெளியே விசிறி பிறருக்கும் தொற்ற வைத்துச் சூழலையே சோக மயமாக ஆக்குவதை நீங்கள் உணருங்கள்.  இப்படி ஆக்குவதிலும் பார்க்க

பிறரது மகிழ்வில் கலந்து நீங்களும் மகிழ்வேந்துபவராக ஆகுங்களேன்!…….இங்கு சிறிது உற்சாகமும், மாற்றுச் சிந்தனை ஓட்டமுமே தேவைப் படுகிறது….. இதை உங்கள் கைப்பையில் எடுத்துக் கொள்கிறீர்களா?…..

துன்பமில்லாதவன் உலகில் இல்லை. ஆயினும் அதைத் தீர்க்க வழியைக் கண்டு, வெளியே வருகிறீர்களா?  கொஞ்சம் அமைதியாக மகிழ்வாக இருப்போம்!…அனுபவிக்க உலகில் எவ்வளவோ இருக்கிறது கண்ணீரைத் தவிர!…

எந்த நேரமும் கண் கலங்கிப் புலம்பி…….சிச்சிச்சீ!…

இந்தாங்கோ!….கைக்குட்டை!……துடையுங்கோ!….

பிள்ளைகளுக்குமெல்லே…தொத்தப் போகிறது!………

உன் பங்கைத் தரமாய் எடு
என்பதில் உறுதிப்படு!
இன்பத்தைப் பண்பாயத் தொடு!
துன்பத்திற்குத் துன்பங் கொடு!

 

ஆக்கம் வேதா. இலங்காதிலகம்.
ஓகுஸ், டென்மார்க்.
30-7-2006.

(யேர்மனி இந்து மகேஷ்ன் – பூவரசு சஞ்சிகைக்காக ”துன்பத்திற்குத் துன்பம் உண்டாக்கி” –  என்ற தலைப்பில் எழுதியது.)

 

 

                                

 

 

 

 

 

 

 

 

 

 

 

 

24. நிர்வாணம்

 

நிர்வாணம்.

(இலண்டன் தமிழ் வானொலி புதன் இலக்கிய நேரத்திற்காக எழுதி  வாசிக்கப் பட்டது. 11-10-2005ல்)

வாழ்க்கையெனும் மனித நந்தவனத்தில் அன்பு, பாசம், நேசம் என்பவை இதமான தென்றல் போன்றது. மயிலிறகு கொண்டு மனதை வருடி மயங்க வைக்கும் இனிய உணர்வைத் தருகிறது. அன்பு இப்படியானால்…

கோபம் பிரளயமானது, துன்பமானது, வேதனை தருவது.
கோபம் ஒரு செய்தி.
கோபமடையும் போது சொல்வதைக் கேட்கின்றனர். கோபம் உலகத்தின் பெறுமதியையும் அனுபவத்தையும் எடுத்துக் கூறுகிறது. ஆனால் கடும் கோபம் என்ற உணர்வு மிகவும் ஆபத்தானது.

சாதாரண கோபத்தினால் உருவாகும் எரிச்சல் பரவும் தன்மையது. அழிக்கும் திறனுடையது. கோபமடையும் போது மனிதர் தம்முடனான தொடர்பை இழக்கின்றனர். தம்மை மறக்கின்றனர். சூழ்நிலையையும் மறக்கின்றனர். கோபம் கொண்ட மனிதரையும் மறக்கின்றனர்.
அன்பு, நேசம், காதல் மட்டும் உணர்வு பூர்வமான இணைப்பை உலகில் தருவதன்று.
கோபமும் ஒரு தொடர்பு வழி ஆர்வமே. கோபமும் மனிதரை ஒருவருடன் ஒருவரை இணைக்கிறது.

ஒரு குறிக்கோள் கொண்டு தான் கோபம் உருவாகிறது.
நமக்குத் தெரிகிறது, ஏன் எவர் மீது  கோபமடைகிறோம் என்று.
ஒருவருடன் நமக்குக் கோபம் வருவதில்லையானால், அவரது இன்ப துன்பங்களில் பங்கு போட நாம் விரும்பவில்லையெனலாம், அல்லது  அவைகளில் பங்கு பெறும் அக்கறை நமக்கு இல்லை யென்றாகிறது.

மகிழ்ச்சி, அன்பு, ஆதரவு, தேறுதல், புகழ் என்பவையுடன் மட்டுமே நாம் வளர்க்கப் பட்டிருந்தால், நாம் நிதானமற்றவராக, இரக்கமற்றவராக இருப்போம்.
ஒரு எண்ணத்தை பிறர் ஏற்றுக் கொள்ளும் மனநிலையைக் கொண்டு வரவைக்கும் முயற்சி கோபமாகிறது.
மனக் கட்டுப் பாடுடைய கோபம் நீண்ட நேரம் நிலைப்பதில்லை.

கோபம் நம்மைக் காட்டிக் கொடுக்கிறது. நமது எல்லையை அடையாளம் காட்டுகிறது. மாற்றத்தைக் கொண்டு வருகிறது.
இவ்வுணர்வை நாம் காட்டாவிடில், திருப்தியின்றி, மனக் கசப்புடன் நாம் நிற்போம். இது மிகச் சிரமமானது. 

 கோபத்தை வெளிப் படுத்த வேண்டும்.
அது கசப்புணர்வாகி,உடலில் முடிச்சுகளாகிப், பெரிதாக வெடித்து கரடு முரடாக முதல், அதை வெளிப் படுத்துதல் ஆறுதலாகிறது.

ஒரு வகையில் கோபமும், காமமும் சமமானது.

மனிதரை அது நிர்வாணமாக்குகிறது.

கோபம் கொள்ளல் மகிழ்வுத்
தீபம் அழிக்கும், பிறர்
சாபம் நிறைத்து- மன
சாந்தி அளிக்கும்.

 

ஆக்கம் வேதா. இலங்காதிலகம்.
ஓகுஸ், டென்மார்க்.
10-10-2005.

  

 

                                       

23. இது இரண்டாவது விருது. ( Liebster Blog).

    

இது  இரண்டாவது விருது.

 

ஒன்றும் புரியவில்லை!  யார் யாருக்கு விருது கொடுப்பது?

மகிழ்ச்சியா! மகிழ முடியவில்லை.

சங்கடமா! ஆம்!

சிறு பிள்ளைகள் விளையாட்டுப் போல இணையத் தளத்தில் விருது வழங்கல் நடக்கிறது.
அது எனக்கும் தரப்பட்டுள்ளது. நானும் யாருக்காவது கொடுக்க வேண்டுமாம்.

இது மிகச் சங்கடமானது. (இது இந்த இரண்டாவது விருது உணர்வு.

முதலாவதாக  முனைவர் இரா. குணசீலன் அவர்கள் தந்த சிந்னைச் சிற்பி விருது.  அதில் மிக மகிழ்வடைந்தேன். (2012.feb)

இது முதலாவது விருது.

சகோதரர் மதுமதியின் விருதுப் பட்டியலில் திரு. வே.நடனசபாபதி இடம் பெற்றார். இவர்

”..விருதின் விதிகளின் படி, நான் விருது தரும் அந்த மூன்று
வலைப்பதிவாளர்கள்.

1.    நாம் பேச நினைப்பதையெல்லாம் தான் பேசி, தினம்
பல்சுவை விருந்து படைக்கும் திரு சென்னை பித்தன்
அவர்கள்.

2.   நாட்டு நடப்பை சமூக கண்ணோட்டத்தோடு தரும்
திரு க.வாசுதேவன் அவர்கள்.

3.   தினம் எளிய நடையில் கவிதையையும், புதிய
தகவல்களையும் தரும் திருமதி வேதா.இலங்காதிலகம்
அவர்கள்.

விருது பெற்றவர்களுக்கு எனது வாழ்த்துக்கள்!…”

லிப்ஸ்ரர் அல்லது லைப்ஸ்ரர் நாட்டுக்கு நாடு உச்சரிப்பு அவர்களது மொழிகளின் படி வேறுபடுகிறது. (Liebster  )என்றால்  –

அதற்கு ஜெர்மன் மொழியில்
பிரியமான அல்லது விருப்பமான எனப் பொருளாம்.

சகோதரர் மதுமதியின் வலையிலும்,  
http://writermadhumathi.blogspot.com/2012/02/blog-post.html

திரு.வே. நடனசபாபதியின் வலையிலும் http://puthur-vns.blogspot.com/விவரங்களை அறிய முடியும்.
இணைப்புகள் தந்துள்ளேன்.

எனது தெரிவாக 3 பேர்கள்….அவர்கள்..

1.திருமதி. மனோ. சாமிநாதன் :- (முத்துச் சிதறல் – http://www.muthusidharal.blogspot.com/)கலைகளும் சிந்தனையுமாய் பல்சுவை முத்துகள் படைக்கும் இவர் என்னைக் கவர்ந்தவர்.

2.மாலதி. :- (மாலதியின் சிந்தனைகள் – http://thmalathi.blogspot.com/)
மிக எளிமையான ஆக்கங்கள் படைத்து என்னைக் கவர்ந்தவர்.

3. சகோதரி கோமதி அரசு.:-  (திருமதி பக்கங்கள்
உனக்கும் நல்லதாய் , ஊருக்கும் நல்லதாய் நினைப்பதும்,செய்வதும் நித்தியகடன் – http://mathysblog.blogspot.com/)   இவரது  திருக்கைலாய யாத்திரை விவரணம் என்னைக் கவர்ந்தது.

இனி இவர்கள் தங்கள் தெரிவில் 5 பேரோ, 3 பேருக்கு இதைக் கொடுக்கலாமாம்.

இவர்கள் மேலும் சிறப்படைந்து  திறமையில் புகழில் உயர என் மனமார்ந்த வாழ்த்துகள்.

விருது தந்தமைக்காக சகோதரர் திரு.வே. நடன சபாபதிக்கு மீண்டும் நன்றியைக் கூறுகிறேன். தங்களிடமிருந்து விருது பெற்றமைக்கு மகிழ்வடைகிறேன். 

 வளர்க!, வாழிய! நீடு

 

                                                                                

 

 

 

 

 

 

Previous Older Entries Next Newer Entries