37. துஷ்யந்தன் கணேசமூர்த்திக்கு 40ம் அகவை வாழ்த்து.

arun vama

துஷ்யந்தன் கணேசமூர்த்திக்கு 40ம் அகவை வாழ்த்து.
பிறந்தநாள்: 25-5-1974.

துயர் துடைக்கும் நேசன்!
துணை நிற்கும் பாசமகன்!
துஷ்யந்தனின் 40ம் பிறந்தநாள்.
துடிப்புடன் நல்லதைப் பாராட்ட
தூரமாகச் செல்லான். அன்போடு
துணிந்து முன் வருவான்.
பிறரிற்கு இணக்கமாகக் கொண்டாடி
பிரியமாய் அணைக்கும் அன்பன்.

பிறரின் பாத்திரம் தானாகி
பேசியே நகைச்சுவை ஆக்குவான்.
பிறரால் பணிகள் நிறைவேற்ற
குறையின்றி அவர்களைக் கையாளுவான்.
புதுப்புனலான சிந்தனையூற்றாளன்
பொது – புதுவழிகளில் அதை
சாதுரியமாகக் கையாளும் நற்சாரதி
கோபம் கொள்ளாக் குணவாளன்.

ஓகுஸ் தமிழரொன்றியம் உருவாக்கி
ஓற்றுமையான நண்பர்கள் இணைவால்
ஓங்கியது பொதுச்சேவை முன்னணியில்.
ஓருங்கிணைப்பதுன் பலமே! யுக்தியே!
உருளுது காலம் உலகிற்காய்
விரும்பு! உனக்காக! குடும்பத்திற்காக!
வாழ்! குடும்பவாழ்வு இனிதாகட்டும்!
எல்லோராலும் தேடப்படும் இனியவனே!
இனிய பிறந்தநாள் வாழ்த்துகள்!

வாழ்த்துவோர்
ஓகுஸ் தமிழரொன்றியம்.
25-5-2014

(written by Vetha.Elangathilakam.)

1604872_673214336032288_194540304_n

35. Archana-Vinoth திருமண வாழ்த்து

12 x 18 copy

திருமண வாழ்த்து

மணமகன்: மணமகள்:
திருநிறைச் செல்வன் திருநிறைச் செல்வி
வினோத் அவர்கட்கும் அர்ச்சனா அவர்கட்கும்

சிட்டுக் குருவிகளாய்க் குழந்தையிலிருந்து இன்றுடன்
நட்பு வட்டத்துள் தாரகைகளாய்; ஐவர்
ஒட்டியுறவாடித் நல்ல திறமைகள் காட்டினார்.
கெட்டித்தனமாய் ஆடல், பாடல், படிப்பிலும்
சுட்டித்தனத்தால் ஊக்கமாய் விளையாட்டுப் போட்டிகளையும்
தொட்டு எல்லா மேடைகளிலுமேறி மின்னினார்கள்!

அர்ப்பணமாக்கிய ஐவர் அன்பும் வியப்புடன்
கர்வமாய்க் கங்கையாயோடிக் கவனம் கவர்ந்தது.
வேர் கொண்ட கலாச்சாரச் சம்பவம்.
சர்க்கரையாய் இனித்து இன்று நிகழ்வது
சொர்க்கத்தில் நிச்சயித்த அதிஷ்டப் பிணைப்பு
அர்ச்சனா – விநோத் விவாகக் கொண்டாட்டம்.

ஐந்து நட்சத்திர நங்கைகளில் ஒருத்திக்கு
வந்த மாங்கல்ய இன்பம் நலமாகட்டும்!
பந்தமாம் கல்யாணத்தோடு நட்பு வளையமும்
சொந்தம் கொண்டாடட்டும் என்றும்! மணமக்கள்
சந்ததி பெருக்கி தம்பதிகள் சீரோடு
சந்தணமாய் மணக்க வாழ்க பல்லாண்டு!

தோழிகள்:
நேற்றுவரை நாம் ஒன்றாய் கலந்தோம்!
இன்றிலிருந்து வாழ்க்கைத் துணையோடு இணைகிறாய்
ஓன்றாய்ப் பழகிய நட்பு மறக்கவியலாதது.
பிரிவால் மனம் வருந்தினும் நட்புச்
சங்கிலி இறுகட்டும்! உன் ஒளிமயமான
எதிர்காலம் சிறப்புடன் ஓளிர வாழ்த்துகள்

வாழ்த்துவோர் – அன்புத் தோழிகள்.
Written by Vetha.Elangathilakam.
Demark.

P1070466

images 2356

35. பிறந்தநாள் வாழ்த்து.

383414_321118664626114_100001839485166_774790_2054111666_n-z

ரி.ஆர்.ரி பிறந்தநாள் வாழ்த்து.

முதுபெரும் ரி.ஆர்.ரி ஒலிபரப்பு
புது 17ம்வருடக் கால் வைப்பு.
பொதுவாக உன்னை வாழ்த்தும் பூரிப்பு
இது எனக்கொரு நல்ல வாய்ப்பு!

சகோதரன் இராஜேந்திரம் டென்மார்க் நேரம்
சுயேந்திரன் வணக்கம் தமிழ் அலை நேரம்
ஐரோப்பியவலம் டென்மார்க் தகவல் நேரம்
பொதுக் கருத்தான நேயர் கடித நேரம்

இதுவாக என்னேறு படிகளாகிக் கவிதையுள்
மெதுவாக என்னை இழுத்துத் தமிழுள்
மதுவாகிப் போதையூட்டிய தமி;ழொலி பரப்பு
பொது சேவையிலும் முன்னேறியது பொறுப்பு.

மருவிய தமிழ்க் களமிது நற்சேவை
அரும் தளமிது என்னுயர்வுனக்கு உரிமை!
பெருமை சேர்த்த சாளரம் வியூகன்
உரிமையாய் இன்னும் எண்ணற்ற பலர்

தர்சன், மோகன், பிலிப்தேவா, ராஜா
தோழர் ரதியெனப் பலர் தூண்களாய்த்
தாங்கிய அறிவிப்பாளர், சேவையாளர் நேயர்களிற்கு
பொங்கும் மங்கல வாழ்த்துகள் ரி.ஆர்.ரி வாழ்க! வளர்க!

பா ஆக்கம். வேதா. இலங்காதிலகம்.
ஓகுஸ், டென்மார்க்.
14-1-2014

chainborder

34. திருமண வாழ்த்து.

75526_682090118468040_23422310_n

பெறா மக்கள், மருமக்கள் திருமண வாழ்த்து.

அப்பப்பா அம்மப்பா திரு தர்மலிங்கம்
அம்மம்மா அப்பம்மா திருமதி திலகவதியினரின்
அருமைப் புதல்வி சுகிர்தா(ஆசை) திரு வித்தியானந்தனை
திருமணம் இணைக்கிறது 19.10.2013 ஓகுஸ் நகரில்.

கண்ணிற்கு மையிட்டு அமுதூட்டிப் பஞ்சணைக்
கட்டிலில் எம்மைக் கொஞ்சிக் குலாவி
கிளியாக எங்களை வளாத்தார் ஆசையம்மா
கிங்கிணியாய் நெஞ்சில் நிறையும் ஆசையத்தை சுகிர்தா.

நோயிலே மனம் வாடி மார்பிலும் தோளிலும்
தாயாகத் தாங்கியெம்மை இரவு பகலேந்தி
வாயாரப் பாடி, விளையாட்டுக் காட்டி
வாரிவாரி அன்பை இறைத்துப் பார்த்தீர்கள்!

சேர்ந்து சிரித்தோம், சோர்ந்திடாது நாளும்
பார்த்துப் பார்த்தெமைப் பாசமாக உருவாக்கினீர்கள்!
கோர்த்த இவ்வுறவு எம் பிறவி யோகம்!
பார்த்திடுங்கள் திருமணத்துணையே! ”ஆசையை” பக்குவமாக.

உன் பிறக்காத மழலைகள் எங்களையணைத்து
அன்புச் சிறகால் ஆதரவோடு விரல் பிடித்து
நீராட்டி வாசைன பூசி கரிசனையாய்
ஆராட்டியமைக்கு ”ஆசையே!” எமது நன்றி.

இழைந்தோடும் திருமண வாழ்வு சிறக்க
மழையாகப் பொழிகிறோம் எம் ஆசை வாழ்த்துகள்!
தழைத்தோங்கி அன்புடன் இன்பமாய் வாழ
அழைக்கிறோம் எங்கள் ”ஆசைக்கு” இறையாசி பெருக!

வானம் பூமி வாழ்த்த நீவிர் நீடூழி வாழ்க!
வாழ்க பல்லாண்டு!

வாழ்த்துவோர் உங்கள் பெறா மக்கள்,
மருமக்கள்.
ஓகுஸ், டென்மார்க்.

33. திருமண வாழ்த்து.

திருமண வாழ்த்து.

 

” அறனெனப்பட்டதே இல்வாழ்க்கை அஃதும்  

பிறன் பழிப்பதில்லாயின் நன்று ”  (திருக்குறள்)

 

 

காதல் வானில் தூதாகிய தாரகைகளின்

காதல் தூது திருமணக் கூட்டிற்குள் சரணம்.

மோதலின்றிச் சாதல் வரை கூடல் இனிக்கூடல்!

ஈதல் எடுத்தலேயினி வாலிபக் கடைசித் துளிவரை.

காதல் வாழ்க ஆடல் பாடலுடன் நோதலின்றி.

 

சுனையென ஆசைகள்  இணைந்து முளைத்தது.

நனைந்த இதயங்கள் காதலாகிக் கனிந்தது.

முனைவர் விடுதலை மயிலாடுதுறை இளைஞனுக்கும்

முனைவர் உமாதேவி கோயம்புத்தார் மங்கைக்கும்

வினையாகிய காதல் திருமணக் கிரீடம் சூட்டுகிறது.

 

இனப்பற்றாளன் இனிய பண்பாளன் விடுதலை

தினம் பிறருக்கு உதவுவதில் பிரியமானவன்.

மனம் பெரியாரியலில் மூழ்கி நீந்துகிறான்.

தனம் இவன் ஈழத்தமிழரோடு இணைந்தவன்.

இனசனத்துடன்; 18-1-2013ல் திருமணம் கொள்கிறான்.

 

எங்களால் மறக்கவியலாத அன்புத் தோழனின்

மணநாளிது மனதார வாழ்த்துகிறோம் வாழ்க!

மங்கை உமாதேவியுடன் பதினாறும் பெறுக!

மங்கலமென்பது கணவனும் மனைவியும் இணைந்து

திங்கள் போல் ஒளிவீச உயர்ந்து வாழ்தலே!

 

 

வாழ்க! பல்லாண்டு வாழியவே!

ஓகுஸ் வாழ் தமிழ் மக்கள் டென்மார்க்.

9-1-2013

 

 

 

 

Invitation

P1040590

 

இந்தியாவில் நடந்த திருமணத்தில் வாசித்து கொடுக்கப்பட்டது.

16.3.2013ல் ஓர வரவேற்பில் மறுபடி என்னால் வாசிக்கப்பட்டது.

 

பா ஆக்கம் பா வானதி வேதா. இலங்காதிலகம்.

ஓகுஸ், டென்மார்க்.

16-3-2013.

32. மரபுப் பாமணி கிரிகாசனுக்கு வாழ்த்து.

823386_511467628892010_1829287175_o

மரபுப் பாமணி கிரிகாசனுக்கு வாழ்த்து.

 

 

பரிசுகள், பதக்கங்கள், சான்றிதழ்கள்

அரிசு அல்ல, அரிய ஏற்பு.

உரித்து உனக்குன் உரவு தமிழால்.

வரித்திடட்டும் உன் மாதிரியைப் பலர்.

 

 

கரித்திடும் வரிகள் எழுதுவோரும் சிறிது

கரிசனையாயுன் வரிகள் வாசிக்கட்டும்.

தரிப்புடன் தவறாது தம்மை மாற்றட்டும்.

விரிக்கட்டும் நற் தமிழ் – சிறகுகளை.

 

 

உன் கவிதைத் தொகுப்புகள் கவர்ந்தது

என்னை.  என் வலையில் உள்ள

வாழ்வியற் குறட்டாழிசை, வே. ஆத்திசூடி

வேதாவின் மொழிகளென தொகுக்க ஆசை.

 

 

தூண்டுதல் ஆகிறது பிறரிற்கு எழுத்துலகில்

தூவப்படுகையில் இவைகள். முயற்சியுள்ளம்

தூருதல் ஆவதில்லை வாழ்வில் என்றும்.

தூவுகிறேனின்ப வாழ்த்து கவிஞர் கிரிகாசனிற்கு.

 

 

பார்க்கின்சன் நோயில் அவதியுறும் இவர்

கோர்க்கின்ற தமிழ் வரிகள் பிறர்

பார்க்கின்ற வகையில் அமைந்தது சிறப்பு.

வார்க்கட்டும் இறையருள் இவர் நலத்திற்காய்.

 

 

பா ஆக்கம் வேதா. இலங்காதிலகம்.

ஓகுஸ், டென்மார்க்.

21-2-2013.

 

 

(அரிசு –வேம்பு./  உரவு – வலிமை. /தூருதல்- அடைபடுதல்.

தரிப்பு – பொறுமை. / கரித்தல் – எரித்தல், உறுத்தல், வெறுத்தல்)

 

 

இவரின் ஐந்து தொகுப்புகள் இருக்கும் இணைப்புஇதோ….http://www.tamilvimbam.com/kalki2.html

 

 

baloonz

 

 

31. பா மாலிகை (வாழ்த்துப்பா, ) திலகவதி வைரவிழா.

அறுபது அகவை நிறைவு.
நறுமண ஆறு தசாப்தம்.
உறுதுணையாக ஐந்து பிள்ளைகள்.
இறுமாப்புடன் ஒன்பது பேரப்பிள்ளைகள்.
திலகவதி தர்மலிங்கத்தின் நாளிது.
அலங்கரிக்கிறார் சுமங்கலியாயின்று.
இலட்சணங்கள் பல நிறைந்தவர்.
இறைபக்தி துதிப் பாடலில் சிறந்தவர்.

12 x 18 - B copy

 

இன்னுமொரு வாழ்த்து.

 

 

திலகவதி வைரவிழா.

 

 

 

புங்கை நகரிலுதித்த பாசமான

புதல்வி செல்லமாய் ” மணி.”

வைரமுத்து நாகம்மாவின் மகளுக்கு

வைரவிழா! திலகவதி தர்மலிங்கத்திற்கு!

ஒன்பது உடன் பிறப்புகளுடன்

ஒளிர்ந்த நான்காவது பெண்ணாவார்.

ஒருங்கிணைந்து உறவாடும் அன்பானவர்.

ஓடியாடி உதவும் முயற்சியாளர்.

 

 

பண்ணோடு பதிகம் பாடி

பதக்கம் பெற்றார் சைவத் தமிழ்

பேரவையால். கூட்டுப் பிரார்த்தனையில்

பங்கெடுக்கும் பேரார்வப் பக்தை.

ஐந்து பிள்ளைகளிற்குத் தாய்.

ஓன்பது பேரப் பிள்ளைகளின் பாட்டி.

திருவாளர் தர்மலிங்கத்தின் துணைவி.

எங்களின் விளையாட்டுத் தோழி.

 

 

தோட்டக் கலையில் வல்லவர்.

நாடடுவார் பூக்கன்றுகளும். கரம்

பட்டிடாத நிலமுமில்லை. சமையலில்

கெட்டிக்காரி. பலரையும் சமாளிப்பார்.

அம்மா! சிரிக்க வைத்துச் சிரிப்பார்.

சும்மா விருக்காத சுறுசுறுப்பாளர்.

இன்பதுன்பங்களில் பங்கெடுக்கும் திலகமக்காவிற்கு

அறுபதாவது பிறந்தநாள் வாழ்த்து.

வாழிய பல்லாண்டு!…

 

 

பா ஆக்கம் வேதா. இலங்காதிலகம்.
ஓகுஸ், டென்மார்க்.
11-2-2013.

 

 

 

humming-bird

30. 50வது ஆச்சரிய வாழ்த்து.

நரேந்திரன் நடராஜா ஒரு
நல்ல நண்பரெம் அயலவர்.
நகைத்திட இவர் வியப்படைய
நாமும் ஒத்துளைத்தோம் இன்று.
ஐம்பது அகவை தொடும்
ஐக்கியமான நண்பருக்கின்று
ஐயுறவு படாத விருந்து.
ஐசுவரியங்கள் பெருக வாழட்டும்!
அமுத வாழ்வில் புவியில்
குமுதினியுடன் இணைந்து இல்லறத்தில்
குத்துவிளக்காய் ஒளிருகிறார் நால்வர்.
குழந்தைகளாய் வளர்ந்த ஆண்கள்.
”சுர்” என்று கோபமடைவார்
”சர்”என்று இறக்கிடுவார்.
பாசக்காரப்பயல் நாம்
பாசமுடன் மகிழ்கிறோம் அயலவரென்று.
மகிழ்வுடன் இனிய பிறந்தநாள் வாழ்த்து.

 

 

க.இலங்காதிலகம் (Vetha) – திலீபன்- லாவண்யா குடும்பம்

 

 

 

 

 

 

29. துர்க்காவிற்கு வாழ்த்து.

துர்க்காவிற்கு வாழ்த்து.

வாழ்த்து! மனசார வாழ்த்தல்
வீழ்த்திவிடாது யாரையும்.
வாழ்ந்த மனது நல்லதிற்கு
வாழ்த்த எண்ணல் இயற்கை.
வாழ்த்தவொரு மனம் வேண்டும்!
ஆழ்ந்த புரிந்துணர்வு அங்கீகரிக்கும்!.
தாழ்ந்த புரிந்துணர்வு நிராகரிக்கும்!.
வாழத்தை மதிப்புடையோர் மதிப்பர்.

இது என் கணவரின் மூத்த தங்கையின் பேத்தியின் குரலிசை அரங்கேற்ற வாழ்த்து.

ஆக்கம் வேதா. இலங்காதிலகம்.
ஓகுஸ், டென்மார்க்.
27-7-2012.

http://youtu.be/jpRfl_puGX0          (Thurka’s      song)

 

                                     

28. டென்மார்க் மேகவியின் அரங்கேற்றம்.

டென்மார்க் நித்திய சதங்கை நர்த்தனாலயா ஆசிரியை பரதக் கலைமணி ஸ்ரீமதி யாழினி பா. பாலேந்திரன் அவர்களின் மாணவி.. செல்வி மேகவி பத்மசேகரன் அவர்களின் பரதநாட்டிய அரங்கேற்றம்.

 

இடம் : Holstebro Musikteater

காலம் : 31.03.2012

நேரம் : 16.00

ஆசிரியை யாழினிக்கும், மாணவிக்கும் மனம் நிறைந்த வாழ்த்துகள்.

ஆக்கம். வேதா. இலங்காதிலகம்.
ஓகுஸ், டென்மார்க்.
31-3-2012.

Alaikal news :-    http://www.alaikal.com/news/?p=101415

மேகவியின் நடன அரங்கேற்றம்.

பரதத்தை மேகவி பத்மசேகரன்
விரதம் போலப் பழகியுள்ளாள்.
இரதம் அலங்கரித்ததாய் இறைவன்
வரதமுடன் நடனம் அரங்கேற்றுகிறாள்
நித்ய சதங்கை நர்த்தனாலயா
நியமித்த திகதி 31-3-2012ல்.
கண்ணாலும் பேசும் பரதம்.
எண்ணங்கள் உணர்வு பொதிந்து
எண்ணப் பரிமாற்றம் செய்யும்.
வண்ணக் கதைகளும் கூறும்.
கதைகூறி சாமியாடி, சடங்கு
கொண்டாட்டத்தில் வெளியானது நடனம்.
சிந்து வெளி நாகரீக காலம் தொட்டு
பந்தி விரித்து முன்னேறியது.
கண்ணிறைந்த உயிருடை அசைவுடைத்து.
பின்னுகிறாரின்று உடற்பயிற்சி, நீச்சலுமாக.
பார்வையாளரிற்கு நிகழ்த்திக் காட்டும்
நேர்த்தியான கலைநுணுக்கம் பரதம்.
ஆர்வமுடன் இசை, தாளத்தோடு
ஈர்க்கின்றவொரு தொடர்பு முறையானது.
செல்வி- பத்மசேகரன் புதல்வி
மேகலையுயர்ந்து நடன தாரகையாகட்டும்!
வாழ்க! வளர்க! சுரதமுடை(இனிமையான)
மேகவியின் அரங்கப் பிரவேசம்.

வாழ்த்துவோர்.- திரு. திருமதி இலங்காதிலகம், வேதா. குடும்பத்தினர்.
ஓகுஸ், டென்மார்க். 31-3-2012.

In Alaikal .com  Web site:- http://www.alaikal.com/news/?p=101557

 

                               

Previous Older Entries Next Newer Entries