20. நிலைத்துள்ளாய்

images

நிலைத்துள்ளாய்

கருவூட்டி மெருகூட்டி
கருத்தூட்டி வலுவூட்டி
அமுதூட்டும் கவிகள்
வாழ்வோட்டத் தந்தவனே!

நாளோட்டம் நீண்டாலும்
மேலோட்டமா யின்றி
நினைவூட்டத் தோணியிலே
நிலைத்து வாழ்பவனே! வென்றாய்!

பா ஆக்கம் வேதா. இலங்காதிலகம்.
டென்மார்க்.
24.6-2014

16161859-vector-set-of-vintage-calligraphic-ornaments

19. கலாயோகி, கவியோகி ரவீந்திரநாத் தாகூர்.

Tagore3

கலாயோகி, கவியோகி ரவீந்திரநாத் தாகூர்.

செல்வப் பாரம்பரிய இந்துக் குடும்பத்தில்
கல்கத்தா ஜோராசங்கர் மாளிகையில் பிராலிப்பிராமணர்
பலதுறை ஆளுமையர், வங்காள இலக்கியர்
வல்லவர் குருதேவ் ஒன்பதாவது மகனாகினார்.
வைகாசி ஏழில் 1861ல் இவரைக்
கைகளிலேந்தினர் தேவேந்திரநாத் சாரதாதேவி தம்பதியர்.
வையகம் போற்றும் காவியக் கவியோகிக்கு
கைத்தது பாரம்பரியக் கல்விமுறை, சட்ட திட்டம்.

கல்விச்சாலை செல்லாது சமஸ்கிருதம், இஸ்லாத்தின்
நல் பாரசீக இலக்கியங்கள், மரபுச்
செல்வர் கவி காளிதாசர் கவிகளிலுமாழ்ந்தார்.
வல்லமையோடு எட்டு வயதில் கவியடியடியெடுத்தார்.
கல்வெட்டாய் முதற் கவித்தொகுப்பு 17 வயதில்.
சொல் வளமுடை கவிதைகள் ஆயிரத்திற்கு மேலாக.
காவியக் கம்பர், வியாசரிற்கடுத்து ஏராளமாகத்
தூவினாராம் அறுபது ஆண்டகளென்பது கணிப்பு.

பரம்பரை இந்தியக் கலாச்சாரக் கருத்துடன்
தரமான மேற்கத்திய முற்போக்குக் கருத்துகளும்
வரம்பின்றி விளையாடியது தாகூர் வரிகளில்
வித்தகர் வங்காள இலக்கிய நாயகர்
பத்து வயது மிருனாலிதேவி ராய்சௌத்திரியை
பத்தினியாக்கினார் 1883ல். புத்திரிகள் மூவர்
புத்திரர்கள் இருவர் பிறந்த போதும்
முத்தான இருவர் இளமைக்கு முன்னிறையடியேகினர்.

கெட்டித்தனமான கல்வியாளர், நூலாசிரியர், கவிஞர்
நாட்டிய நாடகங்கள், சிறுகதைகள், நாடகங்களுடன்
நாட்டமுடன் இசையும் அமைத்தார், இசைமேதையுமானார்.
மானுடம் போற்றிய தத்துவஞானி, இயற்கைவிரும்பி
மனிதநலப் பொதுமைவாத மெய்யியற் சிந்தனையாளர்
1878 – 1932னுள் ஐந்து கண்டங்களில்
முப்பத்தொரு நாடுகளேகிய சுற்றுலா விரும்பி.
இந்திய ஆத்மிகப் பெருமைக்கு இலக்கணவிலக்கியமானார்.

1901ல் சாந்திநிகேதன் கலைக் கழகம் அமைத்தார்.
குருகுல முறையில் இயற்கைச் சூழலில்
அரும் கல்விப் போதனைகள் நடந்தது.
உருவானது முழுமையான இலக்கியப் பணி.
சாந்தி நிகேதனே விசுவபாரதி உலக
சர்வகலாசாலையாகப் பின்னாளில் பரிணமித்தது.
1905னுள் இந்தியக் கலாச்சாரத் தலையாய பிரதிநிதியானார்.
1911ல் இலக்கியத் துறைப் பேரரசாகப் போற்றப்பட்டார்.

19ம் நூற்றாண்டின் நவஇந்தியக் கலாச்சாரப் பிரதிநிதி
ரவீந்திரநாத்தாகூர் மாபெரும் தேசியக்கவி. காந்தி
விக்டர் கியூகோவிற்கு இணையாகக் கணிக்கப்பட்டார்.
பிரிக்கப்படாத வங்காள ஒற்றுமையைக் குறித்திட
அரிதான ராக்கிபந்தன் விழாவை அங்கறிமுகமாக்கினார்.
வங்காளப் பிரிவினையை எதிர்த்து எழுதிய வரிகள்
” அமர் சோனார் பங்களா ” வங்காள தேசியகீதமானது.
இன்னிசைக் கனிவுடைய உணர்வுப் பாடலானது.

வங்காள மொழிக்கு உலகக் கண்ணோட்டம் தந்தார்.
வங்காள பாரம்பரிய நாட்டுப் புறப்பாடல்
பாரம்பரிய இசைத் தொகுப்பாக 2000ற்கும் மேலாக்கினார்.
இரவீந்திர சங்கீத் என்றிது அழைக்கப் பட்டது.
தாகூர் காந்திக்கு ” மகாத்மா ‘ வை இணைத்தார்
இந்திரா காந்திக்கு ” பிரியதர்சினி ” யைச் சூட்டினார்.
தாகூரை காந்தி மாபெரும் காவலனென்றார் (Great sentinal).
அறிவுஜீவியாம் தாகூர் இந்தியத் தேசியகீதமாக்கினார்.

1913ல் வங்கமொழி கீதாஞ்சலியின் ஆங்கில
மொழிபெயர்ப்பிற்கு நோபல் பரிசு பெற்றார்.
ஆசிய முதல் நோபற் பரிசாளரிவரே!
ஆங்கில கீதாஞ்சலியைத் தமிழில் கனடா சி. ஜெயபாரதன்
தமிழில் மொழி பெயர்த்த பெருமையாளர் – 2004ல்
1915ல் பிரித்தானியா ” செவ்வீரர் ” (knight hood)பட்டமளித்தது.
1940ல் இலக்கிய முனைவர் பட்டம் பெற்ற
குழந்தைப் பிரியர் 7-9-1941ல் இயற்கையெய்தினார்.

(பிரியதர்சி – அமைதியான பார்வை.)

பா ஆக்கம் வேதா. இலங்காதிலகம்.
டென்மார்க். 24-5-2014

( நேயர்கள் மன்னிக்க வேண்டும். 64 வரிகளாக எண் சீர்கழிநெடிலடியாக இது அமைந்து விட்டது. என்னால் இதைவிடச் சுருக்க முடியவில்லை. வழமையின்றி இது விதிவிலக்காக நீண்டுவிட்டது. மன்னிப்புடன் வாசியுங்கள்.)

sunburst

18. பாவேந்தர் பாரதிதாசன் 2.

1486823_10154074043725581_7327851135545686805_n

பாவேந்தர் பாரதிதாசன் 2.

***

சங்கம் வளர்த்த தமிழ் மதுவேந்தி
அங்கம் சிலிர்க்கும் வரியில் உணர்வேந்தி
பங்கம் களைய உலகிற்காய் வரைந்தான்
பொங்கும் புகழோன் பாவேந்தர் பாரதிதாசன்.

***

புதுச்சேரியின் புடமிட்ட தமிழ் தங்கம்
புறக்கடையல்ல பெண்ணேயுன் இருப்பிடம் எழுவென
புன்னெறிச் சமூகத்தைச் சாடிப் பாவெழுதி
புகைந்தார் மனிதநேயக் கருத்துப் பொக்கிசம்.

***

சித்திரையில் வித்தகன் மலர்வும் உதிர்வும்.
முத்திரைச் சிந்தனைத் தீப்பொறியாளன் சமூகவிடுதலையில்
எத்திரையும் கிழிக்கும் மானுட விடுதலையாளன்.
உத்தமத் தமிழை உறிஞ்சி உடுத்தினான்.

***

எழுபத்தி மூன்றாண்டு எழுச்சி வாழ்வு
எழுபத்தி இரண்டு நூல்கள் எழுதினார்.
குருபக்தி பெரியாரில், கவிபக்தி பாரதியில்
ஆத்திகம், நாத்திகத்துடன் சாத்விகனாய் வாழ்ந்தார்.

***

பாரதி, பாரதிதாசன் சமூகத் தமிழ்ச்
சாரதிகள், முன்னோடித் தமிழ்த் தூண்கள்.
ஊரதிரும் தமிழ் இன்றும் அதிர்கிறது!
ஆரதி: ஆரத்தி: ஆலத்திக்குரியவர்கள் இவர்கள்.

***

பா ஆக்கம் வேதா. இலங்காதிலகம்.
டென்மார்க்.
19-5-2014

 

Samme about BARATHIthasanaar..another  poemhttps://kovaikkavi.wordpress.com/2016/08/06/28-%E0%AE%AA%E0%AE%BE%E0%AE%B0%E0%AE%A4%E0%AE%BF%E0%AE%A4%E0%AE%BE%E0%AE%9A%E0%AE%A9%E0%AE%BE%E0%AE%B0%E0%AF%8D/

https://kovaikkavi.wordpress.com/2014/05/19/18-%E0%AE%AA%E0%AE%BE%E0%AE%B5%E0%AF%87%E0%AE%A8%E0%AF%8D%E0%AE%A4%E0%AE%B0%E0%AF%8D-%E0%AE%AA%E0%AE%BE%E0%AE%B0%E0%AE%A4%E0%AE%BF%E0%AE%A4%E0%AE%BE%E0%AE%9A%E0%AE%A9%E0%AF%8D-2/

 

 

sunburst

17. பாவேந்தர் பாரதிதாசன்.- 1

1486823_10154074043725581_7327851135545686805_n (டென்மார்க்கிலிருந்து இலண்டனில் குடியேறிய சகோதரர் சௌந்தரின் ஓவியம் இது. நன்றி.)

பாவேந்தர் பாரதிதாசன்.- 1
(தமிழாசிரியர், பாவலன், அரசியல்வாதி, திரைக்கதை ஆசிரியர், எழுத்தாளர்.)

கனகசபை முதலியார் இலக்குமி அம்மாள்
கனக பொக்கிசப் புதல்வர் சுப்புரத்தினம்.
கனக சுப்புரத்தினம் என்ற பாரதிதாசன்
கவிஞன் உதயம் சித்திரை 29 – 1891.

***

கனகசுப்புரத்தினம் மகாகவி பாரதி சந்திப்பால்
கனகதும்பியானார். பாரதிதாசனாகி எழுதித் தொடர்ந்தார்.
கனத்த காதல் தமிழில். தமிழைக்
கரிசனமாய்ப் பயின்றார். 1919ல் தமிழாசிரியரானார்.

***

திரைப்படக் கதை வசனகர்த்தா சுயதிறனால்.
சிறையேகினார் போராட்டங்களில் அதிக நாட்டம்.
முறையான புதுச்சேரி சட்டமன்ற உறுப்பினர் (1954ல்.)
கறையின்றி ஐந்தாண்டு அரசியற் செயலாக்கம்.

***

உவமைகளில் மன்னராம், இசையோடு பாடுவார்.
உகந்த நாடக நடிகர், இந்தியாவில்
தமிழ் பாட்டெழுதிய முதற் பாவலன்.
தமிழிதழ்களின் ஆசிரியர், பிரெஞ்சும் கற்றிருந்தார்.

***

கிண்டற்காரன், கண்டெழுதுபவன், கிறுக்கன் இவர்
கொண் டெழுதிய சில புனைபெயர்கள்.
தமிழ் தேர் சுற்றிய பக்தன்
கமழ் பகுத்தறிவு சுயமரியாதை பெண்ணுரிமையாளன்.

***

பழனியம்மாள் நல் இல்லறத் துணைவி.
புரட்சிக் கவிஞர் பெரியார் விருது.
புரட்சிக் கவி அறிஞரண்ணா விருது. அரசு
பாரதிதாசன் பலகலைக்கழகமும் திருச்சியில் நிறுவினர்.

***

அமைதி ஊமை நாடகத்திற்குக் தங்கக்கிளி (1946)
பிசிராந்தையார் நாடக விருது சாகித்திய அகடாமி (1970)
சென்னைத் தபாற்துறை அஞ்சற் தலை 2001ல்.
சித்திரை 21-1964 இறையடியில் காவியமானார்.

***

பா ஆக்கம் வேதா. இலங்காதிலகம்.
டென்மார்க்.
18-5-2014
T 20-5-2014.

04-mannarmannan-300 (பாவேந்தருக்கு கோபதி எனும் இயற்பெயருடைய மன்னர்மன்னன் 1928ல் மூத்த மகனாகப் பிறந்தார். பின்னர் சரஸ்வதி, வசந்தா, ரமணி எனும் 3 பெண்களும் பிறந்தனர்.
மன்னர் மன்னன் பற்றி இந்த இணைப்பில் மேலும் அறியலாம்.http://tamil.oneindia.in/art-culture/essays/2012/tamil-mamani-mannar-mannan-164107.html)

https://kovaikkavi.wordpress.com/2014/05/19/18-%E0%AE%AA%E0%AE%BE%E0%AE%B5%E0%AF%87%E0%AE%A8%E0%AF%8D%E0%AE%A4%E0%AE%B0%E0%AF%8D-%E0%AE%AA%E0%AE%BE%E0%AE%B0%E0%AE%A4%E0%AE%BF%E0%AE%A4%E0%AE%BE%E0%AE%9A%E0%AE%A9%E0%AF%8D-2/

 

https://kovaikkavi.wordpress.com/2016/08/06/28-%E0%AE%AA%E0%AE%BE%E0%AE%B0%E0%AE%A4%E0%AE%BF%E0%AE%A4%E0%AE%BE%E0%AE%9A%E0%AE%A9%E0%AE%BE%E0%AE%B0%E0%AF%8D/

sunburst

16 கூவிடுவாய் குயிலே!

sb[1]

*

கூவிடுவாய் குயிலே!            ( பாரதி பற்றிய  – 2வது)

*

மார்கழி பதினொன்று சுப்பிரமணியபாரதியின்
பிறந்த நாளிது நீ அறிவாயா
குயிலே! நீ அறிவாயா!

பனுவல்ககளின் மனு அவன்- உலக
பாவலர்களின் கனவு அவன்- குயிலே
பாவலர்களின் கனவு அவன்.

அவன் பாட்டுத் திறன் தமிழுலகை
பாலித்திடுவது பார்த்தாயா குயிலே!
பாலித்திடுவது பார்த்தாயா!

காயிலே இனிப்பு கனியிலே இனிப்பல்ல
காலமுழுதுமவன் பாடலினிப்பு –குயிலே
காலமுழுதுமவன் பாடலினிப்பு.

கருநீலத்து வயிரத்துளி பாரதிகவியெமை
கட்டும் மொழிச்சுடர் -குயிலே
கட்டும் மொழிச்சுடர் தான்.

பெண்விடுதலை எழுச்சிக் குரலெடுத்து
பெண்மையை வாழ்த்திய கவியவன் – குயிலே
பெண்மையை வாழ்த்திய கவியவன்.

இன்று புதிதாயெத்தனை பாரதிகள்
நன்று பல கவிகள் புனைகிறார் -குயிலே
நல்ல பல கவிகள் புனைகிறார்.

இன்று மகாகவியை நினைத்து கௌரவிப்போம்
குயிலே நீயும் எம்மோடு
தீங்குரலில் கூவிடுவாய்.

கவியாக்கம் வேதா. இலங்காதிலகம்.
டென்மார்க்.
11-12.2003.

வேறு

சுட்டும் விழிச்சுடரே…..

சுட்டும் விழிச்சுடரால் தீர்க்கமாய் உன்
கட்டும் தமிழ்க் கதிரின் ஆளுமையை
எட்டுத் திக்கும் கொட்டிய எட்டயபுரத்தானே!
கட்டுப்படாது பலர் இங்கு கட்டறுந்துள்ளனர்.

கெட்டு அழிந்ததால் இனியெம் வருங்காலப்
பட்டுத் தமிழ்ப் பாலகரையாவது உன்
பாட்டுத் திறத்தாலே பாலித்திட வேண்டுமென்று
வீட்டுக்கொரு தமிழனும் திட்டமிட வேண்டும்.

வேதா. இலங்காதிலகம். டென்மார்க். 11-12.2017.

*

வா ரதி இன்று 

பாரதி நாள்!

பாராளும் கவி

ஏராளம் தந்தான்!

வேராழம் ஊன்றினான்.

தாராளமாய் வாழ்த்துவோம்

December 11, 2014

*

 

12965393-se

15. நடிப்பற்ற கண்ணதாசன் வரிகள்.

1012648_394241854026106_678276515_n

நடிப்பற்ற கண்ணதாசன் வரிகள்.

(கவிஞர் கண்ணதாசன் பிறந்த நாளையொட்டி.)

 

சிந்தை நிறை கருத்துகள்

உந்துதலாய் உலகிற்கீந்தவர்

இந்தியப் புலத்து முன்மாதிரி

சந்தப் பா வாரிதி.

 

கிண்ணம் நிறை வரிகள்

எண்ணம் கிளறும் எளிமை

கண்ணதாசன் கருவிலுதித்த

வண்ண வரிகளின் திறன்.

 

கவி வரித் தூறல்

புவியெங்கும் சாரல்

செவியெங்கும் பாடல்

குவிவது தமிழ் கதிர்.

 

ஓவியமானவன் அறிவு மாட்சி

காவியங்களாக விரியும் நீட்சி.

சாவிலும் மறையாப் பாவாட்சி

தூவுகிறது விசுவரூப ஆட்சி.

 

கேட்கக் கேட்க வளர்கிறது.

படிக்கப் படிக்கச் சுவைக்கிறது.

வடிக்க வடிக்கத் தூண்டுகிறது

நடிப்பற்ற கண்ணதாசன் வரிகள்.

 

உறங்காதவன் உன்னத வரிகள்

கிறங்க வைக்கிறது எம்மை.

நிறங்குணமுடை  வரிகளால்

யாரும் இறங்கமாட்டார் என்றும் தமிழில்.

 

 

பா ஆக்கம் பா வானதி வேதா. இலங்காதிலகம்.

ஓகுஸ், டென்மார்க்.

20-6-2013

(நிறங்குணம் – இயல்புடைய)

 

sunburst

 

14. ஆறுமுகநாவலர்.

aarumuganaavalar

ஆறுமுகநாவலர்.

நல்லூரிலுதித்த வல்லவர் ஆறுமுகநாவலர்

ஒல்லாங்குடன் பன்னிரண்டு வயதில் புலமைத்துவ

உல்லாகனானார் தமிழ் சமஸ்கிருதம் பயின்று.

உல்லாச இருபதில் ஆங்கிலமும் பயின்று

கல்லூரியாசானானார் யாழ் மத்திய கல்லூரியில்.

வைத்தீஸ்வரன் கோயில் வண்ணார்பண்ணையில்

சைவம் வளர்க்க வெள்ளிக்கிழமைப் பிரசங்கியானார்.

சைவ விழிப்புணர்வைப் பிரசங்கத்தால் ஊட்டினார்.

சைவத்தமிழ் பண்பாட்டிற்கு இசைவான கல்வி,

சைவசமயம், தமிழ்வளர்ச்சி இவர் நோக்கப்பணியானது.

சைவப்பிரகாச வித்தியாசாலையை வண்ணார்பண்ணையில் நிறுவினார்.

சைவம் வளர்ப்பதற்கு 1848ல் ஆசிரியப்பதவியையும் துறந்தார்.

சைவப்பிரசங்கம்  திருவாவடுதுறை ஆதீனத்தில் ஆற்றினார்.

கை  வந்தது  புலமையால்  நாவலர் பட்டம்.

சைவப்பாடநூல்களச்சிட இந்தியாவில் அச்சுயந்திரம் வாங்கினார்.

உத்தம நூல்களச்சிட  இலங்கை இந்தியாவில்

வித்தியானுபாலன இயந்திரசாலை அச்சகம் நிறுவினார்.

1870ல் கோப்பாயில் ஆண்கள் பாடசாலை நிறுவினார்.

என்அப்பப்பா நிறுவிய பெண்கள்பாடசாலையோடிணைந்து

இயங்குகிறதின்று. பயனுள்ள பல நூல்களெழுதிப் பதிப்பித்தார்.

மதுரை மீனாட்சி பரிவட்டப் பூமாலையணிந்தும்

குன்றக்குடியில் பிரசங்கத்தால் பல்லக்கிலேற்றியும் கௌரவித்தனர்.

1879ல் வண்ணார்பண்ணையில் ஆடிச்சுவாதியன்று இறுதிப்பிரசங்கம்.

கந்தப்பு சிவகாமிப்பிள்ளையின் கடைசி(ஆறாவது) மகன்.

1822 மார்கழி18ல் பிறந்து 1879 மார்கழி  5 லிறைபதமடைந்தார்.

பா ஆக்கம்  வேதா. இலங்காதிலகம்.

ஓகுஸ், டென்மார்க்.

9-1-2013.

(ஒல்லாங்கு – பொருந்தும் வழியில்.
உல்லாகன் – திறமையாளன்.)

OLYMPUS DIGITAL CAMERA

அந்த நாவலர் பாடசாலை இன்று ..(பல மாற்றங்கள்)

                                            sunburst

13. வியத்தகு Whiteny Houston…

 

வியத்தகு விட்னி கூஸ்ரன்…

 துடிக்கும் ஜீவன் ததும்புமிசை.
நொடியும் மறக்கவியலா இசை
அடி!..அந்த .”யூ…ஊ…உ..ஊ..”
பொடி காட் பாடல்..
                 ஆம்
(” I will always  love you…u….uu!..” -Body gard song

   http://youtu.be/3JWTaaS7LdU    )

 விட்னிகூஸ்ரன்  தன் குரலால்
கட்டினாள் மனங்களை! – தனக்குக்
கிட்டிய சுயதிறன் நம்பாது
கட்டப்பட்டாள் பய உணர்வால்.

உறுதியற்ற மனதால், பயந்தாள்.
மறுகினாள் சுயதிறன் போதாதென.
இறுகினாள் போதை துணையென.
அறுதிப் பரிசானது மரணம்.

 யோன் ரூசெல் கூஸ்ரன்- சிசி புதல்வி.
(John Russel Houston – cissy)
நாற்பத் தெட்டில் மறைந்தாள்.
பதினெட்டில் விட்னி மகள்
பதுமை பொபி கிறிஸ்ரினா பிறவுண்.
(Boby kiristina Brown)

 வெள்ளிப் பேழையுள் விட்னியுடல்
துள்ளியதிறுதிச் சடங்கிலவளிசை.
கொள்ளையிட்ட தன்னிசையோடு – மீளாப்
பள்ளி கொள்ள அவளிறுதியூர்வலம்.

தந்தையருகிலவள் தன்னை அழுத்திய
எந்தக் கொம்பனுக்கும் பயமற்றுத்துயிலட்டும்!
பன்னீராக அவளாத்ம சாந்திக்காய்
கண்ணீர் மலர்கள் தூவப்படுகிறது.

 

பா ஆக்கம் வேதா. இலங்காதிலகம்.
ஓகுஸ், டென்மார்க்.
26-2-2012.

 

 

                             

12. காந்தி – காந்தியம்.

 

காந்தி – காந்தியம்.

(காந்தி மறைவின் தினத்தையொட்டி எழுதியது.)

சத்தியமே வழிகாட்டு மொளி.
சத்தியமே பாதுகாக்கும் கேடயம்.
சத்தியமே மார்புக் கவசம்
சத்தியசொரூபி கடவுளென்றார்.

சத்தியமே கடவுள் – மௌனமும்
சத்தியவாளரின் அனுமானக் கட்டுப்பாட்டிலொன்று.
உருசியென்பது  எண்ணம், நாவிலில்லை.
உத்தம  கையெழுத்து பிள்ளைகளுக்காகட்டும்.

பொருட்களைப் பார்த்து முதலில்
பிள்ளைகள் வரையக் கற்கட்டும்
பின்னர் எழுதிடக் கற்கட்டுமென்று
புதுப்பணி ஆசிரியத்தையன்றே மொழிந்தார்.

சத்தியத்தை நாடும் ஒருவனே
சரியான விதியைப் பின்பற்றுவான்.
வரவு, செலவிற்குக் கணக்கிடு!
ஒழுக்கமேயொருவனைக்  கனவானாக்குமென்றார்.

பயம் போக்கும் மருந்து
பக்தியான இராமநாமமென்று
பணிப்பெண் ரம்பா ஆலோசனையில்
பணிவாகச் செபம் கற்றார்.

மகாத்மா பட்டம் பரவசமளிக்கவில்லை.
மகாத்மா பட்டத்தை மதியாதவர்.
மகாத்மா பட்டத்தில் வேதனையானவர்.
மகாத்மாவின் கூற்று இது.

உத்தமராய் உலகு போற்றும்
தித்திப்போ, கசப்போ – காந்தியின்
சத்தியசோதனை வாழ்வு
பத்தியமாகும் உலக மக்களிற்கு.

பா ஆக்கம் வேதா. இலங்காதிலகம்.
ஓகுஸ், டென்மார்க்.
30-1-2012.

(இக் கவிதை 31-1-2012 செவ்வாய்க் கிழமை மாலை 7.00-8.00 கவிதை பாடுவோம் ரி.ஆர்.ரி தமிழ் ஒலிக் கவிதை  நேரத்தில் என்னால் வாசிக்கப் பட்டது.)

 

                               
 

11.. உன்னை நினைக்கிறோம்…..(பாரதி – 1)

 

 

உன்னை நினைக்கிறோம்…..

11-12-2008. பாரதியார் பிறந்த நாளுக்காக

எற்றி எதிரொலிக்கும் தமிழ்.
சுற்றிப் பல தலைமுறைகளையும்
பற்றிப் பாய்கிறது பாசியின்றி.
பற்றுடை பாரதி வரிகள்
வெற்றி வரிகள, பாரினிலே.
சுற்றம் காணும் சுகந்தம்.
கொற்றவனைத் தமிழ் உலகு
பெற்றநாள் இன்று நினைக்கிறோம்.

உணர்வுப் பூக்கள் – எனது 3வது நூலில் இடம்பெற்ற சில வரிகள்…..

பாரதியே! தமிழ்க் கவிதை வாரிதியே!
பேரதிர்வான உன் வாலிபப் பண்களுக்குத்
தீரமதிகம், தீர்க்கமும் பூமியில் அதிகம்.
ஊரதிரும் தாக்கங்கள் உருவானது உண்மை.
பேரதிசயம் பெற்ற கவிதையின் தாக்கங்கள்
வேரதிகம் விரித்தது பெண்கள் உலகிலும்.
சாரமதிகமான இவன் சுந்தர வரிகளை
யாரதிகம் எடுத்தாளவில்லை சுய வாழ்விலே!

பாரதியே! தமிழ் பாவுலகில் நீயுமொரு – யுக
சாரதியானாலும் உன் வாழ்வில் சரிபாதியாக
நீரதியெனக் கவிபாடிய உன் கண்ணம்மாவை
ஆராதிக்காத உன் சுய வாழ்வுப் பாதையை
கூரதிகம் உன் கவியானாலும் எடுத்துக்
கூறாத மனிதருண்டோ! நீயறிவாயா!
வீரதீரனாகிலும் சரிபாதியான வாழ்விற்கு மனைவி
வேரதுவாக வாழ்கிறாளென்பது பெரிய உண்மை.

இறுதியில் அறிந்து கொண்டாய்…..

 

பா ஆக்கம்  வேதா. இலங்காதிலகம்.
ஓகுஸ்,  டென்மார்க்.

In Anthimaalai web site:-   http://anthimaalai.blogspot.com/2012/03/9.html

                                 

Previous Older Entries Next Newer Entries