22. வெற்றி.

Now Vethri is 5 years with bro Chola

IMG_0037[1]

வெற்றி கெட்டிக் காரனாக்கும்!…

அம்மாப் பால் தந்து அம்மா
அலாரம் வைத்து ஓடி விட்டார்.
அப்பம்மா மடியில் சிறிது மயங்கினேன்.
அப்புறமும் பால் சூப்ப ஆசையாகினேன்.
அழுது பார்த்தேன், அப்பம்மா ஆட்டினார்.
அடம் பிடித்தேன், அழுது கைகளை
வீசினேன். வாயருகேயெல்லோ விரல்கள் வந்தது!
அப்பாடியோ! பெரு முயற்சி செய்தேன்!

*

அகப்பட்டது!…அகப்பட்டது!.. பெருவிரல் வாயினுள்ளே!
ஆசையாய்ச் சூப்பினேன்! வெற்றி கெட்டிக்காரனாக்கும்!
அம்மா வரவில்லை!..அழுதேன்!…அழுதேன்!….
அப்பம்மா ஆயிரம் கதை சொன்னா…
அப்பாவுக்கு என் சத்தம் கேட்டது.
ஆசையப்பா நீல நிறச் சூப்பியை
அன்பாகத் தந்தார்…ஓ!…என்ன சுகம்!…
சூப்பிச் சூப்பித் தூங்கியே விட்டேன்.

*

அப்பம்மாவும் போய்விட்டார்.

*

Vetha. Langathilakam. Denmark.  2011

 

baby-items

21. தட்டுங்கோ தட்டுங்கோ

mine 10 028

 

தட்டுங்கோ தட்டுங்கோ

தட்டுங்கோ தட்டுங்கோ தாளம்
கெட்டித்தனமாய்த் தட்டுங்கோ
பாட்டு பாடித் தட்டுங்கோ… …..(தட்டுங்கோ)

தட்டு ஒன்று ஒன்று
விட்டு ஒன்று ஒன்று
தட்டு இரண்டு என்றும் …………(தட்டுங்கோ)

மெல்ல தட்டித் தட்டி
வேகமாய் தட்டித் தட்டி
பாடி ஆட தட்டுங்கோ………….. (தட்டுங்கோ)

பா ஆக்கம்  வேதா. இலங்காதிலகம்.
டென்மார்க்.
13-6-2015

download.png-kk

20. ஏடு தொடக்குதல். – எழுத்து ஆரம்பம்

124profileimge3_tamil.jpg-dd.jpg-dd

ஏடு தொடக்குதல். – எழுத்து ஆரம்பம்

இன்றைய நவீன காலத்துப் பிள்ளைகள் தமிழ் படிக்க ஏனோ சிரமப் படுகிறார்களோ! எங்கள் பேரன் 3 வயது ஆரம்பத்தில் நான் தமிழ் பாடல்கள் பாடினால் ஆசையாகக் கேட்பார். இது தொட்டில் பிள்ளைகளாக இருக்கும் வரை தான். அவர் 3 வயதிற்குப் பிறகு பாலர் பராமரிப்பு நிலையம் செல்ல ஆரம்பித்தார். நட்புகளும் மாறியது.
சனிக் கிழமைகளிலும் நட்புகளுடன் விளையாடப் போவார். பெற்றோர் அழைத்துச் செல்வார்கள்.
இப்போது தேவாரமும் பாடத் தொடங்கி விட்டேன். எழுந்து அடுத்த அறைக்குப் போகிறார்.
இந்த விஜயதசமிக்கு எழுத்து ஆரம்பித்தோம். முதல் நாளே சொல்லி வைத்தேன் நாங்கள் நாளைக்கு அரிசியில் பஃன் ( fun – வேடிக்கை) செய்வோம் என்று.
வெற்றியோடு சேர்ந்து இரண்டாவது பேரன் சோழாவும் அண்ணா எழுதி முடிய அரிசியைக் கையால் எடுத்து தூவி விளையாடினார்.
எனது கணவர் சொன்னார் அரிசியை வாயில் போட்டுப் பாருங்கோ வெற்றி என்று. இப்படி தமஷாக எழுத்து ஆரம்பம் சென்றது.
ஏடு தொடக்குதல் முடிந்தது.

mine12 B 015-A

வேதா. இலங்காதிலகம்.
டென்மார்க்
23-10-2015

green-line-2

19. ஆகாய விமானம்

mine 10 039

விமானி ஓட்டுவார் விமானி ஓட்டுவார் ஆகாய விமானம்
பைலட் ஓட்டுவார் பைலட் ஓட்டுவார் ஏறோப்பிளேன்


எஞ்சின் ஓடத் தொடங்கும் சத்தம் மெல்லக் கேட்கும்

காத்தாடி மெல்லச் சுளரும் விமானம் மெல்ல ஓடும்

வேகமாக ஓடும் தன் ஓடு பாதையில் ஓடும்.
வேகம் நன்கு கூட விமானம் மேலே ஏறும்

சில்லுகள் உள்ளே போகும் ஏறி ஏறி வானில்
உயர உயரப் பறக்கும் உயரப் பறந்து போகும்

பா ஆக்கம் வேதா. இலங்காதிலகம்.
12-6-2015

aeroplane-papers-1

18. வெற்றிச் செல்லம்

mine8 142

வெற்றிச் செல்லம்

எங்கள் நெஞ்சின் இன்ப ஓவியம்

எங்கள் வாழ்வின் தேன் துளி

பொங்கும் இன்பத் தென்றல் நிலவு

எங்கள் மூன்றாம் அகவைப் பேரன்.

அள்ளிச் சொரிகிறான் மழலை மொழியை

வெள்ளி நட்சத்திரங்களாய் புதிது புதிதாக

கொள்ளை ஆர்வமாய் தமிழ் குதித்தாடுகிறது.

உள்ளம் இனிக்கிறது வெற்றிச் செல்லத்தால்.

வெளியே உலாவக் கொள்ளை மகிழ்வு

களிப்பான கேள்வி எங்கு போகலாம்!

துளிர்க்கும் அறிவு, கலை உணர்வு

தெளிவான ஆவல் நிறைந்து வளர்க!

தமிழ் டெனிஸ் ஆங்கிலத்தில் சமமாய்

அமிழ்ந்தாடுகிறர். அவரைக் காண நீந்தும் 

ஆனந்தக் குமிழ்கள் எமைச் சுற்றிச் 

சுழல்கிறது. வெற்றி வாழ்க பல்லாண்டு!

பா ஆக்கம் பா வானதி

வேதா. இலங்காதிலகம்.

டென்மார்க்

16-4-2015

aeroplane-papers-1

17. துள்ளுங்கள் துள்ளுங்கள்

mine3 179

துள்ளுங்கள் துள்ளுங்கள்

(உங்கள் குழந்தைகளின் பெயரை மாற்றிப் பாடுங்கள்)

துள்ளுங்கள் துள்ளுங்கள் வெற்றி
துணிந்து நீங்கள் துள்ளுங்கள்
துன்பம் போகும் துள்ளுங்கள்
துடிப்பாய் நீங்கள் துள்ளுங்கள்.

ர(ற)ம்பொலினில் துள்ளுங்கள்
ரம்மியமாகத் துள்ளுங்கள்
கால்களில் பலம் பெருகும்
களிப்பாய் நீங்கள் துள்ளுங்கள்.

இரத்தம் நன்றாய் ஓடும்
இலகுவாகும் சுவாசம் உடல்
சுறுசுறுப்பு சுகத்திற்காய் தினம்
துள்ளுங்கள் துள்ளுங்கள் துள்ளுங்கள்.

பா ஆக்கம்
பா வானதி வேதா. இலங்காதிலகம்.
டென்மார்க்.
5-4-2015
(இப்படிப் பாடுவதால் அவரும் ஏதும் செய்யும் போது பாடியபடி செய்கிறார்)

1424422_773891019303899_1021719375_n99

16. காற்றாடி (காத்தாடி)

cho11-2014 102

காற்றாடி (காத்தாடி)

 காத்தாடி காத்தாடி காத்தாடி

ஆத்தாடி வெற்றியின் காத்தாடி!

சேர்த்தாடும் நிறங்கள் நான்கு.

சுற்றியாடுதே சுளன்றாடுதே அழகு.!

 

காற்றாடி காற்றாடி காற்றாடி 

வெற்றியின் காற்றாடி ஆத்தாடி!

காற்றாடி கண்ட பேராண்டி

ஏற்றாடி மகிழ்ந்தார் வெற்றி.

வற்றாத கற்பனை காற்றாடியாய்

ஊற்றாடும் என்றது ஒப்பனை.(உவமை)

கீற்றாடும் உந்தன் சிரிப்பு

தோற்றோட வைக்குமெம் கவலைகளை.

 

பா ஆக்கம் 

பா வானதி வேதா. இலங்காதிலகம்.

டென்மார்க்.

30-11-2014

card31

15. சவர்க்காரக் குமிழிகள்….

mine3 083

சவர்க்காரக் குமிழிகள்….

சவர்க்காரக் கரைசல் குப்பி
சமர்த்தாகக் கையிலேந்தியொரு
சின்னச் சிரிப்போடு பேரனார்
சின்ன அடியெடுத்து வருகிறார்.

அப்பப்பா அப்பம்மா உதவுங்கள்
அமைதியாயெம்மிடம் நீட்டுகிறார்.
சொல்லாமற் சொல்லும் ஆசை
சோப்புக் குமிழி ஊதுங்களென்று.

(அப்பப்பா ஊதுகிறார்…)

ஆரவாரக் கைதட்டல் ரசிப்பு
ஆகா என்ன ஆனந்தம்!
ஆனந்தக் கூத்தாடுகிறார் சவர்க்காரக்
குமிழிகளைத் தட்டியூதி உடைத்தார்…
10-8-2014
mine3 084

mine3 090

1653344_615174351888104_825373005_n

14. கூட்டுக் களி தரும் கூடாரம்.

P1070673

கூட்டுக் களி தரும் கூடாரம்.

சின்னஞ் சிறிய வீடு
சின்னக் கண்ணன் கூடு.
என்ன மகிழ்வு முகத்தில்!
என்னோடு உள்ளே போக.

கண்ணன் வெற்றி விளையாடும்
வண்ண பிளாஸ்ரிக் கூடாரம்
கிண்ணம் நிறைத்த ஆனந்தம்
திண்ணம் நிறைத்து நீட்டும்.

வெளிக்காற்றில் பல்கனியில் பின்
களிப்பாக உள்ளேயும் இதை
எளிதாக இடம் மாற்ற
மிளிர்கிறார் மகிழ்வின் துள்ளலில்.

மழலையோடு நாமும் மழலையாக
அழகாய் அரவணைத்து ஆனந்தித்தல்
வழங்கிடும் குழந்தைக்கு நல்ல
தழும்பாத தன்னம்பிக்கை உணர்வை.

பா ஆக்கம் வேதா. இலங்காதிலகம்.
டென்மார்க்
5-6-2014

sd7_divider1

13. பம்பரம் சுத்துதே!…

after malay12,214 006

பம்பரம் சுத்துதே!…

சுத்துதே சுத்துதே பம்பரம் சுத்துதே!
உத்துவேகத்தின் அழகு உத்துங்கமாகுதே!
பத்துதே பத்துதே பரமானந்தம் பத்துதே
எத்தனை மகிழ்வு பேரனை அணைக்குதே!
ஓத்துதல் போலவே இன்பம் தருகுதே
சித்துவித்தையாய்த் தோற்றம் தருகுதே!
(உத்துவேகம் – மிகவிரைவு. உத்துங்கம் – உயர்ச்சி.
ஓத்துதல் – தாளம் போடுதல். சித்துவித்தை – மாயவித்தை)
28-3-2014

after malay12,214 008
after malay12,214 012

Previous Older Entries