இடைவேளையின் பின்னர் 12.

cey6th-24th-march14 016

இடைவேளையின் பின்னர் 12. (பயணம் இறுதி அங்கம்.)

மாலை தீவின் சில படங்கள் பாருங்கள். விமானத்திலிருந்தும் ஓடும் போதும் எடுத்தவை.
cey6th-24th-march14 023

மாலைதீவுகள் 26 பவளப்பாறையில் சுமார் 1200 தீவுகள் உள்ளதாம். இதில் கிட்டத்தட்ட 200 தீவுகளில் மக்கள் நிரந்தரமாகக் குடியுள்ளனராம். மொத்தம் 3 இலட்சத்துப் 14 ஆயிரம் மக்கள் உள்ளனராம்.
இலங்கையிலிருந்து 700 கி.மீட்டர் தென்மேற்காக உள்ளது.
cey6th-24th-march14 026

தலை நகரமான மாலே விமான ஓடுபாதை காண்கிறீர்கள்.
male_airport1

சீனா, கொரியன், போன்று ஒரு மாதிரியான முகங்களாகவே அவர்கள் தோற்றம் இருந்தது.

எண்ணெய் நிரப்பி, விமானம் துப்புரவாக்கி பயணிகள் இறங்கவும், புதியவர்கள் ஏறவுமாக இருந்தனர். முக்கால், ஒரு மணி நேரத்தில் விமானம் புறப்படுகிறது இஸ்தான்புல் நோக்கி அல்லது கொழும்பு நோக்கி.

இதில் முதலாவது பயண அங்கத்தில் இரு படங்கள் போட்டிருந்தேன். மேலிருந்து மாலையான தீவுகள் தெரிவதாக. இதனாலேயே மாலை தீவு என்று பெயர் வந்திருக்குமோ!…..
cey6th-24th-march14 024

இரண்டு கிழமை இலங்கைப் பயணம் இந்தப் பக்கத்துடன் முடிவுற்றது.

இறுதியாக இலங்கைத் தெருக்கள் மிக முன்னேற்றமாக திருத்தியமைக்கப் படுகிறது என்பதற்கு ஓரு படம்.

cey6th-24th-march14 275

தம்பியுடன் விமான நிலையம் சென்றேன். டென்மார்க் வர.

தங்கையும் மிக நன்கு உடல் தேறி வருகிறார். அம்மாவின் திதியன்று திரையில் பார்த்துப் பேசினேன்.

என்னுடன் பயணித்த அன்புள்ளங்களிற்கு மனமார்ந்த நன்றி.

வேதா. இலங்காதிலகம்.
டென்மார்க்.
15-5-2014

Royalty-Free-RF-Clipart-Illustration-Of-A-Digital-Collage-Of-Airplane-Helicopter-And-Hot-Air-Balloon-Borders-102487625-ll

Advertisements

இடைவேளையின் பின்னர் 11

cey6th-24th-march14 132

இடைவேளையின் பின்னர் 11

கொழும்பு கொச்சிக்கடை அந்தோனியார் கோவிலையும் ஒரு தடைவ தாண்டினோம்.
அப்போது ஒரு படத்தை எடுத்தேன். முன்னர் உள்ளே சென்று வணங்கியவை நினைவிற்கு வந்தது.
inside-st-anthonys-colombo (This is Google Photo.)

18ம் நூற்றாண்டில் டச்சுக்காரரின் கெடுபிடியில் இருந்தச் சமயம் ( வாழையிலையில் சாப்பிட்டால் வெளியே வீசக் கூடாதாம். பயத்தில் வாசலில் மேலே இறப்பில் (கூரையில்) சொருகி வைப்பார்களாம் என்று அம்மா கூறியது நினைவிற்கு வந்தது.) – கத்தோலிக்கத்தைத் தடுத்தனர்.
பின்பு இவரின் போதனை மீது நம்பிக்கை வர அனுமதி கொடுக்கப் பட்டது.

அந்தோனிப் பாதிரியார் தன் மரச்சிலுவையை கடலோரத்தில் நாட்டி தன்னை அதன் அருகில் அடக்கம் செய்யக் கேட்டாராம்.
காலப் போக்கில் கோவாவிலிருந்து அந்தோனியார் உருவம் கொண்டு வரப்பட்டு கண்ணாடிப் பேழையில் வைத்துப் பேணப்பட்டதாம். ஆரம்பத்தில் கழிமண்ணால் உருவான கொட்டில் பின்னர் இப்படி கோயிலாக உருவானதாம்.
z_p-25-Faith-03 ( This is also Google Photo)
தனியே கத்தோலிக்கருக்கு மட்டுமல்ல, இக் கோயில், பல மதத்தவரும் என்றும் பேணி வணங்குகின்றனர்.
கூகிளில் சென்று நான் தரும் ஏதாவது பெயர்களை அழுத்தினால் அழகிய படங்கள் விவரங்கள் காணலாம். படங்கள் நேரில் பார்ப்பது போன்ற பிரமை தருகிறது.

டென்மார்க்கிலிருந்து சுமார் 3 மணித்தியாலத்தில் இஸ்தான்புல் விமான நிலையம் சென்றடைந்தேன்.
cey6th-24th-march14 286

விமானத்திலிருந்து ஒரு படம் எடுத்தேன் இஸ்தான்புல் விமான நிலையக் காட்சி.

இம் மிகப் பெரிய விமான நிலையம் 1924ல் திறக்கப் பட்டதாம். இது உலகிலே 20வது பரபரப்பான விமான நிலையம் என்றும், ஐரோப்பாவில் 9வது பரபரப்பான விமான நிலையமாகக் கணிக்கப் பட்டுள்ளதாம்.
இங்கு தான் அமர்ந்து எநதப் படலை வழியாகப் போவது என்று பார்த்து இரவு 1.10க்கு இலங்கைக்கு விமானம் எடுத்தேன்.
normal_istanbul-airport-6

டென்மார்க் வரும் போது அமர்ந்து எந்தப் படலை வழியாகப் போவது என்று அறிவிப்புப் பலகையைப் பார்த்திருந்த இடம்.(கன்டீனுடன் சேர்ந்த இடம்.)Istanbul_Ataturk_Airport

ஆக்கம் வேதா. இலங்காதிலகம்.
டென்மார்க். 4-5-2014

aeroplane-papers-1

இடைவேளையின் பின்னர் 10

6987793472_2ce6b72b85_z

இடைவேளையின் பின்னர் 10

சிம மலாக்கா தியான மண்டபத்திலிருந்து சிறிது தூரம் தள்ளி புதிதாக உல்லாப் பயணிகளை ஈர்க்க ஒரு பாலம் (2004 என்று உள்ளது…) கட்டியுள்ளனர். 1.2 மீட்டர் நடை தூரம்.
cey6th-24th-march14 263

அக்கரை சிறு தீவு போல கூடாரம் அமைத்து, மரங்களின் கீழ் இருக்கைகள் கட்டியுள்ளனர்.
cey6th-24th-march14 259

புல்லிலும் அமர்ந்திருந்து நீரின், நகரின் அழகை ரசிக்கலாம். நாம் போன போது பெரும்பாலும் காதலர்களாகவே சோடி சோடியாக இருந்தனர்.
4272-31117

அன்ன உருவில் நீர்ப் படகுகள் உண்டு நீரில் உலாச் செல்லலாம்.
cey6th-24th-march14 262

சிம மலாக்காவுக்கும் நீண்ட நடைப் பாலத்திற்கும் நடுவில் 200 மீட்டர் இடைவெளியாக இருக்கும்
நாம் போன போது இந்த இடைவெளியில் மலைப்பாம்பு ஒன்றை வைத்து ஒருவன் வித்தை காட்டினான். அத்தனை வெள்ளையர், நேபாளத்தாரும் பாம்பைத் தொட்டு கழுத்தில் போட்டும் புகைப்படம் எடுத்தபடி இருந்தனர். (அவனுக்கு அன்று நல்ல பண விருந்தாக இருந்திருக்கும்) எமக்கு அந்த ஆசை (அதைத் தொடவோ, படம் எடுக்கவோ) வரவில்லை. ” வா அக்கா!..” என்று தம்பி இழுத்துக் கொண்டே போய் விட்டார். எனக்கும் அருவருப்பாகவே இருந்தது அதைப் பார்க்க.
cey6th-24th-march14 258
இப் படங்களைப் பார்த்த என் மகள் ” அம்மா காட்சிகள் எல்லாம் வெளிநாட்டில் எடுத்த படங்கள் போலல்லவா உள்ளது!..” என்று வியந்தாள்.

இக்கரையில் தெருவோரம் இருந்த ஒரு மரம் எம்மை மிகவும் கவர்ந்தது.
cey6th-24th-march14 266

இதைப் படத்தில் பாருங்கள். சுமார் 100 வயதிருக்கலாம்…. தெரியவில்லை.
cey6th-24th-march14 268
தம்பி நிறையப் படம் எடுத்தார். இங்கு ஒன்றிரண்டு மட்டும் தருகிறேன்.
cey6th-24th-march14 267

கங்காராம தரைப்பக்க விகாரையில் ஒரு போதி மரம் உள்ளது. கிளை அனுராதபுரத்திலிருந்து கொண்டு வரப்பட்டு நாட்டப்பட்டதாகத் தகவல் உள்ளது.
ஒரு தடைவ பேருந்திற்காக கொழும்பு லேக்கவுஸ் அருகில் நின்று ஏறினோம்.
cey6th-24th-march14 136
இப்படத்தில் தூரத்தில் லேக்கவுஸ் தெரிகிறது.

ஆக்கம் வேதா. இலங்காதிலகம்.
டென்மார்க்
26-4-2014.

Big Blue Divider

இடைவேளையின் பின்னர் 9

52194068

இடைவேளையின் பின்னா 9

கங்காராம விகாரைக்கு அருகில் உள்ள பேற லேக்கின் (Beira lake) சிம மலாக்கா) (Simma malakaya) தியான மண்டபம் பார்க்கக் கிளம்பினோம். விகாரை நிலப்பக்கமாகவும் சிம மலாக்கா தியான மண்டபம் நீர்ப் பகுதியிலும் அமைத்துள்ளது. போய்க் கொண்டிருக்கிறோம் தூரத்தில் தெரிகிறது…
cey6th-24th-march14 249

ஆதியில் 19ம் நூற்றாண்டில் கட்டிய மண்டபம் நீரில் அமுங்க 1979ல் கியோப்ஃறி பவா (Geoffry Bawa) என்பவர் இதை மறு வடிவமைத்தாராம். இதிலிருந்து 100 மீட்டர் தூரத்தில் தான் (நிலப் பகுதியில்) கங்காராம விகாரை உள்ளது.
முன்பே இத் தியான மண்டபம் (சிம மலாக்கா) அன்பளிப்புகளால் உருவாக்கப் பட்டது என்று குறிப்பிட்டிருந்தேன்.

மண்டப வாயிலில் புத்தர் படுத்திருக்கும் உருவம் உள்ளது.
1609-40033 (Google Photo)
இரு பக்கமும் இரு மண்டபம் நடுவில் தியான மண்டபம். முழுவதும் நல்ல மர வேலைப்பாட்டினால் ஆகிய மண்டபமாகும்.
imagesCACMUAAB (Google Photo)

வெசாக் போன்ற திருவிழாக் காலத்தில் மிக அழகாக மின்சார அலங்கரிப்பு இருக்குமாம்.
1%20copy (Google Photo)

நீருக்குள் கட்டப்பட்ட சிம மலாக்கா ஸ்றெயின் க்கு மரப்பாதையில் நடந்து செல்ல வேண்டும்
பல புத்த உருவங்கள் செய்து அடுக்கியுள்ளனர்.
cey6th-24th-march14 254
cey6th-24th-march14 255

தியானம் செய்யும் அமைதி இடமாகவே இருக்கிறது.

நேபாள நாட்டுக் குழுவினர் நாம் போன போது குழுமியிருந்தனர். இந்தத் தியான மண்டபமும் கங்காராம விகாரையுடன் சேர்ந்ததே.

வேதா. இலங்காதிலகம்.
டென்மார்க்.
23-4-2014

1653344_615174351888104_825373005_n

இடைவேளையின் பின்னர்…8.

dr -2

இடைவேளையின் பின்னர்…8.

எமது முகநூல் நண்பர் வதிரி ரவீந்திரன் அவர்களைச் சந்திப்பதும் எனது நிகழ்ச்சித் திட்டத்தில் ஒன்று. முதலில் தொலைபேசியில் அவருடன் பேசினேன். அவருடன் பேசும் போது யாழ் போகும் திட்டம் எனக்கு இருக்கவில்லை. யாழ் போகத் திட்டமிட்டதும் தங்கை தம்பியிடம் கூறி சகோதரர் ரவீந்திரன் தொலை பேசியில் அழைத்தால் யாழ் விஐயம் முடிய அவரைச் சந்திப்பதைத் தெரியப் படுத்தக் கேட்டிருந்தேன்.

அதன்படி வந்ததும் அவரோடு பேசி தங்கை வீட்டிற்கு அழைத்தேன் வருவதாக ஒப்புக் கொண்டு வந்தார். பேசினோம்.
cey6th-24th-march14 225
அனுபவங்களையும் பேசினார். சந்திப்பையிட்டு மிக மகிழ்வடைந்தேன். அவர் என்னிடம் வந்ததற்கு நான் தான் நன்றி கூற வேண்டும். நானும் எனது இரு புத்தகங்களை அவரிற்குக் கொடுத்தேன். அவரும் தனது நூலை எனக்குத் தந்தார்.
cey6th-24th-march14 226

அவரது நூல் ”மீண்டு வந்த நாட்கள்”;. 104 பக்கங்கள் கொண்ட கவிதை நூல்.

அவருக்கு மனமார்ந்த நன்றி. நாமெடுத்த படங்கள் திறமாக வரவில்லையாயினும் எனது நினைவிற்கு அது உதவும்.

அடுத்து கங்காராம விகாரையைப் பார்ப்பது (வணங்க அல்ல) என்று நானும் தம்பியும் போனோம்.
thalatha
கங்காராம விகார கொழும்பின் மிகப் பெரிய புத்த வணக்கத்தலம். டொன் பஸ்ரியன் எனும் கப்பல் வியாபாரி 19ம் நூற்றாண்டில் இடம் தேடி இதை உருவாக்கினான். கண்டி தலதாமாளிகையின் சாயல் இருப்பதாகப் பேசினார்கள். இது பேற லேக்கினுள் இருப்பதல்ல தரைப்பகுதியில் உள்ள புத்த கோயில்.
cey6th-24th-march14 270cey6th-24th-march14 272

தாய்லாந்து, இந்திய, சீன கட்டிடக்கலைகளைத் தழுவி அமைக்கப் பட்டுள்ளது. மியூசியம், வாசிகசாலை, புத்தமதப் பாடசாலை, தியான இடம் என்பவையும் இதனுடன் சேர்ந்து உள்ளது.
thalatha-2

ஆக்கம் வேதா. இலங்காதிலகம்.
டென்மார்க்.
20-4-2014.

Divider_Pink_Heart_001

இடைவேளையின் பின்னர்…7

UKKGRedOq0H1dAUd1wI09alHH-aeTaAWixZiuoElOKAWVJucxRlMAm0n4NQpn5YBITcXKYjWDnrXpu2ahwMUOZf4ik2zhSOge1ZUxcBGgGcjWrp929IVOCUvMlxAptZn7fhSrI&h=256&w=256&scale=1

இடைவேளையின் பின்னர்…7

அதி காலை 6.30 அளவில் அனுராதபுரம் பயணமானோம். யாழிலிருந்து அனுராதபுரம் 156 கி.மீ தூரம் என ஒரு தகவல் கூறுகிறது. cey6th-24th-march14 212cey6th-24th-march14 213

அங்கு போய்ச் சேர கிட்டத்தட்ட 4 மணி நேரம் எடுத்தது.

இலங்கையின் வடமத்திய மாகாணத் தலை நகர் நகரம். ஒரு காலத்தில் ஆயிரம் வருடம் தலைநகராக இருந்ததாம். இராஐரட்டை எனும் தொகுதியின் முதல் தலை நகராக இது இருந்துள்ளது. கொழும்பிலிருந்து 205கி.மீட்டர் தூரமாக உள்ளது.

சிங்கள வரலாற்று நூலான மகாவம்சத்தின் படி இந்தியாவிலிருந்து விஐயனுடன் வந்த 700 தோழர்களில் ஒருவனான அனுராத என்பவன் உருவாக்கிய கிராமமாக இது இருந்தது. பாண்டுகபய எனும் அரசன் இதை அனுராதபுரமாக மாற்றி தலைநகர் ஆக்கினானாம்.

இந்திய அசோகச்சக்கரவர்த்தியின் மகள் புத்தபிக்குணி சங்கமித்தை இந்தியாவிலிருந்து கொண்டு வந்த வெள்ளரச மரக்கிளை இங்கு தான் நாட்டப்பட்டது.
240px-Anuradhapura_district_svg

இலங்கையின் 25 மாவட்டங்களில் ஒன்றான இங்கு 7 பாராளுமன்றத் தொகுதிகள் உள்ளன. 694 கிராமசேவையாளர்கள் இங்கு பணியாற்றுகிறார்கள். (தகவல் விக்கி பீடியா)
வாகனத்திலேயே காலையுணவுப் பொதியை சாப்பிட்டோம்.

ஒரு மணி நேரத்தில் கிளிநொச்சி மாவட்டத்தில் உள்ள முருகண்டிப் பிள்ளையார் கோயிலை அடைந்தோம்.
cey6th-24th-march14 216cey6th-24th-march14 215
ஏ9 பெருந்தெருவோடு உள்ள கோயில் இது. அந்தத் தெருவோடு போகும் அத்தனை வாகனங்களும் நிறுத்தி வழிபட்டுப் போவார்கள்.
நாங்களும் இங்கு இறங்கி இறைவனை வணங்கிச் சென்றோம்.

10 மணியளவில் அனுராதபுரம் சென்றோம். எங்கும் உலாத்தவில்லை. தேநீர் ஒன்று குடித்துவிட்டு கொழும்பு செல்லும் பேருந்து தேடி உதவினார் உறவினர். நானும் அவரது தாயாரும் கொழும்பு பயணமானோம். இப்போது இருக்கை நல்ல வசதியாக அமைந்தது. 4.00 மணியளவில் பெட்டா பேருந்து நிலையம் வந்திறங்கினோம்.அங்கிருந்து தங்கை வீட்டிற்கு முச்சக்கர வண்டியில் சென்றோம்.

துளசி இலை, குறிஞ்சா இலை, கெய்யாக்காய், நெல்லிக்காய், விளாம்பழம், பப்பாளிப்பழம், வல்லாரைச் சம்பல், முருங்கைக்கீi, அகத்திக்கீரை இப்படிப் பல சுவைக்கும் வாய்ப்புக் கிடைத்தது இலங்கையில்.

இவைகளில் சில இங்கு கிடைப்பதில்லை.

வேதா. இலங்காதிலகம்
டென்மார்க்.
17-4-2014.

16161859-ab

இடைவேளையின் பின்னர்…6.

Map_Jaffna_Pt-Pedro_Sinhala_Villages-2

இடைவேளையின் பின்னர்…6.

உறவினர் யாழ் செல்வதாக அறிந்து நானும் அவர்களுடன் செல்லலாம் என்று திடீரென 3 மணி நேரத்தில் முடிவெடுத்து வெள்ளவத்தையில் இரவுப் பேருந்தில் 8.30 (20.30) யாழ்ப்பாணம் புறப்பட்டோம். பேருந்தில் வசதி குறைவாகவே இருந்தது. ஆயினும் சமாளித்தோம். அதிகாலை 5.30 மணிக்கு தெல்லிப்பளையில் இறங்கினோம்.

யாழ்ப்பாணம் மாங்காய் வடிவ இலங்கைத் தீவின் வட பகுதி, தலைப்பகுதியாகும்.
கொழும்பிலிருந்து 363 கிலோ மீட்டர் தூரம்.
தெல்லிப்பளை அருள்மிகு சிறீ காசி விநாயகர் தேவஸ்தானம் புனருத்தாரண மகா கும்பாபிசேகம். இதன் காரணமாகவே தெல்லிப்பளை சென்றோம். தங்கிய வீட்டிலிருந்து ஜந்து நிமிட நடையில் கோயில்.
cey6th-24th-march14 172

போனதும் தலையில் குளித்து கோயிலுக்குப் போனோம். அன்று எண்ணெய்க் காப்பு. இதுவே முதற் தடவையாக நான் பங்கு பற்றினேன். மிக மகிழ்வும், திருப்தியாகவும் இருந்தது.

தங்கை கூறி அனுப்பினார் கவனம் தரையில் எண்ணெய் வழுக்கும் கவனமாக செய்ய வேண்டும் என்று. நாம் காலை 9 மணிக்கே (தரையிலும் எண்ணெய் சிந்த முதல்) சென்றதால் மக்கள் கூட்டம் இல்லை. வடிவாக ஆறுதலாகச் செய்து வந்தோம்.
cey6th-24th-march14 145

எனது ஊர் கோப்பாய். (தெல்லிப்பளையிலிருந்து 6-7 கி.மீ தூரமிருக்கும்)
அமரரான எனது இன்னொரு தங்கை மகன் அங்கு இருக்கிறார். அவருக்கு முதலிலேயே தொலைபேசியில் கூறியிருந்தேன். அவர் யாழ் சென்ரல் கல்லூரியில் ஆசிரியராகக் கடமையாற்றுகிறார். பாடசாலை முடிய மாலையில் என்னைக் காண வருவதாகக் கூறினார்.

மாலை 4.30 மணிக்கு அவரும், மனைவியும் குட்டி மகனும் முச்சக்கர வண்டியில் வந்தனர். இருந்து பேசி என்னையும் தங்களுடன் கூட்டிப் போனார்கள்.

கோப்பாய் ஊரில் பெரியவர்களான இருவரை அவர்கள் வீட்டில் சென்று சந்தித்தோம். மொத்தம் ஏழு உறவினர் வீடுகளிற்கு, (சிறுப்பிட்டி எனும் ஊரிலும் எனது பெரியம்மாவின் மகளும் இருந்தார்) விஜயம் செய்தோம் தங்கை மகனும் நானுமாக. (எல்லாம் அவரின் மோட்டார் சைக்கிளின் கைங்கரியம்; தான்)

தங்கை மகன் என்னை இரவு 8 மணியளவில் தனது மோட்டார் சைக்கிளில் தெல்லிப்பளையில் கொண்டு வந்து விட்டார்.

இத்துடன் எனது கோப்பாய் விஜயம் முடிந்தது.
ஆறுதலாகக் கோப்பாய் வீதியில் நடக்கவில்லை என்று மிக மனவருத்தம் தான். எனது பயணத் திட்டத்தில் யாழ் விஜயம் முதலில் இருக்கவே இல்லை.

அடுத்த நாள் தெல்லிப்பளை கோயிலில் கும்பாபிசேகம். இதுவும் எனது முதல் அனுபவம். நன்கு அனுபவித்தேன்.
cey6th-24th-march14 177
cey6th-24th-march14 166
அதிகாலை 6.30 மணிக்கு அனுராதபுரம் நோக்கி காரில் பயணமானோம்.

கொழும்பில் உள்ள என் தங்கை மகளின் கணவர் அநுராதபுரத்தில் வைத்தியராக, வைத்திய ஆலோசகராகக் கடமை புரிபவர். அவரது வாகனத்தில் அவர், அவரது தாயார் நானுமாகப் பயணமானோம்.

ஆக்கம் வேதா. இலங்காதிலகம்.
டென்மார்க்.
11-4-2014

Previous Older Entries