35 தாய் நிலம்

 

mullu

 

scann-1

(.கடைசி மறைந்த வரிகள்.)   நடந்த  போராட்டத்தாலெழுந்த   முட்கம்பி  வேலியது

27- 10- 2009 ம் ஆண்டு இலண்டன் தமிழ் வானொலியில் வாசித்த கவிதையிது.
எங்கோ மறைந்திருந்து தூசி தட்டிய போது கண்டேன்.
பதித்து ஆவணமாக்கலாமென பதிவிட்டேன்.

ஒரு    படம்   தேடலாமென் இதே தலைப்பைக் கொடுத்த போது
இன்னும் மினுக்கமாக அன்று வார்ப்பு .கொம் க்கு
நான் எழுதிய கவிதை கண்டேன் இதோ அது

அந்த ஒரு நாள்..

பயங்கரவாதம் ஒடுக்கப்பட்டுவிட்டதாய்,
தீவிரவாதம் அழிக்கப்பட்டுவிட்டதாய்,
தீவிரமாகத் தம்பட்டம் அடிபடுகிறதே,
தீந்தமிழே இதைக் கேட்டால் வெட்கமுறும்!

எரிகுண்டு, நச்சுவாயு வீசி மக்களை
மரிக்கவைத்த அந்த ஒரு நாள்,
பெரிசும்சிறிசுமாய் இருபதினாயிரத்திற்கும் மேலான
அரிய உயிர்களை எடுத்தது அன்பின்வாதமா!

தினம் ஆள்கடத்தல், வன்புணர்ச்சிகளின்
கனம், கொள்ளையடிப்பு, அகிம்சைவாதமா!
அரசதீவிரவாதம், அரசபயங்கரவாதம்
உரசாத பரவச ஆட்சியா நடக்கிறது!

அந்து ஒரு நாள் மட்டுமல்ல
வந்த பல தசாப்தங்களாக நம்மைக்
கடந்த இனவாதக் கொடுமைகளையடக்க
நடந்த போராட்டத்தாலெழுந்த முட்கம்பி வேலியது!

வேதா. இலங்காதிலகம்.
ஓகுஸ், டென்மார்க்.
21-10-09

இணைப்பும் தருகிறேன்.  http://www.vaarppu.com/padam_varikal.php?id=44

வேதா. இலங்காதிலகம். டென்மார்க். 28-4-2017

gate line

29. திருவள்ளுவர்.

 

 

4 வரிப் போட்டி

12928119_1746698228949757_1906415748366125523_n
¤

(தின்மை – தீமை)

குன்றாத பகவன்
தின்மையற்ற ஆதிக்கும்
சென்மமெடுத்தார் செந்நாப்போதார்
என்ற திருவள்ளுவர்.
¤
குன்றுகள் உடையதாம்
மன்னராம் வள்ளுவம்
என்ற நாட்டிற்கு!
நன்கு வேட்டையாடினாராம்.
¤
முன்னோடி திருவள்ளுவர்
இன்னுயிர் மனைவியாக
மென்மை வாசுகியைத்
தன்னுடையவள் ஆக்கினார்.
¤
அன்றாடம் போற்றி
இன்பித்துப் படியென
இன்கவி குறளை
கன்னலமுதாயீந்தார் திருவள்ளுவர்.
¤
தன்னிகரற்ற வாழ்வியல்
நன்மார்க்க நீதிகள்
மன்னுயிர்க்கு ஈந்தார்.
நன்கொடை திருக்குறள்.
¤
பன்முகக் கூறுகளுடைய
ஊன்றுகோல் வள்ளுவம். (திருக்குறள்)
ஆன்மிக அறம்
அன்றாட நெறிகளுடையது.
¤
அன்பான ஒளவையார்
அன்று மதுரையில்
நின்றுதவினார் திருக்குறள்
நன்கு அரங்கேற.
¤
கன்மேலெழுத்து வள்ளுவரது
நன்னூல் திருக்குறள்.
சென்னையில் வள்ளுவருக்கு
இன்னமுதக் கோட்டமுண்டு.
¤
நன்றி மறப்பது
நன்றன்று நன்றல்லது
அன்றே மறப்பது
நன்றென்றார் வள்ளுவர்
¤
தன்னீர்மை பெருக்கிடும்
என்றறிந்து நாட்கனைக்
கொன்றிடாதே திருக்குறள் 
உன்னை சான்றோனாக்கும்.

*

வேதா. இலங்காதிலகம்.
டென்மார்க்.
7-8-2016.

 

வேறு

தமிழுக்கு உயிரான வள்ளுவனே

முன்னோடியான இவர் தீமையற்ற ஆதிக்கும்
குன்றாத பகவனுக்கும் செந்நாப்போதார் என்று
இன்கவியாகப் பிறவியெடுத்த மகான் வள்ளுவர்.
இன்னுயிர்த் துணைவியாக வாசுகி இணைந்தார்.

கன்னலமுதாய் இன்கவியான குறளை ஈந்தார்.
நன்மார்க்க நீதிகள் நிறைந்த தன்னிகரற்ற
நன்கொடையாக மன்னுயிர்க்குதவும் நூல்.
பன்முகக் கூறுகளுடைய ஊன்றுகோல் வள்ளுவம்.

ஆன்மிக அறம் அன்றாட நெறிகளுடையது.
அன்று மதுரையில் திருக்குறள் அரங்கேற
நின்றுதவியவர் அறிவு, அன்புடைய ஒளவையார்.
சென்னையில் வள்ளுவருக்கு இன்னமுதக் கோட்டமுண்டு.

கன்மேலெழுத்தான ஒரு நன்னூல் திருக்குறள்.
நன்றி மறப்பது நன்றன்று நன்றல்லது
அன்றே மற என்றார்! ஒன்றல்ல!
ஆயிரத்து முன்னூற்று முப்பது குறள்கள்!

தமிழர் பண்பாட்டுச் செறிவின் அடையாளம்.
தமிழின் அகரம் அகராதி திருக்குறள்.
தமிழுக்கு உலக இலக்கிய அரங்கில்
தகவுடைய உயரிடம் தந்தார் திருவள்ளுவர்.

11-6-2018

 

 

end

 

15. கண்ணதாசன் சான்றிதழ் (16)

 

mana nalam

16

*

கவியுலகப் பூஞ்சோலையின் 04-8-16 தினபோட்டியின் தலைப்பு #மன_நலம்_சிறக்குமானால்# இன்றைய போட்டி கவிதையின் #வெற்றியாளர் கவிதாயினி_Vetha_ Langathilakam# அவர்களுக்கு வாழ்த்துகளும் பாராட்டுகளும் பங்கேற்ற அனைத்து கவிஞர்களுக்கும் வாழ்த்துகள்

🎉🎊💐🎉🎊🎈🎊🎉💐🎊🎉🎊💐🎉🎊🎈🎊🎉💐🎊
கண்ணதாசன் கவிஞர் சான்றிதழ் பெறுகிறார்)
🎉🎊💐🎉🎊🎈🎊🎉💐🎊🎉🎊💐🎉🎊🎈🎊🎉💐🎊
#மன_நலம்_சிறக்குமானால்
~~~~~~~~~~~~~~~~~~~~~~~~   

வாழ்வுப் பிரச்சனைகளை எதிர் நோக்கி
தாழ்வின்றிச் சமாளித்து முன்னேறுதல் மனநலம்.
மனநலப் பிரச்சனைகளை முன் கூட்டியே
கண்டறிந்து சிகிச்சையெடுத்தல் சுக பலன்.

*

பார்வை, நினைவுடன் ஒட்டிய நரம்புகள்
சேர்த்திணையும் கலங்கள் செவ்வையாக இயங்காவிடில்
செயல்களும் எண்ணமும் மாறுபட்டுப் பாதிப்படையும்.
மயக்கமான இந்நிலை மனநலப் பாதிப்பு.

*

மனதில் அழுத்தம் அதிகமானால் மனநோயாகும்
மூளையிலுள்ள இரசாயனச் சமமின்மையென்கிறது விஞ்ஞானம்.
ஆன்மா, மனதின் தளர்ச்சி, மனப் பலமின்மையே
மனநோயின் காரணமென்கிறோம் பழமை வழியாக.

*

மூளைக்குத் தகவல்கள் சரியாகப் பரிமாறப்படாவிடில்,
மரபியல் பரம்பரை நோயால் மரபணு கடத்தலாலும்
மனநலம் பாதிப்படைய வாய்ப்பு உண்டாம்.
பேராசை, வேலையழுத்தம், சூழல்களாலுமிது உருவாகும்.

*

சுகாதாரம், ஆரோக்கியம், ஆன்ம நலம்
ஆகாவென்ற மனநலம் தரும். மாறாகினால்
கல்வி முன்னேற்றம், கலவி உறவு
தொழில் முன்னேற்றம் உறவுகளில் பாதிப்புருவாகும்.

*

மனநலம் சிறக்குமானால் அற்புதமாக எம்
உடல் நலமுயரும். பூவுலகம் சொர்க்கமாகும்.
மனநலக் காப்பகங்கள் இல்லாது ஒழியும்.
மனநல ஆலோசகர்கள் தொழில் இழப்பார்.

*

இலக்கியம், யோகா, தியானம், சுற்றுலா
பரபரப்பான வாழ்வு, கலைகள், நல்லுறவு
இறைபக்தி, மனமார பேசுதலால் மனநலம்
நந்தவன ஊர்வலமாகி வெகுவாகச் சிறக்கும்.

*

அன்பெனும் இன்ப ஊற்று குளிர்
சாரலாய் சொரியட்டும்! ஆரோக்கிய உணவு
சிரிப்பு மனதைக் காக்கட்டும்.! தனமெனும்
கனமற்ற சிந்தனையோடு இனமிணைந்து வாழ்வோம்.

*

வேதா. இலங்காதிலகம்.
டென்மார்க். 4-8-2016.

*

2291771e9rhjzakq9

491. ஆசியுடைய வாசிப்பு

 

book

*

ஆசியுடைய வாசிப்பு

*

வாசிக்க வாசிக்க மன
பாசிப் படை விலகும்.
தூசியும் கரை ஒதுங்கும்.
யோசிக்கும் உணர்வு பெருகும்.

*

யோசிக்க சந்தேகம் உயரும்.
யோகமான தேடல் பெருகும்.
வாய்ப்புகள் எம்மை நெருங்கும்.
வாய்த்திடும் பல நிகழ்வுகள்.

*

வாத்தியாராகும் இன்பம் துன்பம்
நேத்திரம் திறக்க வைக்கும்.
காத்திரமான அனுபவ பாடம்
கோத்திடும் மனப் பக்குவம்

*

பூவெனப் பயன்பாடு பூக்கும்.
பூவாச மதிப்பு பெருகும்.
பூரண மகிழ்வு மலரும்.
பூசிடும் செழுமை வாசிப்பால்.

*

உன்னை மறப்பாய்!
உலகை அளப்பாய்!
உண்மை உணர்வாய்!
ஊற்றான அறிவால்!!

*

வேதா. இலங்காதிலகம் டென்மார்க். 23010.

*

நன்னூல்களே உற்ற நண்பன்.

புத்தகம் புத்தியின் சகவாச சங்கமம்
சுத்த அறிவின் சஞ்சார மைதானம்.
புத்தக அறிவொளி நிதானம் நம்
சித்தத்துத் தூசிகள் அகற்றும் சாதனம்.

*

வாசிப்பு தீபம் ஏற்றிடும் நிறைவு
வாணி கடாட்சம் ஏந்தும் நிறைவு.
வாசிப்பு வெள்ளம் உயர, அறிவு
விருட்சம் உயரும், வாகை நெருங்கும்.

*

நம்பிடும் நண்பனும் கைவிடுவான் நாம்
நம்பிடும் நூல்கள் கை கொடுக்கும்.
வம்பிலிருந்து நம்மைக் காக்கும். எம்
வெம்பிய மனதிற்கு மகா துணையாகும்.

*

வேதா. இலங்காதிலகம்
டென்மார்க்.
8-6-2016

*

வாசிப்பு  பற்றி இங்கும்  (இந்த இணைப்பிலும்) உண்டு

https://kovaikkavi.wordpress.com/2017/01/15/468-%E0%AE%AA%E0%AE%B4%E0%AE%9A%E0%AE%BE%E0%AE%A9%E0%AE%BE%E0%AE%B2%E0%AF%81%E0%AE%AE%E0%AF%8D-%E0%AE%AA%E0%AF%81%E0%AE%A4%E0%AF%8D%E0%AE%A4%E0%AE%95%E0%AE%99%E0%AF%8D%E0%AE%95%E0%AE%B3%E0%AF%8D/

*

https://kovaikkavi.wordpress.com/2013/07/13/28-%E0%AE%8E%E0%AE%A9%E0%AF%8D-%E0%AE%A4%E0%AE%AE%E0%AE%BF%E0%AE%B4%E0%AF%8D/

*

 

book - 4

22. வெற்றி.

Now Vethri is 5 years with bro Chola

IMG_0037[1]

வெற்றி கெட்டிக் காரனாக்கும்!…

அம்மாப் பால் தந்து அம்மா
அலாரம் வைத்து ஓடி விட்டார்.
அப்பம்மா மடியில் சிறிது மயங்கினேன்.
அப்புறமும் பால் சூப்ப ஆசையாகினேன்.
அழுது பார்த்தேன், அப்பம்மா ஆட்டினார்.
அடம் பிடித்தேன், அழுது கைகளை
வீசினேன். வாயருகேயெல்லோ விரல்கள் வந்தது!
அப்பாடியோ! பெரு முயற்சி செய்தேன்!

*

அகப்பட்டது!…அகப்பட்டது!.. பெருவிரல் வாயினுள்ளே!
ஆசையாய்ச் சூப்பினேன்! வெற்றி கெட்டிக்காரனாக்கும்!
அம்மா வரவில்லை!..அழுதேன்!…அழுதேன்!….
அப்பம்மா ஆயிரம் கதை சொன்னா…
அப்பாவுக்கு என் சத்தம் கேட்டது.
ஆசையப்பா நீல நிறச் சூப்பியை
அன்பாகத் தந்தார்…ஓ!…என்ன சுகம்!…
சூப்பிச் சூப்பித் தூங்கியே விட்டேன்.

*

அப்பம்மாவும் போய்விட்டார்.

*

Vetha. Langathilakam. Denmark.  2011

 

baby-items

490. எதுவும் நிரந்தரமில்லை

ethuvum

*

எதுவும் நிரந்தரமில்லை

*

பொதுவாக நாம் மறக்கிறோம்
எதுவும் நிரந்தரமில்லை என்பதை
அதுவாக மனதிலிது தங்கினால்
பழுதான உலகமொன்று இல்லை
*
நேசிப்பவரின் துரோகம் பகைமை
யாசித்துப் பெறும் அன்பு
யோசிக்காத தீர்மானங்கள் அனைத்தும்
வாசிக்காத புத்தகமாய் அழிவதே.

*
ஆரோக்கியமாய் வாழ்ந்தால் நோயும்
ஆதரவில்லாப் பிள்ளைப் பாசமும்
ஆசை, காதல், நேசமும்
அந்தம் வரை நிரந்தரமில்லை.
*
விழிகளில் கண்ணீர் நிரந்தரம்.
கீதையின் சாரம் நிரந்தரம்.
மரணம் என்றும் நிரந்தரம்.
ஒருவரைப் பிரிவது நிரந்தரமல்ல.
*
புலம் பெயர்ந்தோம் தாய்
நிலம் நிரந்தரம்  இல்லை.
மொழி மாறினோம் அதுவுமங்கு
தள்ளாடுது நிரந்தரமா என்று.
*
வேதா. இலங்காதிலகம் டென்மார்க். 21-4-2017

*

 

end_bar

9. சான்றிதழ்கள்.

first round- 1

*

 

*

18301698_255758121563771_3098383095035422094_n

#தொடர்_குறுங்கவிதை_போட்டி_வெற்றிச்_சான்றிதழ்

#தலைப்பு_படத்திற்கேற்றதொடர்_குறுங்கவிதை_முதலாம்_சுற்று_போட்டி நாள் 2–3–17 இருந்து 7–3–17

#வெற்றியாளர் #பாவலர்_வேதா. இலங்காதிலகம் அவர்களுக்கு வாழ்த்துகளும் பாராட்டும் போட்டியில் பங்கேற்ற அனைத்து கவிஞர்களுக்கும் வாழ்த்துகள்

💗💗💗💗💗💗💗💗💗💗💗💗💗💗
தொடர்_குறுங்கவிதை _நற்சான்றிதழ்
💗💗💗💗💗💗💗💗💗💗💗💗💗💗

தமிழமுது தேன்சாரல் – முதல் சுற்று- 4-3-2017
வேதா. இலங்காதிலகம் டென்மார்க்.

பரமன் செவியில் பவ்வியமாய்
பதிவாக்கிய எண்ணக் குவியலால்
பாரம் விலகிய தெளிவில்
பாவை வதனத்துறுதி பர்வதமாய்.

பழகிய பிரசாதத்திற்காய்ப் புறா.
பாவையெண்ணப் பாக்கியத்திற்காய் படிக்கட்டில்
பாராயண மந்திரம். மனங்கவர்
பிரார்த்தனை மங்கலமாய் நிறைவேறுமா!

______________

17201228_1865194160412024_4025292421692367784_n.jpg- 22

*

Image may contain: one or more people

*

இரண்டாவது சுற்றுக்கு எழுதினேன் ஆனால் எடுபடவில்லை
12 பேரில் 6 பேர் தெரிவு செய்தார்கள்.
இந்த வரிகள்:-

Vetha Langathilakam தமிழமுது தேன்சாரல் 12-3-2017
2ம் சுற்று தொடர் கவிதை

பிரசாதச் சர்க்கரைப் பருக்கைகளைப்
பவ்யமாயலசும் இதமான குளிர்மை.
பளீரென்ற மூக்குத்தி மின்னல்
பிரியமானவன் பத்மாசனமிட்டிதயத்தில் கிசுகிசுப்போ!

பவழமல்லிகையாய் இளநகை விரிப்பு
பரம திருப்தியிலழகு வதனம்
பரவசக் காதலின் மாயமவளை
இரசவாதமிட்டு ஈர்த்து மயக்குகிறதோ!
__________________

 

11497627-vintage-dividers-and-borders-set-for-ornate-and-decoration

489. சுமையில்லாப் பொழுதுகள்.

13072661_10208099941913503_4589521719401647376_o

*

சுமையில்லாப் பொழுதுகள்.

*

படிப்பெனும் சுமை முடிந்தாலும் உயர்
படிப்பென்ற செமினாறியம் முடிந்ததும் மிக
வடிந்தது கல்விச் சுமை. தொழிலென
படியேறி மனுக்கள் கொடுத்து வேலையிலமர்ந்தேன்.
*
முடிந்தது சுமைப் பொழுதுகள். பணியில்
கொடியேறியது ஆனந்தப் பொழுது, நிறைவு.
விடிந்தது காலம!  பணி ஓய்வூதியம்!
வடிந்தது சுமைகள்! இனிய பொழுதுகளானது!
*
துடிப்பான பேரர்களின்று தென்றலாய் எம்முள்
அடிகோலுகிறார் ஆனந்தத் தேன் அடித்தளமாய்.
குடியேறி இதயத்திலின்பப் பூவாணம் வீசுகிறார்.
நடிப்பற்ற சுமையில்லாப் பொழுதுகள் நகர்கிறது.
*
முகநூல் குழுக்களில் நிர்வாகப் பொறுப்புகளை
மிகவும் வேண்டுதலுடன் தவிர்த்து நடக்கிறேன்.
அகம் நிறைய சுமையற்ற பொழுதுகளாய்
முகம் மலர்ந்து தமிழோடு தவழுகிறேன்.
*
பா ஆக்கம் பா வானதி வேதா. இலங்காதிலகம். டென்மார்க் 15-3-2016.
ena...ena...

488. வெறுப்புடை அழைப்பு

 

invitt.jpg-2

*

வெறுப்புடை அழைப்பு

*

மனம் நிறையக் கனவுகள்
சினம் குறைக்கும் நினைவுகள்
இனம் கூடும் திருமணம்
தனமெனும் இன்ப மழைச்சாரல்.
*
கொஞ்சும் நினைவில் நிறைந்து
அஞ்சும் குரூரங்கள் அழிந்து
மஞ்சள் பூசி மங்கலமுணர்ந்து
வஞ்சமற்ற அழைப்பிதழ் இதயமினிப்பது.
*
தனக்கான மணநாள் அழைப்பது
மனக்கசப்பு முனகலின் திரட்சியது.
வனவாச வெறுப்பு உமிழ்வது.
அழைக்காமல் தவிர்ப்பது மேலானது.
*
மோதல் முறுக்குதல் தவிர்த்தல்
கூதல் குளப்பமெனில் விலகுதல்
காதல் சிலிர்த்தல் அணைத்தல்
தோதாம் அமைதி வாழ்வில்.
*
_____________
வேதா. இலங்காதிலகம். 17-4-2017
*
ena...ena...

8. அருமையற்ற வீட்டில் எருமையும் குடியிருக்காது

 

puthumai. march 17

அருமையற்ற வீட்டில் எருமையும் குடியிருக்காது

 
பூக்கள் படையுடனான இன்ப மாளிகை வீடு.
பாக்களவிழும் அமைதி ஆரோக்கியமான கூடு.
ஊக்கமுடைய ஊதுபத்தியாமறிவு நறுமணம் கமழ
கோதும் குறுந்தொகை மொழியாடுமில்லத்தில் வாழலாம்.
*
அன்புப் பார்வை அங்கீகரிக்கும் நாகரீகம்.
ஆதரவு மொழியுடைய செல்லச் சுவை
இதயத்தில்   தென்றல் வீசுமருமை வீட்டில்
அன்பின் மேலாண்மையுடன் ஆனந்தித்து வாழ்தலருமை.
*
தற்பெருமை பேசிப்பேசி இதயமறுக்கும் சுயநலமாய்
அற்பமாய் மூன்று வேலை செய்வதை
நற்செயலென்று பீத்தல், இதை நாள்முழுதும்
வற்புறுத்திக் கேட்க வைத்தலெத்தனை அலுப்பு!
*
இப்படியொரு மனிதருடன் காலமெல்லாம் வாழ்தல்
எப்படி அருமையாகும்! எருமையும் குடியிருக்காது.
தப்படி எடுக்கும் குடும்ப அங்கத்தவரால்
முப்பொழுதும் நாசமாகும் நிலை உருவாகும்
*
குடிகாரன் வீடு என்றும் மின்னல்
இடியுடைய சோக மழை பொழியும்
குடிலே! அறிவுக் குடை தேடியிங்கு
விடியலெனுமருமை காண புனர்வாழ்வு தேவை.
*
ஒழுக்கமற்ற பிள்ளைகளால் பெற்றவர் கௌரவம்
வழுகிடும், தன்மானம் வெகுவாகத் தலை குனியும்.
அழுகையே மூச்சுக் காற்றாகி சூனியமாகும்.
எழுகையற்ற இவ் வீட்டிலெருமையும் குடியிருக்காது.
*
கண்ணீராடும் நெஞ்சோடு கூட்டல் பெருக்கலற்ற
எண்ணங்களில் வசந்தமற்ற கருமை வீட்டில்
புண்ணாகும் மனதோடு வாழ்தல் கொடுமை.
வண்ணமாய் அருமையகம் தேடி வாழலாம்.
*
மயிலிறகு, குயிலினிமை பயிலுகின்ற பரமானந்தம்
துயிலாத புன்னகை துவளாத வீட்டில்
ஓயிலாக அமைய வாழ்தல் இனிமை.
வெயிலாக அருமையற்ற வீட்டுலகம் வேண்டாம்.
*
Vetha Langathilakam Denmark..13-4-2017
*
veeduuu

Previous Older Entries Next Newer Entries