140. முதலாளித்துவத்தின் சுரண்டல்.

முதலாளித்துவத்தின் சுரண்டல்.

இரைப்பைச் சுவரை அரிக்கும்
சுரப்பிகள் போன்று இதயமற்று
அட்டை, உண்ணியாய் மெலிந்தோரைத்
திட்டமிட்டு உறிஞ்சுவார்
மட்டமான முதலாளிகள்.
எட்டிக் காயாகும் முதலாளிகள்,
தொழிற் கண்ணியம் பேணாத
முதலாளிகள், சமூகப் புற்றுநோய்கள்.

உலகமெங்கும் பரந்து
சுலபமாய் வட்டமேசையிட்டுக்
கலகம் உருவாக்கும் காரணி
முதலாளித்துவத்தின் சுரண்டல்.
முதலாளியின்றேல் தொழிலாளியில்லை.
தொழிலாளியின்றேல் முதலாளியில்லை.
எழுதாத உதட்டு  வரியிது.
முழுதான உண்மையிது.

ஆற்றாமை  பொறாமை நன்கு
அரித்தெடுக்கும் தொழிலாளியும்
முதலாளி வளர்ச்சியைத் தாங்காது
பொங்குவான் மிகப் பொருமுவான்.
வண்டிற் சில்லு – கடையாணி
போன்றது தான் உலகில்
முதலாளிஇ தொழிலாளி உறவும்.
விலகாத இவர்கள் போராட்டமும்.

பா ஆக்கம். வேதா. இலங்காதிலகம்.
ஓகுஸ், டென்மார்க்.
15-12-2010.

http://www.vaarppu.com/padam_varikal.php?id=63

T 18-11-2014