சித்திரம் பேசுதடி-heading.
வெள்ளைச்சிரிப்பு
வெள்ளைச் சிரிப்பிலில்லைக் களங்கம்.
கள்ளருந்துவதாய் மயக்குது நிசம்.
கொள்ளையடிக்கும் உலகை நிசம்.
கிள்ளை மொழியுனதும் இனிக்கும்.
பிள்ளைச் சிரிப்பைப் பத்திரமாய்
சள்ளையற்றுலகம் பாதுகாப்புத் தருமா!
கொள்ளைக் கேள்விகள் என்னிடம்
நொள்ளை உலகைப் பார்த்து.
அத்துமீறலற்ற அழகுப் பெட்டகம்.
முத்துச் சிரிப்பு இது.
சத்து அழியாது காக்க
பத்தரைமாற்று மனிதர்கள் தேவை.
சுயநலம் நிறைந்து வெகு
பயம் கொண்ட உலகில்
தயவோடு நீ வாழத்
தகவு பல பெற்றிடுவாய்!
(சள்ளை – துன்பம், தொந்தரவு. நொள்ளை – குருடு)
பா ஆக்கம்
பா வானதி வேதா. இலங்காதிலகம்.
டென்மார்க்.
8-8-2015