திண்ணை
***
திண்ணை மரபு வீடுகளில் உள்ளது.
கண்ணை முடிச் சாயும் மேடையிது.
திண்ணைப் பள்ளிக் கூடம், பஞ்சாயத்து
கண்ணைத் திறக்கும் மேடை, குந்து.
***
நீண்ட பயணக்காரர், வழிப்போக்கரும் தங்கி
உண்டு ஆறிப் பயணம் தொடருவார்.
மீண்டு இரவுத் தங்கலிற்கும் பயனாகும்.
திண்டாடும் பிரச்சனைகளிற்கு நீதிமன்றமும் ஆனது.
***
திண்ணை தூங்கிகளும் ஊரில் இருந்தனர்.
பெண்கள் கொக்கான் வெட்டு விளையாடவும்
பண்டைய சோழியாடுதல், தாயம் போடவும்
திண்ணை பழம் பெருமை வாய்ந்தது.
***
படுக்கை, இருக்கை, அரட்டை அரங்கமாய்
பாலகருக்கு பாடம் புகட்ட வசதியாகவும்
பழம் பெருமை வாய்ந்த திண்ணையின்று
படத்தில் மட்டும் காணும் சொர்க்கம்.
***
ஒன்றரை அடி உயரத்தில் வெளியே
வாசலுடன் சேர்ந்தது. பொது குந்து.
உள்ளே உறவுகளுடன் ஒட்டி யுறவாடும:
அள்ளியணைக்கும் அழகு, பழைய சோபா.
***
பா ஆக்கம் பா வானதி
வேதா. இலங்காதிலகம்.
டென்மார்க்.
6-3-2016
வேதாவின் வலை.. 